മാഹി ബൈപാസിലെ വാഹനങ്ങളുടെ അഭ്യാസപ്രകടനം; കർശന നടപടിയെടുത്തില്ലെന്ന് പരാതി

മാ​ഹി: പ്ര​വൃ​ത്തി പൂ​ർ​ത്തി​യാ​യി​വ​രു​ന്ന മു​ഴ​പ്പി​ല​ങ്ങാ​ട്-​മാ​ഹി ബൈ​പാ​സ് റോ​ഡി​ൽ ഓ​ണാ​ഘോ​ഷ​ത്തി​ന് മു​ന്നോ​ടി​യാ​യി വി​ദ്യാ​ർ​ഥി​ക​ൾ ന​ട​ത്തി​യ അ​തി​സാ​ഹ​സി​ക അ​ഭ്യാ​സ​പ്ര​ക​ട​ന​ങ്ങ​ൾ​ക്ക് നാ​മ​മാ​ത്ര പി​ഴ​യീ​ടാ​ക്കി​യ​താ​യി നാ​ട്ടു​കാ​ർ. നി​യ​മം ലം​ഘി​ച്ച് അ​ഭ്യാ​സ​പ്ര​ക​ട​നം ന​ട​ത്തി​യ ഏ​ഴു പേ​രി​ൽ​നി​ന്ന് ന്യൂ ​മാ​ഹി പൊ​ലീ​സ് 5,000 രൂ​പ മാ​ത്ര​മാ​ണ് പി​ഴ​യീ​ടാ​ക്കി​യ​ത്. ലൈ​സ​ൻ​സ് സ​സ്​​പെ​ൻ​ഡ് ചെ​യ്യു​ന്ന​ത​ട​ക്ക​മു​ള്ള ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കാ​ത്ത​ത് ഇ​ത്ത​രം പ്ര​വൃത്തി​ക​ൾ​ക്ക് വ​ള​മാ​കു​മെ​ന്നാ​ണ് ആ​രോ​പ​ണം.

പ്ര​വൃ​ത്തി പൂ​ർ​ത്തി​യാ​യി വ​രു​ന്ന ബൈ​പാ​സ് റോ​ഡി​ലാ​ണ് യു​വ​ത​ല​മു​റ​യു​ടെ സാ​ഹ​സി​ക ‘ക​ലാ​പ​രി​പാ​ടി​ക​ൾ’ 26ന് ​ന​ട​ന്ന​ത്. ദൃ​ശ്യ​ങ്ങ​ൾ പ​ക​ർ​ത്താ​ൻ പ്ര​ഫ​ഷ​ന​ൽ ഫോ​ട്ടോ​ഗ്രാ​ഫ​റെ​യും കൂ​ട്ടി​യാ​ണ് ഇ​വ​ർ അ​ഭ്യാ​സ​ത്തി​നെ​ത്തി​യ​ത്.

ഇ​രു​ച​ക്ര​വാ​ഹ​ന​ങ്ങ​ളി​ലും കാ​റു​ക​ളി​ലു​മാ​യാ​ണ് സാ​ഹ​സി​ക പ്ര​ക​ട​ന​ങ്ങ​ൾ ന​ട​ന്ന​ത്. മ​ര​ണ​ക്കി​ണ​റു​ക​ളെ​പ്പോ​ലും വെ​ല്ലു​ന്ന സ്കൂ​ൾ, കോ​ള​ജ് വി​ദ്യാ​ർ​ഥി​ക​ളു​ടെ സു​ര​ക്ഷ മു​ൻ​ക​രു​ത​ലു​ക​ൾ സ്വീ​ക​രി​ക്കാ​തെ​യു​ള്ള അ​ഭ്യാ​സ​പ്ര​ക​ട​ന​ങ്ങ​ൾ ജ​ന​ങ്ങ​ളി​ൽ അ​ത്ഭു​ത​വും ഭ​യ​പ്പാ​ടു​മു​ണ്ടാ​ക്കി. ഡോ​ർ പ​കു​തി തു​റ​ന്നു​വെ​ച്ച് ശ​രീ​ര​ഭാ​ഗ​ങ്ങ​ൾ പു​റ​ത്തേ​ക്കി​ട്ടാ​യി​രു​ന്നു കാ​ർ റേ​സി​ങ്ങ്.

