കണ്ണൂരിൽ പോ​ര് കനക്കുന്നു

ക​ണ്ണൂ​ർ: ക​ത്തു​ന്ന മീ​ന​ച്ചൂ​ടി​നെ​യും പി​ന്ത​ള്ളി തെ​ര​ഞ്ഞെ​ടു​പ്പാ​വേ​ശം കൊ​ടു​മു​ടി​യി​ലേ​ക്ക്. ഇ​നി പോ​ളി​ങ് ബൂ​ത്തി​ലേ​ക്ക് 28 ദി​വ​സ​ത്തെ ദൂ​രം മാ​ത്രം. പ​തി​വി​ൽ​നി​ന്ന് വ്യ​ത്യ​സ്ത​മാ​യി ഇ​ത്ത​വ​ണ തെ​ര​ഞ്ഞെ​ടു​പ്പ് വി​ജ്ഞാ​പ​ന​ത്തി​നു മു​മ്പേ സ്ഥാ​നാ​ർ​ഥി​ക​ൾ പ​ര്യ​ട​ന​ത്തി​നി​റ​ങ്ങി​യ​തി​നാ​ൽ മി​ക്ക മ​ണ്ഡ​ല​ങ്ങ​ളി​ലും ഒ​ന്നി​ലേ​റെ ത​വ​ണ വോ​ട്ട​ർ​മാ​രെ കാ​ണാ​ൻ ഇ​വ​രെ​ത്തി. എ​ല്ലാ മ​ണ്ഡ​ല​ങ്ങ​ളി​ലും റോ​ഡ് ഷോ ​പ​ല​ത​വ​ണ ന​ട​ന്നു.

ക​ണ്ണൂ​ർ മ​ണ്ഡ​ല​ത്തി​ലെ ഏ​ഴ് നി​യോ​ജ​ക മ​ണ്ഡ​ല​ങ്ങ​ളി​ലും എ​ൽ.​ഡി.​എ​ഫ് സ്ഥാ​നാ​ർ​ഥി എം.​വി. ജ​യ​രാ​ജ​നും യു.​ഡി.​എ​ഫ് സ്ഥാ​നാ​ർ​ഥി കെ. ​സു​ധാ​ക​ര​നും പ​ല​വ​ട്ട​മാ​ണ് വോ​ട്ട​ർ​മാ​രെ കാ​ണാ​നെ​ത്തി​യ​ത്. ആ​രാ​ധാ​നാ​ല​യ​ങ്ങ​ൾ, വി​വാ​ഹ​വീ​ടു​ക​ൾ, മ​ണ്ഡ​ല​ത്തി​ലെ പ്ര​ധാ​ന കാ​മ്പ​സു​ക​ൾ തു​ട​ങ്ങി​യി​ട​ങ്ങ​ളി​ലെ​ല്ലാം ഇ​തി​ന​കം സ്ഥാ​നാ​ർ​ഥി​ക​ൾ എ​ത്തി​ക്ക​ഴി​ഞ്ഞു. കാ​സ​ർ​കോ​ട് മ​ണ്ഡ​ല​ത്തി​ന്റെ ഭാ​ഗ​മാ​യ പ​യ്യ​ന്നൂ​രി​ലും ക​ല്യാ​ശ്ശേ​രി​യി​ലും ഇ​രു സ്ഥാ​നാ​ർ​ഥി​ക​ളും പ​ല​ത​വ​ണ വ​ന്നു. വ​ട​ക​ര മ​ണ്ഡ​ല​ത്തി​ന്റെ ഭാ​ഗ​മാ​യ ത​ല​ശ്ശേ​രി​യി​ലും കൂ​ത്തു​പ​റ​മ്പി​ലും തെ​ര​ഞ്ഞെ​ടു​പ്പാ​വേ​ശം ഉ​ച്ചി​യി​ലാ​ണ്.

മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ര​ണ്ടു ത​വ​ണ ക​ണ്ണൂ​ർ മ​ണ്ഡ​ല​ത്തി​ലെ​ത്തി​യ​ത് അ​ണി​ക​ൾ​ക്ക് ആ​വേ​ശ​മാ​യി. ക​ല​ക്ട​റേ​​റ്റ് മൈ​താ​നി​യി​ൽ തെ​ര​ഞ്ഞെ​ടു​പ്പ് ക​ൺ​വെ​ൻ​ഷ​ൻ ഉ​ദ്ഘാ​ട​ന​ത്തി​നും പൗ​ര​ത്വ നി​യ​മ​ഭേ​ദ​ഗ​തി​ക്കെ​തി​രാ​യ റാ​ലി​ക്കു​മാ​ണ് മു​ഖ്യ​മ​ന്ത്രി വ​ന്ന​ത്. ഇ​തി​നു പു​റ​മെ എ​ൽ.​ഡി.​എ​ഫ് നേ​താ​ക്ക​ളു​ടെ നേ​തൃ​ത്വ​ത്തി​ലും എ​ൽ.​ഡി.​വൈ.​എ​ഫി​ന്റെ നേ​തൃ​ത്വ​ത്തി​ലും നൈ​റ്റ് മാ​ർ​ച്ചും ന​ട​ത്തി. യു.​ഡി.​എ​ഫി​ന്റെ വ​ട​ക​ര, കാ​സ​ർ​കോ​ട്, ക​ണ്ണൂ​ർ സ്ഥാ​നാ​ർ​ഥി​ക​ളാ​യ ഷാ​ഫി പ​റ​മ്പി​ൽ, രാ​ജ്മോ​ഹ​ൻ ഉ​ണ്ണി​ത്താ​ൻ, കെ. ​സു​ധാ​ക​ര​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ക​ണ്ണൂ​ർ സി​റ്റി​യി​ലേ​ക്ക് ന​ട​ത്തി​യ നൈ​റ്റ് മാ​ർ​ച്ചി​ൽ നൂ​റു​ക​ണ​ക്കി​ന് പേ​രാ​ണ് പ​​ങ്കെ​ടു​ത്ത​ത്.

എ​ൻ.​ഡി.​എ സ്ഥാ​നാ​ർ​ഥി സി. ​ര​ഘു​നാ​ഥും വി​വി​ധ മ​ണ്ഡ​ല​ങ്ങ​ളി​ൽ പ്ര​ചാ​ര​ണ​വു​മാ​യി സ​ജീ​വ​മാ​ണ്. അ​ടു​ത്ത​ത് ​ദേ​ശീ​യ​ നേ​താ​ക്ക​ളു​ടെ വ​ര​വാ​ണ്. മൂ​ന്ന് മു​ന്ന​ണി​യു​ടെ​യും ദേ​ശീ​യ നേ​താ​ക്ക​ൾ ക​ണ്ണൂ​രി​ലെ​ത്തും. പ​ത്രി​ക​ക​ളു​ടെ സ​മ​ർ​പ്പ​ണം ഇ​ന്ന് മു​ത​ൽ സ്ഥാ​നാ​ർ​ഥി​ക​ളു​ടെ പ​ത്രി​ക സ​മ​ർ​പ്പ​ണം വ്യാ​ഴാ​ഴ്ച മു​ത​ൽ ആ​രം​ഭി​ക്കും. ബ​ന്ധ​പ്പെ​ട്ട റി​ട്ടേ​ണി​ങ് ഓ​ഫി​സ​ർ​മാ​ർ​ക്കു മു​മ്പാ​കെ​യാ​ണ് പ​ത്രി​ക സ​മ​ർ​പ്പി​ക്കേ​ണ്ട​ത്.

രാ​വി​ലെ 11 മു​ത​ൽ വൈ​കീ​ട്ട് മൂ​ന്നു വ​രെ​യാ​ണ് പ​ത്രി​ക സ്വീ​ക​രി​ക്കു​ന്ന സ​മ​യം. അ​വ​സാ​ന തീ​യ​തി ഏ​പ്രി​ൽ നാ​ല്. അ​വ​ധി ദി​ന​ങ്ങ​ളാ​യ മാ​ര്‍ച്ച് 29, 31 ഏ​പ്രി​ല്‍ ഒ​ന്ന് തീ​യ​തി​ക​ളി​ല്‍ പ​ത്രി​ക സ​മ​ര്‍പ്പി​ക്കാ​നാ​വി​ല്ല. സൂ​ക്ഷ്മ പ​രി​ശോ​ധ​ന ഏ​പ്രി​ൽ അ​ഞ്ചി​ന് ന​ട​ക്കും. നാ​മ​നി​ര്‍ദേ​ശ പ​ത്രി​ക പി​ന്‍വ​ലി​ക്കാ​നു​ള്ള അ​വ​സാ​ന തീ​യ​തി ഏ​പ്രി​ല്‍ എ​ട്ടാ​ണ്.