ആറളം നി​ല​നി​ർ​ത്തി എ​ൽ.​ഡി.​എ​ഫ്; ആഹ്ലാദ പ്രകടനം വ​ൻ പൊ​ലീ​സ് സു​ര​ക്ഷയിൽ​

ഇ​രി​ട്ടി: ആ​റ​ളം പ​ഞ്ചാ​യ​ത്തി​ലെ വീ​ർ​പ്പാ​ട് വാ​ർ​ഡി​ൽ ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി യു.​കെ. സു​ധാ​ക​ര​ന്​ ജ​യം. 137 വോ​ട്ടി​െൻറ വ​ൻ​ഭൂ​രി​പ​ക്ഷ​ത്തി​ലാ​ണ് സു​ധാ​ക​ര​ൻ വി​ജ​യി​ച്ച​ത്. ഇ​തോ​ടെ പ​ഞ്ചാ​യ​ത്ത്​ ഭ​ര​ണം എ​ൽ.​ഡി.​എ​ഫി​ന് നി​ല​നി​ർ​ത്താ​നാ​യി.

1185 വോ​ട്ട​ർ​മാ​രി​ൽ 1097 പേ​രാ​ണ് സ​മ്മ​തി​ദാ​ന​വ​കാ​ശം വി​നി​യോ​ഗി​ച്ച​ത്. എ​ൽ.​ഡി.​എ​ഫ് സ്ഥാ​നാ​ർ​ഥി യു.​കെ. സു​ധാ​ക​ര​ന് 608 വോ​ട്ട് ല​ഭി​ച്ചു. യു.​ഡി.​എ​ഫ് സ്ഥാ​നാ​ർ​ഥി സു​രേ​ന്ദ്ര​ൻ പാ​റ​ക്ക​ത്താ​ഴേ​ക്ക് 471 വോ​ട്ടും ബി.​ജെ.​പി സ്ഥാ​നാ​ർ​ഥി എ.​കെ. അ​ജ​യ​കു​മാ​റി​ന് 11 വോ​ട്ടും ല​ഭി​ച്ചു. സ്വ​ത​ന്ത്ര സ്ഥാ​നാ​ർ​ഥി​ക​ൾ​ക്ക് എ​ല്ലാ​വ​ർ​ക്കു​മാ​യി ഏ​ഴു വോ​ട്ടും ല​ഭി​ച്ചി​ട്ടു​ണ്ട്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഇ​വി​ടെ മ​ത്സ​രി​ച്ച് വി​ജ​യി​ച്ച എ​ൽ.​ഡി.​എ​ഫ് സ്ഥാ​നാ​ർ​ഥി ബേ​ബി​ജോ​ൺ പൈ​നാ​പ്പി​ള്ളി എ​ട്ട്​ വോ​ട്ടു​ക​ൾ​ക്കാ​യി​രു​ന്നു വി​ജ​യി​ച്ച​ത്. അ​ദ്ദേ​ഹം കോ​വി​ഡ് ബാ​ധി​ച്ച് മ​രി​ച്ച​തി​നെ തു​ട​ർ​ന്നാ​ണ് വാ​ർ​ഡി​ൽ ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്ന​ത്.

17 സീ​റ്റു​ള്ള പ​ഞ്ചാ​യ​ത്തി​ൽ എ​ൽ.​ഡി.​എ​ഫി​ന് ഒ​മ്പ​തും യു.​ഡി.​എ​ഫി​ന് എ​ട്ടും സീ​റ്റു​ക​ളാ​ണ് ല​ഭി​ച്ചി​രു​ന്ന​ത്. ബേ​ബി​ജോ​ണി​െൻറ മ​ര​ണ​ത്തോ​ടെ ഇ​രു​മു​ന്ന​ണി​ക്കും എ​ട്ട്​ സീ​റ്റ്​ വീ​ത​മാ​യ​തോ​ടെ ന​റു​ക്കെ​ടു​പ്പി​ൽ ഇ​ട​തു​മു​ന്ന​ണി​ക്ക്​ ഭ​ര​ണം ല​ഭി​ക്കു​ക​യാ​യി​രു​ന്നു.

