സ്കൂളിൽനിന്ന് വിനോദയാത്ര പോയ ബസും കെ.എസ്.ആർ.ടി.സിയും കൂട്ടിയിടിച്ച് നിരവധി പേർക്ക് പരിക്ക്; ഞെട്ടൽ മാറാതെ കുട്ടികൾ

മാ​ഹി: കെ.​എ​സ്.​ആ​ർ.​ടി.​സി സൂ​പ്പ​ർ ഫാ​സ്റ്റും സ്കൂ​ൾ വി​ദ്യാ​ർ​ഥി​ക​ളു​മാ​യി ക​ണ്ണൂ​രി​ലേ​ക്ക് പോ​വു​ക​യാ​യി​രു​ന്ന ടൂ​റി​സ്റ്റ് ബ​സും കൂ​ട്ടി​യി​ടി​ച്ച് വി​ദ്യാ​ർ​ഥി​ക​ള​ട​ക്കം നി​ര​വ​ധി പേ​ർ​ക്ക്​ പ​രി​ക്ക്. ഞാ​യ​റാ​ഴ്ച രാ​വി​ലെ 8.30ഓ​ടെ മാ​ഹി പൂ​ഴി​ത്ത​ല പ​ഴ​യ ഷ​നീ​ന ടാ​ക്കീ​സി​ന് മു​ന്നി​ലാ​യി​രു​ന്നു അ​പ​ക​ടം.

ത​ളി​പ്പ​റ​മ്പി​ൽ​നി​ന്ന് അ​ടി​മാ​ലി​യി​ലേ​ക്ക് പോ​വു​ക​യാ​യി​രു​ന്ന സൂ​പ്പ​ർ​ഫാ​സ്റ്റ് മ​റ്റൊ​രു ടി.​ടി ബ​സി​നെ മ​റി​ക​ട​ന്ന് പോ​യ​താ​ണ് സ്കൂ​ൾ ബ​സു​മാ​യി കൂ​ട്ടി​യി​ടി​ക്കാ​നി​ട​യാ​യ​തെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു.

കോഴിക്കോട് കൊ​ടു​വ​ള്ളി ഓ​മ​ശ്ശേ​രി​യി​ലെ പു​ത്തൂ​ർ ജി.​യു.​പി സ്കൂ​ളി​ൽ​നി​ന്ന് പ​ഠ​ന​യാ​ത്ര​ക്കാ​യി പു​റ​പ്പെ​ട്ട 33 വി​ദ്യാ​ർ​ഥി​ക​ളും അ​ധ്യാ​പ​ക​രു​മാ​ണ് ബ​സി​ലു​ണ്ടാ​യ​ത്. പ​രി​ക്കേ​റ്റ ആ​റാം ക്ലാ​സ് വി​ദ്യാ​ർ​ഥി​നി​ക​ളാ​യ സു​മ​യ്യ (11), ഹ​നാ​ന ഹ​ന്ന (11), ഹം​ദാ​ൻ (12) എ​ന്നി​വ​ർ മാ​ഹി ഗ​വ. ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ​തേ​ടി. മ​റ്റൊ​രു വി​ദ്യാ​ർ​ഥി ഹാ​ഫി​സി​ന് (14) ക​ണ്ണി​ന് പ​രി​ക്കേ​റ്റ​തി​നാ​ൽ മാ​ഹി​യി​ൽ​നി​ന്ന് വ​ട​ക​ര​യി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റി. ടൂ​റി​സ്റ്റ് ബ​സ് ഡ്രൈ​വ​ർ​ക്ക് കാ​ലി​ന്​ പ​രി​ക്കേ​റ്റു. ആ​രു​ടെ​യും പ​രി​ക്ക്​ ഗു​രു​ത​ര​മ​ല്ല.

ക​ണ്ണൂ​ർ വി​സ്മ​യ പാ​ർ​ക്കി​ലേ​ക്ക് പോ​കുകയായിരുന്ന ബസിൽ 33 കു​ട്ടി​ക​ളാണ് ഉണ്ടായിരുന്നത്. പാ​ട്ടും ക​ളി​ചി​രി​യു​മാ​യി മൂ​ന്ന് മ​ണി​ക്കൂ​ർ പി​ന്നി​ട്ട​പ്പോ​ഴാ​യിരുന്നു അപകടം.

മ​ത്സ്യതൊ​ഴി​ലാ​ളി​ക​ൾ ഓ​ടി​യെ​ത്തി​യാ​ണ് പ​രി​ക്കേ​റ്റ കു​ട്ടി​ക​ളെ​യും സൂ​പ്പ​ർ​ഫാ​സ്റ്റ് ബ​സ് യാ​ത്ര​ക്കാ​രെ​യും ബ​സു​ക​ളി​ൽ​നി​ന്ന് പു​റ​ത്തി​റ​ക്കി ആ​ശു​പ​ത്രി​യി​ലേ​ക്ക് എ​ത്തി​ച്ച​ത്. ഓ​ട്ടോ ഡ്രൈ​വ​ർ സു​രേ​ന്ദ്ര​ന്റെ നേ​തൃ​ത്വ​ത്തി​ൽ ഓ​ട്ടോ തൊ​ഴി​ലാ​ളി​ക​ളും സ​ഹാ​യ​ത്തി​നെ​ത്തി. സാ​മൂ​ഹി​ക പ്ര​വ​ർ​ത്ത​ക​രാ​യ യു​വാ​ക്ക​ൾ പ​രി​ക്കു​ക​ളി​ല്ലാ​ത്ത 28 കു​ട്ടി​ക​ളെ​യും സ​മീ​പ​ത്തെ ഫാ​ത്തി​മ മ​ദ്റ​സ​യി​ലെ​ത്തി​ച്ചു. പൂ​ഴി​ത്ത​ല​യി​ലു​ള്ള വീ​ട്ട​മ്മ​മാ​രാ​ണ് പ​രി​ച​രി​ച്ച​ത്.

മാ​ഹി, ചോ​മ്പാ​ല പൊ​ലീ​സ് അ​പ​ക​ട​സ്ഥ​ല​ത്തെ​ത്തി. ദേ​ശീ​യ​പാ​ത​യി​ൽ ഗ​താ​ഗ​ത ത​ട​സ്സം നേ​രി​ട്ട​തി​നെ തു​ട​ർ​ന്ന് കോ​ഴി​ക്കോ​ട് നി​ന്ന് ക​ണ്ണൂ​ർ ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ കു​ഞ്ഞി​പ്പ​ള്ളി​യി​ലൂ​ടെ​യും ക​ണ്ണൂ​രി​ൽ​നി​ന്ന് കോ​ഴി​ക്കോ​ട് ഭാ​ഗ​ത്തേ​ക്കു​ള്ള​വ ചൊ​ക്ലി വ​ഴി​യും തി​രി​ച്ചു​വി​ട്ടു.