കാ​ട്ടു​പ​ന്നി​ക്കൂ​ട്ടം കൃ​ഷി ന​ശി​പ്പി​ച്ചു; ക​ർ​ഷ​ക​ൻ ആ​ത്മ​ഹ​ത്യ ഭീ​ഷ​ണി മു​ഴ​ക്കി

കേ​ള​കം: കാ​ട്ടു​പ​ന്നി​ക്കൂ​ട്ടം വ്യാ​പ​ക​മാ​യി കൃ​ഷി ന​ശി​പ്പി​ച്ച​തി​നെ​ത്തു​ട​ർ​ന്ന് ക​ർ​ഷ​ക​ൻ മ​ര​ത്തി​നു മു​ക​ളി​ൽ ക​യ​റി ആ​ത്മ​ഹ​ത്യ ഭീ​ഷ​ണി മു​ഴ​ക്കി. കേ​ള​കം പ​ഞ്ചാ​യ​ത്തി​ലെ ചെ​ട്ടി​യാം​പ​റ​മ്പ് ന​രി​ക്ക​ട​വി​ലെ അ​റ​ക്ക​ൽ തോ​മ​സാ​ണ് ന​ഷ്ട​പ​രി​ഹാ​ര​വും അ​ടി​യ​ന്ത​ര ന​ട​പ​ടി​യും ആ​വ​ശ്യ​പ്പെ​ട്ട് മ​ര​ത്തി​നു മു​ക​ളി​ൽ ക​യ​റി ആ​ത്മ​ഹ​ത്യ ഭീ​ഷ​ണി മു​ഴ​ക്കി​യ​ത്.

ന​രി​ക്ക​ട​വ് സ്വ​ദേ​ശി​യി​ൽ നി​ന്ന് സ്ഥ​ലം പാ​ട്ട​ത്തി​നെ​ടു​ത്താ​ണ് തോ​മ​സ് ക​പ്പ, ചേ​മ്പ്, കാ​ച്ചി​ൽ എ​ന്നി​വ കൃ​ഷി ചെ​യ്തി​രു​ന്ന​ത്. കൂ​ടാ​തെ ഒ​ന്ന​ര ല​ക്ഷ​ത്തോ​ളം രൂ​പ കൃ​ഷി ആ​വ​ശ്യ​ങ്ങ​ൾ​ക്കാ​യി ലോ​ണും എ​ടു​ത്തി​രു​ന്നു. 400ല​ധി​കം ക​പ്പ കൃ​ഷി ഇ​റ​ക്കി​യ​തി​ൽ 200 ഓ​ള​വും കാ​ട്ടു​പ​ന്നി​ക്കൂ​ട്ടം ന​ശി​പ്പി​ച്ചു. ചേ​മ്പ്, കാ​ച്ചി​ൽ മു​ത​ലാ​യ​വ പൂ​ർ​ണ​മാ​യും ന​ശി​പ്പി​ച്ചു. ബു​ധ​നാ​ഴ്ച രാ​വി​ലെ പ​തി​വു​പോ​ലെ തോ​മ​സ് കൃ​ഷി​യി​ട​ത്തി​ലെ​ത്തി​യ​പ്പോ​ഴാ​ണ് ഇ​ന്ന​ലെ രാ​ത്രി​യി​ലാ​യി കാ​ട്ടു​പ​ന്നി​ക്കൂ​ട്ടം വ്യാ​പ​ക​മാ​യി ത​ന്റെ കൃ​ഷി വി​ള​ക​ൾ ന​ശി​പ്പി​ച്ച​താ​യി ശ്ര​ദ്ധ​യി​ൽ​പ്പെ​ട്ട​ത്. ഇ​തി​ൽ മ​നം നൊ​ന്താ​ണ് തോ​മ​സ് രാ​വി​ലെ എ​ട്ടു​മ​ണി​യോ​ടു​കൂ​ടി മ​ര​ത്തി​നു മു​ക​ളി​ൽ ക​യ​റി ആ​ത്മ​ഹ​ത്യ ഭീ​ഷ​ണി മു​ഴ​ക്കി​യ​ത്. നാ​ട്ടു​കാ​ർ പി​ന്തി​രി​പ്പി​ക്കാ​ൻ ശ്ര​മി​ച്ചെ​ങ്കി​ലും ഇ​റ​ങ്ങാ​ൻ ത​യാ​റാ​യി​ല്ല.

പ​ഞ്ചാ​യ​ത്ത് ഭാ​ര​വാ​ഹി​ക​ളും പൊ​ലീ​സ് ഉ​ദ്യോ​ഗ​സ്ഥ​രും വ​നം വ​കു​പ്പ് അ​ധി​കൃ​ത​രും സ്ഥ​ല​ത്തെ​ത്തി ക​ർ​ഷ​ക​നു​മാ​യി ച​ർ​ച്ച ന​ട​ത്തി. ബു​ധ​നാ​ഴ്ച രാ​ത്രി​യി​ൽ ത​ന്നെ സ്ഥ​ല​ത്ത് ഷൂ​ട്ട​ർ​മാ​രെ വ​രു​ത്തി കാ​ട്ടു​പ​ന്നിക്കൂ​ട്ട​ത്തെ വെ​ടി​വെ​ക്കാ​മെ​ന്നും ഉ​ട​ൻ ന​ഷ്ട​പ​രി​ഹാ​രം ന​ൽ​കാ​മെ​ന്നും ഉ​റ​പ്പുന​ൽ​കി​യ​തി​നെ​ത്തു​ട​ർ​ന്നാ​ണ് തോ​മ​സ് താ​ഴെ​യി​റ​ങ്ങാ​ൻ ത​യാ​റാ​യ​ത്.

പ്ര​ദേ​ശ​ത്തെ കാ​ട്ടു​പ​ന്നി​യു​ടെ ശ​ല്യം വ​ള​രെ നാ​ളാ​യി കൂ​ടു​ത​ലാ​ണെ​ന്നും നി​ര​വ​ധി പ​രാ​തി​ക​ൾ ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് ന​ൽ​കി​യെ​ങ്കി​ലും ഒ​രു​വി​ധ ന​ട​പ​ടി​യും സ്വീ​ക​രി​ച്ചി​ട്ടി​ല്ലെ​ന്നും നാ​ട്ടു​കാ​രു​ൾ​പ്പെ​ടെ കു​റ്റ​പ്പെ​ടു​ത്തി. പ്ര​ദേ​ശ​ത്ത് എ​ത്ര​യും പെ​ട്ടെ​ന്ന് വ​ന്യ​മൃ​ഗ ശ​ല്യ​ത്തി​ന് അ​റു​തി കാ​ണ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. മ​ക്ക​ളെ പോ​ലെ താ​ൻ പ​രി​പാ​ലി​ക്കു​ന്ന കാ​ർ​ഷി​ക വി​ള​ക​ൾ പൂ​ർ​ണ​മാ​യി ന​ശി​ച്ച​തോ​ടെ നെ​ഞ്ച് ത​ക​ർ​ന്നാ​ണ് താ​ൻ ജീ​വ​ൻ വെ​ടി​യാ​ൻ മ​ര​ത്തി​ൽ ക​യ​റി​യ​തെ​ന്ന് തോ​മ​സ് പ​റ​ഞ്ഞു.