ഉ​പ​തെ​ര​ഞ്ഞെ​ടു​പ്പി​ൽ വി​ജ​യി​ക്കാ​ൻ ക​ഴി​ഞ്ഞ​ത്​ എ​ൽ.​ഡി.​എ​ഫി​ന് ആ​ശ്വാ​സ​മാ​യി. അ​ഭി​മാ​ന​പോ​രാ​ട്ട​ത്തി​ൽ ക​ഴ​ഞ്ഞ​ത​വ​ണ കി​ട്ടി​യ എ​ട്ട് വോ​ട്ടി​െൻറ ഭൂ​രി​പ​ക്ഷം 137ലേ​ക്ക് ഉ​യ​ർ​ത്താ​നാ​യി എ​ന്ന​തും നേ​ട്ട​മാ​യി. അ​തേ​സ​മ​യം, ക​ഴി​ഞ്ഞ​ത​വ​ണ ബി.​ജെ.​പി നേ​ടി​യ 32 വോ​ട്ടി​ൽ പ​കു​തി​പോ​ലും ഇ​വ​ർ​ക്ക് നേ​ടാ​നാ​യി​ല്ല.

വെ​ളി​മാ​നം സെൻറ്​ സെ​ബാ​സ്​​റ്റ്യ​ൻ​സ് സ്‌​കൂ​ളി​ൽ ക​ന​ത്ത പൊ​ലീ​സ് കാ​വ​ലോ​ടെ രാ​വി​ലെ 10ഒാ​ടെ​യാ​ണ് വോ​ട്ടെ​ണ്ണ​ൽ ആ​രം​ഭി​ച്ച​ത്. മാ​ധ്യ​മ​പ്ര​വ​ർ​ത്ത​ക​രെ അ​ട​ക്കം ആ​രെ​യും വോ​ട്ടെ​ണ്ണ​ൽ ഹോ​ളി​ലേ​ക്ക് ക​ട​ത്തി​വി​ട്ടി​രു​ന്നി​ല്ല. ആ​ദ്യം എ​ണ്ണി​യ 24 ത​പാ​ൽ വോ​ട്ടി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി​ക്ക് 17, യു.​ഡി.​എ​ഫി​ന് ആ​റ്, ബി.​ജെ.​പി.​ക്ക്​ ഒ​ന്ന്​ എ​ന്നാ​യി​രു​ന്നു ഫ​ലം. ഒ​ന്നാം ബൂ​ത്താ​യ വെ​ളി​മാ​നം സ്‌​കൂ​ളി​ലെ ഫ​ല​ത്തി​ലും മു​ൻ‌​തൂ​ക്കം എ​ൽ.​ഡി.​എ​ഫി​ന് ത​ന്നെ​യാ​യി​രു​ന്നു. എ​ൽ.​ഡി.​എ​ഫ് 326, യു.​ഡി.​എ​ഫ് 218, ബി.​ജെ.​പി ആ​റ്​ എ​ന്ന​താ​യി​രു​ന്നു ഫ​ലം. ര​ണ്ടാം ബൂ​ത്താ​യ വീ​ർ​പ്പാ​ട് ക​മ്യൂ​ണി​റ്റി ഹാ​ളി​ലെ ഫ​ല​വും വ​ന്ന​തോ​ടെ എ​ല്ലാം കൈ​വി​ട്ട അ​വ​സ്ഥ​യി​ലാ​യി യു.​ഡി.​എ​ഫ്. ഈ ​ബൂ​ത്തി​ൽ എ​ൽ.​ഡി.​എ​ഫ് 265, യു.​ഡി.​എ​ഫ് 247, ബി.​ജെ.​പി നാ​ല്​ എ​ന്ന​താ​യി​രു​ന്നു വോ​ട്ടു​നി​ല.

