ആറളം മേഖലയിലെ കാട്ടാനക്കൂട്ടം; ഓടിത്തളർന്ന് റാപ്പിഡ് റെസ്പോൺസ് ടീം

കേ​ള​കം: ആ​ന​യെ തു​ര​ത്താ​നെ​ത്തി തി​രി​ച്ചു​പോ​കാ​ൻ ക​ഴി​യാ​തെ ഫാ​മി​നു​ള്ളി​ൽ ആ​സ്ഥാ​ന മ​ന്ദി​രം നി​ർ​മി​ച്ച് സ്ഥി​ര​താ​മ​സം ആ​ക്കേ​ണ്ടി​വ​ന്ന ക​ഥ​യാ​ണ് ആ​റ​ളം ഫാ​മി​ലെ റാ​പ്പി​ഡ് റെ​സ്പോ​ൺ​സ് ടീ​മി​ന് (ആ​ർ.​ആ​ർ.​ടി) പ​റ​യാ​നു​ള്ള​ത്. പു​ന​ര​ധി​വാ​സ മേ​ഖ​ല​യി​ലെ താ​മ​സ​ക്കാ​രു​ടെ ക​ാവ​ലാ​ൾ എ​ന്നു​വേ​ണം ഇ​വ​രെ വി​ളി​ക്കാ​ൻ. നൂറോളം വ​രു​ന്ന ആ​ന​ക​ളെ മെ​രു​ക്കാ​ൻ ദ്രു​ത ക​ർ​മ​സേ​ന​ക്ക് 12 സ്ഥി​രം സ്റ്റാ​ഫു​ക​ളും ഒ​മ്പ​ത് വാ​ച്ച​ർ​മാ​രു​മാ​ണു​ള്ള​ത്. ജി​ല്ല​യി​ൽ മു​ഴു​വ​ൻ ജോ​ലി​ചെ​യ്യേ​ണ്ട ആ​ർ.​ആ​ർ.​ടി അം​ഗ​ങ്ങ​ളാ​ണ് ആ​റ​ളം ഫാ​മി​ൽ മാ​ത്രം ഒ​തു​ങ്ങി​പ്പോ​യ​ത്.

ഡെ​പ്യൂ​ട്ടി റേ​ഞ്ച​ർ എം. ​ഷൈ​നി കു​മാ​റി​ന്റെ നേ​തൃ​ത്വ​ത്തി​ലാ​ണ് പ്ര​വ​ർ​ത്ത​നം. യ​ന്ത്ര​വാ​ളും തെ​ങ്കാ​ശി പ​ട​ക്ക​ങ്ങ​ളു​മാ​ണ് ഇ​വ​രു​ടെ പ്ര​ധാ​ന ആ​യു​ധം. കൂ​ടാ​തെ പോ​യ​ന്റ് 315 റൈ​ഫി​ൾ അ​ഞ്ചെ​ണ്ണ​വും, വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യം ക​ണ്ടു​പി​ടി​ക്കാ​ൻ ഉ​പ​യോ​ഗി​ക്കാ​വു​ന്ന തെ​ർ​മ​ൽ ഇ​മേ​ജ് ഡ്രോ​ൺ, പ​മ്പ് ആ​ക്ഷ​ൻ ഗ​ൺ ര​ണ്ടെ​ണ്ണ​വും ഒ​രു വാ​ഹ​ന​വു​ം ആ​ർ.​ആ​ർ.​ടി​ക്ക് സ്വ​ന്ത​മാ​യു​ണ്ട്. ക​ടു​വ​ക​ളെ അ​ട​ക്കം പി​ടി​കൂ​ടാ​ൻ ക​ഴി​യു​ന്ന ര​ണ്ട് കൂ​ടു​ക​ൾകൂ​ടി ആ​ർ.​ആ​ർ.​ടി​ക്ക് ല​ഭി​ച്ചി​ട്ടു​ണ്ട്.

ആ​ർ.​ആ​ർ.​ടി അം​ഗ​ങ്ങ​ൾ വ​ന്യ​മൃ​ഗ​ങ്ങ​ളെ തു​ര​ത്തു​ന്ന​തി​ൽ മാ​ത്ര​മ​ല്ല ഫാ​മി​ലെ താ​മ​സ​ക്കാ​രു​ടെ ആ​വ​ശ്യ​ങ്ങ​ൾ​ക്കാ​യി അ​ടി​യ​ന്ത​ര​മാ​യി ഓ​ടി​യെ​ത്തു​ന്ന​തും പ​തി​വാ​ണ്. രാ​ത്രി വൈ​കി എ​ത്തു​ന്ന​വ​രെ സു​ര​ക്ഷി​ത​മാ​യി വീ​ടു​ക​ളി​ൽ എ​ത്തി​ക്കു​ക, ഗ​ർ​ഭി​ണി​ക​ളെ​യും രോ​ഗി​ക​ളെ​യും രാ​ത്രി​യി​ൽ സു​ര​ക്ഷി​ത​മാ​യി ആ​ശു​പ​ത്രി​ക​ളി​ൽ എ​ത്തി​ക്കു​ക തു​ട​ങ്ങി​യ കാ​ര്യ​ങ്ങ​ളും ഇ​വ​ർ ചെ​യ്യു​ന്നു​ണ്ട്. ഏ​ഴു​പേ​ർ അ​ട​ങ്ങു​ന്ന മൂ​ന്ന് ബാ​ച്ചു​ക​ളാ​യാ​ണ് ഡ്യൂ​ട്ടി. മ​രം വീ​ണ് ത​ട​സ്സപ്പെ​ട്ട വ​ഴി ശ​രി​യാ​ക്ക​ൽ, ആ​ന ത​ക​ർ​ക്കു​ന്ന ഫെ​ൻ​സി​ങ് ശ​ര​ിയാ​ക്ക​ൽ എ​ന്നി​വ ചെ​യ്യു​ന്ന​ത് ആ​ർ.​ആ​ർ. ടി ​അം​ഗ​ങ്ങ​ളാ​ണ്. ജീ​വ​ൻ പ​ണ​യം വെ​ച്ച​ും ആ​ന​ക​ളെ തു​ര​ത്തു​മ്പോ​ൾ ഇ​വ​ർ​ക്ക് മു​ന്നി​ൽ ഭീ​ഷ​ണി​യാ​യി നി​ൽ​ക്കു​ന്ന​ത് പു​ന​ര​ധി​വാ​സ മേ​ഖ​ല​യി​ലെ കാ​ടു​ക​ളാ​ണ്. കാ​ടു​ക​ൾ വെ​ട്ടി​മാ​റ്റി​യാ​ൽ ആ​ന​ക​ൾ വ​ന​ത്തി​ലേ​ക്ക് പി​ൻ​വ​ലി​യു​മെ​ന്നാ​ണ് ഇ​വ​ർ പ​റ​യു​ന്ന​ത്.