മോഷ്​ടിച്ച എ.ടി.എം കാർഡ് ഉപയോഗിച്ച് പണം കവർന്ന യുവാവ് പിടിയിൽ

ത​ളി​പ്പ​റ​മ്പ്: നി​ര്‍ത്തി​യി​ട്ട കാ​റി​ല്‍ നി​ന്നും മോ​ഷ്​​ടി​ച്ച എ.​ടി.​എം കാ​ര്‍ഡ് ഉ​പ​യോ​ഗി​ച്ച് 70,000 രൂ​പ ത​ട്ടി​യെ​ടു​ത്ത യു​വാ​വ് അ​റ​സ്​​റ്റി​ല്‍. പു​ളി​മ്പ​റ​മ്പ് ല​ക്ഷം വീ​ട് കോ​ള​നി​യി​ലെ ഗോ​കു​ലാ​ണ്​ (22) അ​റ​സ്​​റ്റി​ലാ​യ​ത്. തെ​ളി​വെ​ടു​പ്പി​നി​ടെ ഓ​ടി ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി സ്​​കൂ​ട്ടി​യി​ൽ ത​ട്ടി വീ​ഴു​ക​യും പൊ​ലീ​സ് പി​ന്തു​ട​ർ​ന്ന് പി​ടി​കൂ​ടു​ക​യും ചെ​യ്​​തു.

ഏ​പ്രി​ൽ ഒ​ന്നി​നാ​യി​രു​ന്നു കേ​സി​നാ​സ്​​പ​ദ സം​ഭ​വം. താ​ഴെ ബ​ക്ക​ള​ത്തെ സ്‌​നേ​ഹ ഇ​ന്‍ബാ​റി​ന് മു​ന്‍വ​ശം നി​ര്‍ത്തി​യി​ട്ട ചൊ​ക്ലി ഒ​ള​വി​ല​ത്തെ മ​നോ​ജ്​​കു​മാ​റി‍െൻറ കെ.​എ​ല്‍ 58 എ.​എ 5720 കാ​റി​ല്‍ നി​ന്നും പ്ര​തി എ.​ടി.​എം കാ​ർ​ഡ്​ മോ​ഷ്​​ടി​ച്ച് ക​ട​ന്നു​ക​ള​യു​ക​യാ​യി​രു​ന്നു. മോ​ഷ്​​ടി​ച്ച എ.​ടി.​എം കാ​ര്‍ഡ് ഉ​പ​യോ​ഗി​ച്ച് ര​ണ്ട് ത​വ​ണ​യാ​യി 5000 വീ​ത​വും ഒ​രു ത​വ​ണ 60,000 രൂ​പ​യു​മാ​ണ് പി​ൻ​വ​ലി​ച്ച​ത്. കാ​ർ​ഡി‍െൻറ പി​റ​കി​ൽ പി​ൻ ന​മ്പ​ർ രേ​ഖ​പ്പെ​ടു​ത്തി​യ​തി​നാ​ൽ പ​ണം പി​ൻ​വ​ലി​ക്കാ​ൻ പ്ര​തി​ക്ക് എ​ളു​പ്പ​മാ​യി.

60,000 രൂ​പ​ക്ക് ത​ളി​പ്പ​റ​മ്പി​ലെ ഒ​രു ക​ട​യി​ൽ നി​ന്നും ഐ​ഫോ​ൺ വാ​ങ്ങു​ക​യും മ​റ്റൊ​രു ക​ട​യി​ൽ അ​ത് മ​റി​ച്ചു വി​ൽ​ക്കു​ക​യും ചെ​യ്​​തു. മ​നോ​ജ്‌ കു​മാ​റി‍െൻറ പ​രാ​തി​യി​ൽ സി.​സി.​ടി.​വി ദൃ​ശ്യ​ങ്ങ​ളി​ൽ നി​ന്നാ​ണ് പ്ര​തി​യെ തി​രി​ച്ച​റി​ഞ്ഞ​ത്. വെ​ള്ളി​യാ​ഴ്​​ച രാ​ത്രി ക​ണ്ണൂ​ർ റെ​യി​ൽ​വേ സ്​​റ്റേ​ഷ​നി​ൽ നി​ന്നു​മാ​ണ് ഗോ​വ​യി​ലേ​ക്ക് ര​ക്ഷ​െ​പ്പ​ടാ​ൻ ശ്ര​മി​ച്ച പ്ര​തി​യെ പൊ​ലീ​സ് പി​ടി​കൂ​ടി​യ​ത്. ശ​നി​യാ​ഴ്​​ച രാ​വി​ലെ ത​ളി​പ്പ​റ​മ്പി​ൽ തെ​ളി​വെ​ടു​പ്പ് ന​ട​ത്തു​ന്ന​തി​നി​ടെ വാ​ഹ​ന​ത്തി​ൽ നി​ന്നും ഓ​ടി ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി ച​പ്പാ​ര​പ്പ​ട​വ് സ്വ​ദേ​ശി​നി​യാ​യ പി.​പി. ഷ​റീ​ജ (28) യു​ടെ സ്​​കൂ​ട്ട​റി​ൽ ത​ട്ടി​യാ​ണ്​ വീ​ണ​ത്. പി​ന്തു​ട​ർ​ന്നെ​ത്തി​യ പൊ​ലീ​സ് പ്ര​തി​യെ പി​ടി​കൂ​ടു​ക​യും ചെ​യ്​​തു.

പ​രി​ക്കേ​റ്റ യു​വ​തി​യെ​യും പ്ര​തി​യെ​യും ആ​ശു​പ​ത്രി​യി​ൽ എ​ത്തി​ച്ച് പ്ര​ഥ​മ ശു​ശ്രൂ​ഷ ന​ൽ​കി. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്​​തു. ത​ളി​പ്പ​റ​മ്പ് ഡി​വൈ.​എ​സ്.​പി കെ.​ഇ. പ്രേ​മ​ച​ന്ദ്ര​െൻറ നി​ർ​ദേ​ശ​പ്ര​കാ​രം സി.​ഐ വി. ​ജ​യ​കു​മാ​ർ, എ​സ്.​ഐ പു​രു​ഷോ​ത്ത​മ​ൻ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഇ.​എ​ൻ. ശ്രീ​കാ​ന്ത്, സി. ​പു​ഷ്​​പ​ജ​ൻ, പ്ര​കാ​ശ​ൻ തു​ട​ങ്ങി​യ​വ​രും പ്ര​തി​യെ പി​ടി​കൂ​ടി​യ സം​ഘ​ത്തി​ൽ ഉ​ണ്ടാ​യി​രു​ന്നു.