ആഹ്ലാദ പ്രകടനം നടത്തി

ഇ​രി​ട്ടി: വീ​ർ​പ്പാ​ട് വാ​ർ​ഡ് ഉ​പ​തെ​ര​ഞ്ഞെ​ടു​പ്പി​ലെ യു.​കെ. സു​ധാ​ക​ര​െൻറ വി​ജ​യം എ​ൽ.​ഡി.​എ​ഫ് അ​ണി​ക​ളെ ആ​ഹ്ലാ​ദ​ത്തി​ലാ​ക്കി. ജി​ല്ല സെ​ക്ര​ട്ട​റി എം.​വി. ജ​യ​രാ​ജ​െൻറ നേ​തൃ​ത്വ​ത്തി​ൽ സു​ധാ​ക​ര​നെ ആ​ന​യി​ച്ചു ആ​ഹ്ലാ​ദ പ്ര​ക​ട​നം ന​ട​ത്തി. എം.​വി. ജ​യ​രാ​ജ​നും കെ. ​ശ്രീ​ധ​ര​ൻ അ​ട​ക്ക​മു​ള്ള നേ​താ​ക്ക​ളും ചു​വ​ന്ന ഷാ​ൾ അ​ണി​യി​ച്ച് വി​ജ​യി​യെ അ​നു​മോ​ദി​ച്ചു. ആ​ഹ്ലാ​ദ പ്ര​ക​ട​ന​ത്തി​ന്​ ജി​ല്ല സെ​ക്ര​േ​ട്ട​റി​യ​റ്റ് അം​ഗം പി. ​പു​രു​ഷോ​ത്ത​മ​ൻ, നേ​താ​ക്ക​ളാ​യ കെ. ​ശ്രീ​ധ​ര​ൻ, സ​ക്കീ​ർ ഹു​സൈ​ൻ, പി.​പി. അ​ശോ​ക​ൻ, പി. ​റോ​സ, എ​ൻ.​ടി. റോ​സ​മ്മ, വൈ.​വൈ. മ​ത്താ​യി, കെ.​കെ. ജ​നാ​ർ​ദ​ന​ൻ ഘ​ട​ക​ക​ക്ഷി നേ​താ​ക്ക​ളാ​യ ജെ​യ്‌​സ​ൺ ജീ​ര​ക​ശ്ശേ​രി, വി​പി​ൻ തോ​മ​സ്, പി.​കെ. സ​ന്തോ​ഷ് എ​ന്നി​വ​ർ നേ​തൃ​ത്വം ന​ൽ​കി. പാ​യ​സ​വും മ​ധു​ര​പ​ല​ഹാ​ര വി​ത​ര​ണ​വും ന​ട​ന്നു. സം​ഘ​ർ​ഷം ക​ണ​ക്കി​ലെ​ടു​ത്ത് ഇ​രി​ട്ടി ഡി​വൈ.​എ​സ്.​പി പ്രി​ൻ​സ് അ​ബ്ര​ഹാ​മി​െൻറ നേ​തൃ​ത്വ​ത്തി​ൽ വ​ൻ പൊ​ലീ​സ് സു​ര​ക്ഷ​യും ഒ​രു​ക്കി​യി​രു​ന്നു. പൊ​ലീ​സ്​ മേ​ധാ​വി ന​വ​നീ​ത് ശ​ർ​മ​യും സ്ഥ​ല​ത്തെ​ത്തി​യി​രു​ന്നു.

ldf-prakadanam-iritty

വീർപ്പാട് വാർഡ് ഉപതെരഞ്ഞെടുപ്പിൽ വിജയിച്ച എൽ.ഡി.എഫ് സ്ഥാനാർഥി യു.കെ. സുധാകരനെ ആനയിച്ച് നടത്തിയ ആഹ്ലാദ പ്രകടനം