തൊഴിലാളികൾക്കായി വിമാന യാത്ര സംഘടിപ്പിച്ചു

മാഹി: നഗരസഭയുടെ ഖര മാലിന്യ വിമുക്തി പ്രവൃത്തികൾ നടത്തുന്ന സാന്ത്വനം സംഘടനയുടെ നേതൃത്വത്തിൽ തൊഴിലാളികൾക്കായി വിനോദയാത്ര സംഘടിപ്പിച്ചു. കണ്ണൂരിൽ നിന്ന് തിരുവനന്തപുരം വഴി കന്യാകുമാരിയിലേക്കായിരുന്നു 43 അംഗ സംഘത്തിന്‍റെ വിനോദ യാത്ര. ലേബർ ഓഫിസർ മനോജ് കുമാർ വിനോദ യാത്ര ഫ്ലാഗ് ഓഫ് ചെയ്തു.

യാത്ര തൊഴിലാളികൾക്ക് പുതുമയും നവോന്മേഷവും പകർന്നതായി സംഘാടകർ പറഞ്ഞു. സാന്ത്വനം മുഖ്യ സംഘാടക സരസ്വതി യാത്രയിൽ മുൻ കരുതൽ മാർഗനിർദേശങ്ങൾ നൽകി.