കാട്ടുപന്നിശല്യം വ്യാപിക്കുന്നു; വനം-പഞ്ചായത്ത് അധികൃതർക്ക് നിസ്സംഗത

കേ​ള​കം: മ​ല​യോ​ര​ത്ത് കാ​ട്ടു​പ​ന്നി​ശ​ല്യം കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വ്യാ​പി​ക്കു​ന്നു. ഇ​തു​വ​രെ ശ​ല്യ​മി​ല്ലാ​തി​രു​ന്ന പ്ര​ദേ​ശ​ങ്ങ​ളി​ൽ​വ​രെ കാ​ട്ടു​പ​ന്നി​ക​ളെ​ത്തി കൃ​ഷി ന​ശി​പ്പി​ക്കു​ക​യാ​ണ്. അ​ധ്വാ​നി​ച്ച് ന​ട്ടു​വ​ള​ർ​ത്തി​യ കാ​ർ​ഷി​ക​വി​ള​ക​ൾ കാ​ട്ടു​പ​ന്നി​ക​ൾ ന​ശി​പ്പി​ക്കു​ന്ന​ത് നോ​ക്കി​നി​ൽ​ക്കേ​ണ്ട അ​വ​സ്ഥ​യി​ലാ​ണ് മ​ല​യോ​ര​ജ​ന​ത. കേ​ള​കം, ക​ണി​ച്ചാ​ർ, കൊ​ട്ടി​യൂ​ർ, ആ​റ​ളം, കോ​ള​യാ​ട് ,അ​യ്യം കു​ന്ന് പ​ഞ്ചാ​യ​ത്തു​ക​ളു​ടെ മ​ല​യോ​ര പ്ര​ദേ​ശ​ങ്ങ​ൾക്കുപു​റ​മെ ജ​ന​വാ​സ കേ​ന്ദ്ര​ങ്ങ​ളി​ൽ വ​രെ കാ​ട്ടുപ​ന്നി​ക​ൾ കൂ​ട്ട​മാ​യെ​ത്തി കൃ​ഷി ന​ശി​പ്പി​ക്കു​മ്പോ​ൾ ഭീ​തി​യി​ലാ​ണ് ക​ർ​ഷ​ക​ർ. സ​ന്ധ്യ മ​യ​ങ്ങി​യാ​ൽ പു​റ​ത്തി​റ​ങ്ങാ​ൻ പ​റ്റാ​ത്ത അ​വ​സ്ഥ. രാ​ത്രി​യാ​യാ​ൽ ജ​ന​വാ​സ മേ​ഖ​ല​യി​ൽ കൂ​ട്ട​മ​ായെ​ത്തു​ന്ന കാട്ടുപ​ന്നി​ക​ൾ വാ​ഹ​ന​യാ​ത്ര​ക്കാ​ർ​ക്കും പേ​ടി സ്വ​പ്നം. നി​ര​വ​ധി ഇ​രു​ച​ക്ര​വാ​ഹ​ന​യാ​ത്ര​ക്കാ​ർ ഇ​തി​നി​ടെ അ​പ​ക​ട​ത്തി​ൽ പെ​ട്ടു. ആ​ഴ്ച​ക​ൾ​ക്ക് മു​മ്പ് ചെ​ട്ടി​യാം​പ​റ​മ്പി​ലെ ക​ർ​ഷ​ക​ന്റെ കൃ​ഷി​യി​ട​ത്തി​ൽ കാട്ടുപ​ന്നി​ക​ൾ വി​ള​നാ​ശം വ​രു​ത്തി​യ​തി​നെ തു​ട​ർ​ന്ന് ക​ർ​ഷ​ക​ൻ മ​ര​ത്തി​ൽ ക​യ​റി ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ​തി​നെത്തു​ട​ർ​ന്ന് ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ പ്ര​ദേ​ശ​ത്തെ കാട്ടുപ​ന്നി​വേ​ട്ട​ക്ക് ലൈ​സ​ൻ​സു​ള്ള തോ​ക്കു​ള്ള പ​രി​ശീ​ല​നം നേ​ടി​യ​വ​രെ നി​യോ​ഗി​ച്ചി​രു​ന്നു. എ​ന്നാ​ൽ, ന​ട​പ​ടി ദി​വ​സ​ങ്ങ​ൾ​ക്ക​കം നി​ല​ച്ചു.

കേ​ള​ക​ത്തി​​ന്റെ മ​ല​യോ​ര പ്ര​ദേ​ശ​ങ്ങ​ളാ​യ ശാ​ന്തി​ഗി​രി, രാ​മ​ച്ചി മോ​സ്കോ, ക​രി​യം കാ​പ്, അ​ട​ക്കാ​ത്തോ​ട്, തു​ള്ള​ൽ, ചെ​ട്ടി​യാം പ​റ​മ്പ, വെ​ണ്ടേ​ക്കും​ചാ​ൽ തു​ട​ങ്ങി​യ പ്ര​ദേ​ശ​ത്തെ കൃ​ഷി​യി​ട​ങ്ങ​ളി​ൽ കാ​ട്ടു​പ​ന്നി​ക​ൾ കൂ​ട്ട​മാ​യെ​ത്തി വി​ള​ക​ൾ ന​ശി​പ്പി​ക്കു​ന്ന​ത് നി​ത്യ​സം​ഭ​വ​മാ​യി​ട്ടും വ​നം വ​കു​പ്പോ, പ​ഞ്ചാ​യ​ത്ത് അ​ധി​കൃ​ത​രോ ന​ട​പ​ടി​യെ​ടു​ക്കാ​ത്ത​തി​ൽ രോ​ഷാ​കു​ല​രാ​യ ക​ർ​ഷ​ക​ർ പ്ര​ക്ഷോ​ഭ​ത്തി​നൊ​രു​ക്ക​ത്തി​ലാ​ണ്.

വി​ള​നാ​ശ​ത്തി​ന് അ​ടി​യ​ന്ത​ര​മാ​യി സ​ർ​ക്കാ​ർ ന​ഷ്ട പ​രി​ഹാ​രം കാ​ണ​ണ​മെ​ന്നാ​ണ് ക​ർ​ഷ​ക​ർ ആ​വ​ശ്യ​പ്പെ​ടു​ന്ന​ത്. വി​ള​ക​ൾ കാ​ട്ടു​മൃ​ഗ​ങ്ങ​ൾ ന​ശി​പ്പി​ച്ചാ​ൽ ക​ർ​ഷ​ക​ർ​ക്ക് ല​ഭി​ക്കേ​ണ്ട ന​ഷ്ട​പ​രി​ഹാ​രം​പോ​ലും ല​ഭി​ക്കു​ന്നി​ല്ലെ​ന്നും ഇ​വ​ർ ആ​രോ​പി​ക്കു​ന്നു. കൃ​ഷി​യി​ട​ത്തി​ലെ​ത്തു​ന്ന കാ​ട്ടു പ​ന്നി​ക​ളെ കൊ​ന്നൊ​ടു​ക്കാ​നും ന​ട​പ​ടി വേ​ണം.