പ​ല​ർ​ക്കും ഡ്രൈ​വി​ങ് ലൈ​സ​ൻ​സ് ഇ​ല്ലാ​യി​രു​ന്നു​വെ​ന്ന സൂ​ച​ന​യു​ണ്ട്. നി​യ​മ​വി​രു​ദ്ധ​മാ​യ ഈ ​അ​തി​സാ​ഹ​സി​ക അ​ഭ്യാ​സ പ്ര​ക​ട​ന​ങ്ങ​ളെ നി​യ​മ​പാ​ല​ക​ർ ക​ണ്ടി​ല്ലെ​ന്ന് ന​ടി​ക്കു​ക​യാ​ണെ​ന്ന പ​രാ​തി വ്യാ​പ​ക​മാ​ണ്. പൊ​ലീ​സി​നെ​യും മോ​ട്ടോ​ർ വാ​ഹ​ന വ​കു​പ്പി​നെ​യും അ​റി​യി​ച്ചി​ട്ടും അ​ധി​കൃ​ത​ർ ഇ​ക്കാ​ര്യം ആ​ഴ​ത്തി​ൽ അ​ന്വേ​ഷി​ക്കു​ക പോ​ലു​മു​ണ്ടാ​യി​ല്ലെ​ന്നാ​ണ് പ​രാ​തി.

ബൈ​പാ​സി​ന്റെ ഈ​സ്റ്റ് പ​ള്ളൂ​ർ, മ​ങ്ങാ​ട്, ക​വി​യൂ​ർ ഭാ​ഗ​ങ്ങ​ളി​ൽ, വ​ൻ അ​പ​ക​ടം ക്ഷ​ണി​ച്ചു​വ​രു​ത്താ​നി​ട​യു​ള്ള ഇ​ത്ത​രം അ​ഭ്യാ​സ ​പ്ര​ക​ട​ന​ങ്ങ​ൾ പ​ല ദി​വ​സ​ങ്ങ​ളി​ലും അ​​ര​ങ്ങേ​റു​ന്നു​ണ്ടെ​ന്ന പ​രാ​തി​യു​ണ്ട്. നാ​ദാ​പു​രം, പ​യ​ന്തോ​ങ്ങ്, വ​ട്ടോ​ളി, കു​റ്റ്യാ​ടി ഭാ​ഗ​ങ്ങ​ളി​ലെ വി​ദ്യാ​ർ​ഥി​ക​ളാ​ണ് ഓ​ണാ​ഘോ​ഷ​ത്തി​ന്റെ പേ​രി​ൽ ക​ഴി​ഞ്ഞ ദി​വ​സ​ങ്ങ​ളി​ൽ വാ​ഹ​ന​ങ്ങ​ളി​ൽ അ​ഭ്യാ​സ​പ്ര​ക​ട​നം ന​ട​ത്തി​യ​ത്. മു​ന്പ്, ഇ​ത്ത​രം ​പ്ര​ക​ട​ന​ത്തി​നി​ടെ സ്കൂ​ട്ട​ർ അ​പ​ക​ട​ത്തി​ൽ​പെ​ട്ട് ര​ണ്ടു പേ​ർ​ക്ക് സാ​ര​മാ​യ പ​രി​ക്കേ​റ്റി​രു​ന്നു.

റോ​ഡ് സു​ര​ക്ഷ നി​യ​മ​ങ്ങ​ൾ ക​ർ​ശ​ന​മാ​യി ന​ട​പ്പാ​ക്കി​വ​രു​ന്ന ഘ​ട്ട​ത്തി​ലാ​ണ് ഗ​താ​ഗ​തം ഇ​തു​വ​രെ തു​ട​ങ്ങി​യി​ട്ടി​ല്ലാ​ത്ത ബൈ​പ്പാ​സ് റോ​ഡി​ൽ ട്രാ​ഫി​ക് നി​യ​മ​ങ്ങ​ൾ വെ​ല്ലു​വി​ളി​ച്ച് അ​ഭ്യാ​സ പ്ര​ക​ട​ന​ങ്ങ​ൾ ന​ട​ക്കു​ന്ന​ത്. കാ​മ​റ അ​ട​ക്ക​മു​ള്ള നി​രീ​ക്ഷ​ണ ഉ​പാ​ധി​ക​ൾ ഈ ​റോ​ഡി​ൽ നി​ല​വി​ലി​ല്ലാ​ത്ത​താ​ണ് ഇ​വ​ർ​ക്ക് വ​ള​മാ​കു​ന്ന​ത്. പ​ട്രോ​ളി​ങ് ഉ​ൾ​പ്പെടെ ന​ട​ത്തി ഇ​ത്ത​രം അ​പ​ക​ട​ക​ര​മാ​യ നി​യ​മ​ലം​ഘ​ന​ങ്ങ​ൾ​ക്കെ​​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.