ടാഗോർ പാർക്കിലെ ശുചിമുറി അടച്ചു; വിനോദസഞ്ചാരികൾ ദുരിതത്തിൽ

മാ​ഹി: മ​യ്യ​ഴി​പ്പു​ഴ​യു​ടെ അ​ര​ഞ്ഞാ​ണ​മെ​ന്ന് വി​ശേ​ഷി​പ്പി​ക്ക​പ്പെ​ടു​ന്ന പു​ഴ​യോ​ര ന​ട​പ്പാ​ത​യി​ലും ടാ​ഗോ​ർ പാ​ർ​ക്കി​ലും കു​ടും​ബ​വു​മാ​യെ​ത്തു​ന്ന വി​നോ​ദ സ​ഞ്ചാ​രി​ക​ൾ​ക്ക് പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ ശു​ചി​മു​റി​യി​ല്ലാ​ത്ത​ത് ദു​രി​ത​മാ​യി. നി​ല​വി​ൽ മാ​ഹി ടാ​ഗോ​ർ പാ​ർ​ക്കി​ൽ പ​ണം കൊ​ടു​ത്ത് ഉ​പ​യോ​ഗി​ക്കാ​ൻ ക​ഴി​യു​ന്ന ശു​ചി​മു​റി തു​റ​ക്കാ​ത്ത​താ​ണ് സ്ത്രീ​ക​ളും കു​ട്ടി​ക​ളു​മ​ട​ങ്ങു​ന്ന സ​ന്ദ​ർ​ശ​ക​ർ​ക്ക് പ്ര​യാ​സ​മു​ണ്ടാ​ക്കു​ന്ന​ത്. മൂ​ത്ര​മൊ​ഴി​ക്ക​ണ​മെ​ങ്കി​ൽ തൊ​ട്ട​ടു​ത്ത വീ​ടു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ് ഇ​വി​ടെ​യെ​ത്തു​ന്ന പ​ല​രും.

നി​സ്സാര കാ​ര​ണ​ത്തി​ന്റെ പേ​രി​ലാ​ണ് ശു​ചി​മു​റി അ​ട​ച്ച​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. അ​ഡ്മി​നി​സ്ട്രേ​റ്റ​ർ കാ​ര്യാ​ല​യ​ത്തി​ന്റെ​യും മാ​ഹി എം.​എ​ൽ.​എ​യു​ടെ ക്യാ​മ്പ് ഓ​ഫി​സി​ന്റെ​യും മൂ​ക്കി​നു​താ​ഴെ കി​ട​ക്കു​ന്ന​യി​ട​ത്താ​ണ് ഈ ​ദു​ര​വ​സ്ഥ. നി​ത്യേ​ന നൂ​റു​ക​ണ​ക്കി​ന് സ​ന്ദ​ർ​ശ​ക​രാ​ണ് ഇ​വി​ടെ​യെ​ത്തു​ന്ന​ത്. സ​മീ​പ​ത്തൊ​ന്നും പൊ​തു​ശു​ചി​മു​റി ഇ​ല്ലാ​ത്ത​തും സ​ന്ദ​ർ​ശ​ക​രെ വ​ല​ക്കു​ന്നു. അ​ടി​യ​ന്തര​മാ​യി ശു​ചി​മു​റി തു​റ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.