അ​മ്പാ​യ​ത്തോ​ട്- മ​ട്ട​ന്നൂ​ർ നാ​ലു​വ​രി​പ്പാ​ത; സാ​മൂ​ഹി​കാഘാ​ത പ​ഠ​നം തു​ട​ങ്ങി

കേ​ള​കം: ക​ണ്ണൂ​ർ വി​മാ​ന​ത്താ​വ​ള​ത്തി​ലേ​ക്കു​ള്ള റോ​ഡി​ന്റെ ഭാ​ഗ​മാ​യി കൊ​ട്ടി​യൂ​രി​ലെ അ​മ്പാ​യ​ത്തോ​ട്ടി​ൽ നി​ന്ന് മ​ട്ട​ന്നൂ​ർ വ​രെ​യു​ള്ള നാ​ലു​വ​രി​പ്പാ​ത​യു​ടെ സാ​മൂ​ഹി​ക ആ​ഘാ​ത പ​ഠ​നം ആ​രം​ഭി​ച്ചു.

കോ​ഴി​ക്കോ​ട് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന വി.​കെ. ക​ൺ​സ​ൽ​ട്ട​ൻ​സി​യാ​ണ് സാ​മൂ​ഹി​കാഘാ​ത പ​ഠ​നം ന​ട​ത്തു​ന്ന​ത്. ലാ​ൻ​ഡ് അ​ക്വി​സി​ഷ​ൻ വി​ഭാ​ഗ​ത്തി​ൽ നി​ന്ന് വി​ര​മി​ച്ച ഉ​ദ്യോ​ഗ​സ്ഥ​രാ​ണ് നേ​തൃ​ത്വം ന​ൽ​കു​ന്ന​ത്.

2013ലെ ​കേ​ന്ദ്ര നി​യ​മ പ്ര​കാ​രം ന​ട​ത്തു​ന്ന പ​ഠ​ന​ത്തി​ന്റെ ഭാ​ഗ​മാ​യി സ്ഥ​ല​ത്തെ​ത്തു​ന്ന സം​ഘം സ​ർ​വേ ന​ട​ത്തി​യ പ്ര​ദേ​ശ​ങ്ങ​ൾ നേ​രി​ൽ ക​ണ്ട് പ​രി​ശോ​ധി​ക്കും. തു​ട​ർ​ന്ന് റോ​ഡി​നാ​യി ഭൂ​മി​യും വീ​ടും കെ​ട്ടി​ട​ങ്ങ​ളും വി​ട്ടു കൊ​ടു​ക്കു​ന്ന​വ​രെ നേ​രി​ൽ ക​ണ്ട് വി​വ​ര​ങ്ങ​ൾ ശേ​ഖ​രി​ക്കും. അ​ടു​ത്ത ഘ​ട്ട​ത്തി​ൽ ഭൂ​മി വി​ട്ടു കൊ​ടു​ക്കു​ന്ന​തി​ലു​ടെ ഓ​രോ കൈ​വ​ശ​ക്കാ​ര​നു​മു​ണ്ടാ​കു​ന്ന ആ​ഘാ​തം എ​ത്ര​യെ​ന്ന് തി​ട്ട​പ്പെ​ടു​ത്തും. ഇ​തു സം​ബ​ന്ധി​ച്ച് ക​ര​ട് റി​പ്പോ​ർ​ട്ട് സ​മ​ർ​പ്പി​ച്ച​ശേ​ഷ​മാ​യി​രി​ക്കും അ​ടു​ത്ത ഘ​ട്ട​ത്തി​ലെ ന​ട​പ​ടി​ക​ൾ തു​ട​ങ്ങു​ന്ന​ത്. ത​യാ​റാ​ക്കു​ന്ന ക​ര​ട് റി​പ്പോ​ർ​ട്ട് എ​ല്ലാ പ​ഞ്ചാ​യ​ത്തു​ക​ളി​ലും പ്ര​ദ​ർ​ശി​പ്പി​ക്കും.

അ​തി​ൽ വീ​ണ്ടും പ​രി​ശോ​ധ​ന​ക​ളും അ​ഭി​പ്രാ​യ രൂ​പവത്​ക​ര​ണ​വും ന​ട​ത്തി വി​വി​ധ വ​കു​പ്പു​ക​ൾ​ക്ക് കൈ​മാ​റും. തു​ട​ർ​ന്ന് സ്ഥ​ലം വി​ട്ടു​ന​ൽ​കു​ന്ന​വ​രു​ടെ യോ​ഗം വി​ളി​ച്ചുചേ​ർ​ത്ത് അ​ന്തി​മ അ​ഭി​പ്രാ​യ രൂ​പവത്ക​ര​ണ​വും ന​ട​ത്തും.

ക​ൺ​സ​ൽ​ട്ട​ൻ​സി ചെ​യ​ർ​മാ​ൻ വി.​കെ. ബാ​ല​ൻ, റോ​ഡ് ഫ​ണ്ട് ബോ​ർ​ഡ് ഓ​വ​ർ​സി​യ​ർ കെ. ​ഡി​ജേ​ഷ്, ലാ​ൻ​ഡ് അ​ക്വ​സി​ഷ​ൻ റ​വ​ന്യൂ ഇ​ൻ​സ്പെ​ക്ട​ർ എം.​ജെ. ഷി​ജോ, എ.​ആ​ർ. അ​ഫ്സ​ൽ, റി​ട്ട​യേ​ഡ് ത​ഹ​സി​ൽ​ദാ​ർ പി. ​രാ​ധാ​കൃ​ഷ്ണ​ൻ, ടി. ​ബാ​ബു​രാ​ജ്, റി​ട്ട. സ​ർ​വേ ഡ​യ​റ​ക്ട​ർ പി.​കെ. ച​ന്ദ്ര​ഭാ​നു എ​ന്നി​വ​ർ നേ​തൃ​ത്വം ന​ൽ​കി.