പ്രളയകാലത്ത് മലയോരത്തെ കരകയറ്റിയ കേന്ദ്രസേന തലവന് യാത്രാമൊഴി

കേ​ള​കം: പ്ര​ള​യ​കാ​ല​ത്ത് മ​ല​യോ​ര​ത്തെ ക​ര​ക​യ​റ്റി​യ കേ​ന്ദ്ര​സേ​ന ത​ല​വ​ന് നാ​ടി​ന്റെ യാ​ത്രാ​മൊ​ഴി. ലെ​ഫ്റ്റ​ന​ന്റ് കേ​ണ​ൽ(​റി​ട്ട.) എം.​കെ. സു​രേ​ന്ദ്ര​ന്റെ വി​യോ​ഗം കൊ​ട്ടി​യൂ​ർ ജ​ന​ത​ക്കും ഇ​ര​ട്ടി നൊ​മ്പ​ര​മാ​യി. 2018 ആ​ഗ​സ്റ്റി​ലു​ണ്ടാ​യ ഉ​രു​ൾ​പൊ​ട്ട​ൽ പ​ര​മ്പ​ര​ക​ളി​ൽ​പ്ര​ള​യ​ത്തി​ൽ ത​ക​ർ​ന്ന കൊ​ട്ടി​യൂ​രി​ൽ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി​യ കേ​ന്ദ്ര​സേ​ന​യു​ടെ ത​ല​വ​ൻ എം.​കെ. സു​രേ​ന്ദ്ര​നാ​യി​രു​ന്നു. പ്ര​ള​യ​ത്തി​ൽ ത​ക​ർ​ന്ന കൊ​ട്ടി​യൂ​രി​ലെ പാ​ത​ക​ളും പാ​ല​ങ്ങ​ളും ഗ​താ​ഗ​ത യോ​ഗ്യ​മാ​ക്കി കേ​ണ​ൽ സു​രേ​ന്ദ്ര​ന്റെ നേ​തൃ​ത്വ​ത്തി​ലു​ള്ള കേ​ന്ദ്ര​സേ​ന നാ​ട്ടു​കാ​രു​ടെ കൈ​യ​ടി നേ​ടി​യി​രു​ന്നു. കൊ​ട്ടി​യൂ​ർ മ​ന്ദം ചേ​രി​യി​ലെ ദേ​വ​സ്വ​ത്തി​ന്റെ ഇ​രു​മ്പു​പാ​ല​വും പാ​മ്പ​റ​പ്പാ​ൻ പാ​ല​വും മ​ല​വെ​ള്ള​പ്പാ​ച്ചി​ലി​ൽ ത​ക​ർ​ന്ന​പ്പോ​ൾ പ്ര​തി​സ​ന്ധി മ​റി​ക​ട​ക്കാ​ൻ മ​ല​യോ​ര ജ​ന​ത​ക്ക് താ​ങ്ങും ത​ണ​ലു​മാ​യി​നി​ന്ന​ത് ജ​ന​മ​ന​സ്സു​ക​ൾ അ​നു​സ്മ​രി​ക്കു​ന്നു. വെ​ള്ള​പ്പൊ​ക്ക​ത്തി​ൽ ഒ​ഴു​കി​യെ​ത്തി​യ മു​ള​ക​ളും ക​മു​കു​ത​ടി​ക​ളും കൊ​ണ്ട് താ​ൽ​ക്കാ​ലി​ക പാ​ല​ങ്ങ​ൾ കെ​ട്ടി​യു​ണ്ടാ​ക്കി നാ​ട്ടു​കാ​രെ മ​റു​ക​ര​യെ​ത്തി​ക്കാ​ൻ യ​ത്നി​ച്ച​തും കേ​ന്ദ്ര​സേ​ന​യാ​യി​രു​ന്നു. കൂ​ടാ​തെ കൊ​ട്ടി​യൂ​ർ പ​രി​സ​ര​ത്തെ ത​ക​ർ​ന്ന പാ​ത​ക​ളും ക​ല്ലി​ട്ട് നി​ക​ത്തി ഗ​താ​ഗ​ത​യോ​ഗ്യ​മാ​ക്കി​യും, കൊ​ട്ടി​യൂ​ർ ജു​മാ​മ​സ്ജി​ദി​ന്റെ ത​ക​ർ​ന്ന സു​ര​ക്ഷാ മ​തി​ൽ താ​ൽ​ക്കാ​ലി​ക​മാ​യി ക​ല്ലു​നി​റ​ച്ച് പു​ന​സ്ഥാ​പി​ച്ച​തും നാ​ട്ടു​കാ​ർ ഓ​ർ​ക്കു​ന്നു. പ​ള്ളി​യു​ടെ പു​ഴ​യോ​ര​ത്തെ സം​ര​ക്ഷ​ണ​ഭി​ത്തി ത​ക​ർ​ന്ന​ത് മ​സ്ജി​ദി​ന് ഭീ​ഷ​ണി​യാ​ണെ​ന്ന​റി​ഞ്ഞാ​ണ് ല​ഫ്. കേ​ണ​ൽ എം.​കെ. സു​രേ​ന്ദ്ര​ന്റെ നേ​തൃ​ത്വ​ത്തി​ൽ നി​ർ​മാ​ണം ന​ട​ത്തി​യ​ത്.

പ്ര​ള​യ​ത്തി​ൽ മു​ങ്ങി​യ കൊ​ട്ടി​യൂ​രി​ൽ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്കാ​യി നി​യോ​ഗി​ക്ക​പ്പെ​ട്ട നാ​ൽ​പ​തം​ഗ കേ​ന്ദ്ര​സേ​ന​യെ അ​ഭി​വാ​ദ്യ​ങ്ങ​ളോ​ടെ​യാ​ണ് നാ​ട്ടു​കാ​ർ സേ​വ​ന​ങ്ങ​ൾക്കുശേ​ഷം തി​രി​കെ​യാ​ത്ര​യാ​ക്കി​യ​ത്. കേ​ന്ദ്ര​സേ​ന ന​ട​ത്തി​യ സാ​ഹ​സി​ക പ്ര​വ​ർ​ത്ത​ന​ങ്ങ​ളി​ൽ ത​ക​ർ​ച്ച​യി​ലേ​ക്ക് നീ​ങ്ങി​യ മൂ​ന്ന് പാ​ല​ങ്ങ​ൾ സം​ര​ക്ഷി​ക്കു​ക​യും നി​ര​വ​ധി പാ​ത​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ പു​ന​ർ​നി​ർ​മി​ക്കു​ക​യും ചെ​യ്തി​രു​ന്നു. 18ാമ​ത്തെ വ​യ​സ്സി​ൽ ഒ​രു സാ​ധാ​ര​ണ പ​ട്ടാ​ള​ക്കാ​ര​നാ​യി ഔ​ദ്യോ​ഗി​ക ജീ​വി​തം തു​ട​ങ്ങി​യ എം.​കെ. സു​രേ​ന്ദ്ര​ൻ ക​ണ്ണൂ​ർ ഡി.​എ​സ്.​സി. സെ​ന്റ​റി​ല​ട​ക്കം വി​വി​ധ മി​ലി​ട്ട​റി യൂ​നി​റ്റു​ക​ളി​ൽ 40 വ​ർ​ഷം സേ​വ​ന​മ​നു​ഷ്ഠി​ച്ചി​ട്ടു​ണ്ട്.