എ​ന്നു തീ​രും സ​ഫ്‍വാ​ന​യു​ടെ ഈ ​യാ​ത്രാ​ദു​രി​തം

മാ​ഹി: ചാ​ല​ക്ക​ര എ​ക്സ​ൽ സ്കൂ​ളി​ന് സ​മീ​പ​ത്തെ ബൈ​ത്തു​ൽ സ​ഫ് വാ​നാ​സി​ലെ സ​ഫ്‌​വാ​ന​ക്ക് സ്കൂ​ളി​ൽ പോ​കാ​ൻ ഏ​റെ ആ​ഗ്ര​ഹ​മു​ണ്ടെ​ങ്കി​ലും പ​രി​മി​തി​ക​ളാ​ൽ വീ​ർ​പ്പു​മു​ട്ടു​ക​യാ​ണ്. ജ​നി​ത​ക വൈ​ക​ല്യ​മു​ള്ള സ​ഫ്‌​വാ​ന​ക്ക് എ​പ്പോ​ഴും കൂ​ട്ട് വീ​ൽ​ചെ​യ​റാ​ണ്. ചു​രു​ക്ക​ത്തി​ൽ സ​ഫ്‌​വാ​ന​യു​ടെ കൈ​കാ​ലു​ക​ൾ ഉ​മ്മ​യും ഉ​പ്പ​യു​മാ​ണെ​ന്ന് ത​ന്നെ പ​റ​യാം.

സ്കൂ​ളി​ൽ പോ​കാ​ൻ അ​തി​യാ​യ മോ​ഹ​മു​ണ്ടെ​ങ്കി​ലും വീ​ട്ടു​മു​റ്റ​ത്ത് വാ​ഹ​ന​മെ​ത്താ​ത്ത​തി​നാ​ൽ സ്കൂ​ളെ​ന്ന സ്വ​പ്നം പ​ല​പ്പോ​ഴും മ​രീ​ചി​ക​യാ​വു​ക​യാ​ണ്. വീ​ടു​മു​റ്റ​ത്തു​വ​രെ റോ​ഡു​ണ്ടെ​ങ്കി​ലും പൊ​ട്ടി​പ്പൊ​ളി​ഞ്ഞ് ക​യ​റ്റ​മു​ള്ള​താ​യ​തി​നാ​ൽ 200 മീ​റ്റ​ർ ദൂ​ര​ത്തി​ൽ വ​രെ മാ​ത്ര​മേ വാ​ഹ​നം വ​രൂ.

സ​ഫ്‌​വാ​ന​യു​ടെ ഉ​മ്മ​ക്ക് മ​ക​ളെ ചു​മ​ന്ന് റോ​ഡു​വ​രെ കൊ​ണ്ടു​പോ​കാ​ൻ ക​ഴി​യി​ല്ല. സ്വ​കാ​ര്യ സ്ഥാ​പ​ന​ത്തി​ലെ സെ​യി​ൽ​സ്മാ​നാ​യ പി​താ​വ് സ​ലീം ഉ​ണ്ടെ​ങ്കി​ൽ മാ​ത്ര​മേ സ​ഫ്‌​വാ​ന​ക്ക് സ്കൂ​ളി​ൽ പോ​കാ​ൻ സാ​ധി​ക്കൂ. ജീ​വി​ത​ത്തി​ന്റെ ര​ണ്ട​റ്റ​വും കൂ​ട്ടി​മു​ട്ടി​ക്കാ​ൻ പാ​ടു​പെ​ടു​ന്ന​തി​നി​ടെ പ​ല​പ്പോ​ഴും മ​ക​ളെ സ്കൂ​ൾ വാ​ഹ​ന​ത്തി​ലേ​ക്ക് എ​ത്തി​ക്കു​ന്ന​തി​ന് ക​ട​യി​ൽ​നി​ന്ന് വ​രാ​ൻ സാ​ധി​ക്കാ​ത്ത​തി​നാ​ൽ മ​ക​ളു​ടെ പ​ഠ​ന​മെ​ന്ന സ്വ​പ്ന​വും മു​ട​ങ്ങു​ന്നു. 15ഓ​ളം കു​ടും​ബ​ങ്ങ​ൾ റോ​ഡി​ന്റെ ഗു​ണ​ഭോ​ക്താ​ക്ക​ളാ​യു​ണ്ട്. ഇ​തി​ൽ ഡ​യാ​ലി​സി​സ് ചെ​യ്യു​ന്ന രോ​ഗി​ക​ളും പ്രാ​യ​മാ​യ​വ​രു​മു​ണ്ട്. ആ​ശു​പ​ത്രി​യി​ൽ പോ​കാ​ൻ റോ​ഡു​ണ്ടാ​യി​ട്ടും വീ​ട്ടു​മു​റ്റ​ത്ത് വാ​ഹ​ന​മെ​ത്താ​ത്ത​തി​നാ​ൽ ബു​ദ്ധി​മു​ട്ട് അ​നു​ഭ​വി​ക്കു​ക​യാ​ണി​വ​ർ.

കു​ണ്ടും കു​ഴി​ക​ളു​മ​ട​ച്ച് ടാ​ർ ചെ​യ്തു കി​ട്ടി​യി​രു​ന്നെ​ങ്കി​ൽ സ​ഫ്‌​വാ​ന​യു​ടെ പ​ഠ​ന​ത്തി​നും നാ​ട്ടു​കാ​രു​ടെ ബു​ദ്ധി​മു​ട്ടി​നും പ​രി​ഹാ​ര​മാ​വും. റോ​ഡ് താ​ർ ചെ​യ്തു​ത​ര​ണ​മെ​ന്നാ​വ​ശ്യ​പ്പെ​ട്ട് റീ​ജ​ന​ൽ അ​ഡ്മി​നി​സ്ട്രേ​റ്റ​ർ, പി.​ഡ​ബ്ല്യു.​ഡി എ​ൻ​ജി​നീ​യ​ർ​മാ​ർ എ​ന്നി​വ​ർ​ക്ക് സാ​മൂ​ഹി​ക പ്ര​വ​ർ​ത്ത​ക​ൻ റു​വൈ​സ് നി​വേ​ദ​നം ന​ൽ​കി​യി​ട്ടു​ണ്ട്. ര​മേ​ശ് പ​റ​മ്പ​ത്ത് എം.​എ​ൽ.​എ ഇ​ട​പെ​ട്ട് പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണു​മെ​ന്ന പ്ര​തീ​ക്ഷ​യി​ൽ ക​ണ്ണും​ന​ട്ടി​രി​ക്കു​ക​യാ​ണ് സ​ഫ്‌​വാ​ന.