മോന്താലിൽ തണ്ണീർത്തടവും കണ്ടൽകാടും മണ്ണിട്ട് നികത്തുന്നത് തടഞ്ഞു

ചൊ​ക്ലി: മോ​ന്താ​ലി​ൽ ത​ണ്ണീ​ർ​ത്ത​ട​വും ക​ണ്ട​ൽ​കാ​ടും മ​ണ്ണി​ട്ട് നി​ക​ത്തു​ന്ന​ത് ത​ട​ഞ്ഞു. മ​ണ്ണി​ട്ട് നി​ക​ത്തു​ന്ന​റി​ഞ്ഞ് സ്ഥ​ല​ത്തെ​ത്തി​യ പെ​രി​ങ്ങ​ത്തൂ​ർ വി​ല്ലേ​ജ് ഓ​ഫി​സ​ർ വി​വേ​ക്, സ്പെ​ഷ​ൽ വി​ല്ലേ​ജ് ഓ​ഫി​സ​ർ ഉ​മ്മ​ർ എ​ന്നി​വ​രു​ടെ നേ​തൃ​ത്വ​ത്തി​ലെ​ത്തി​യ സം​ഘ​മാ​ണ് മ​ണ്ണി​ട്ട് നി​ക​ത്തു​ന്ന​ത് ത​ട​ഞ്ഞ് സ്റ്റോ​പ് മെ​മ്മോ ന​ൽ​കി​യ​ത്.

പാ​നൂ​ർ ന​ഗ​ര​സ​ഭ അ​തി​ർ​ത്തി പ്ര​ദേ​ശ​മാ​യ മോ​ന്താ​ൽ തീ​ര​ദേ​ശ റോ​ഡി​ലെ ക​ള്ളു​ഷാ​പ്പി​ന് സ​മീ​പ​ത്തെ റി.​സ 32/2 എ ​യി​ൽ ഉ​ൾ​പ്പെ​ട്ട സ്ഥ​ല​മാ​ണ് പ​ട്ടാ​പ്പ​ക​ൽ മ​ണ്ണി​ട്ട് നി​ക​ത്തു​ന്ന​ത് അ​ധി​കൃ​ത​ർ ത​ട​ഞ്ഞ​ത്. ഇ​ത് സം​ബ​ന്ധി​ച്ച വി​ശ​ദ റി​പ്പോ​ർ​ട്ട് തി​ങ്ക​ളാ​ഴ്ച സ​ബ് ക​ല​ക്ട​ർ​ക്ക് ന​ൽ​കു​മെ​ന്ന് വി​ല്ലേ​ജ് ഓ​ഫി​സ​ർ വി​വേ​ക് ‘മാ​ധ്യ​മ’​ത്തോ​ട് പ​റ​ഞ്ഞു.

അ​ഞ്ച് ഏ​ക്ക​റോ​ളം വ​രു​ന്ന സ്ഥ​ല​മാ​ണ് റ​വ​ന്യൂ, കൃ​ഷി വ​കു​പ്പ് ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ ര​ണ്ടു​ദി​വ​സ​മാ​യി അ​ഞ്ച് ടി​പ്പ​ർ ലോ​റി​ക​ളി​ലാ​യി മ​ണ്ണും മ​റ്റ് കെ​ട്ടി​ടാ​വ​ശി​ഷ്ട​ങ്ങ​ളു​മു​പ​യോ​ഗി​ച്ച് നി​ക​ത്തു​ന്ന​താ​യി പ​രാ​തി ഉ​യ​ർ​ന്ന​ത്. ഇ​വി​ടെ വ​ലി​യൊ​രു ഭാ​ഗം ക​ണ്ട​ൽ​ക്കാടും വെ​ള്ള​ക്കെ​ട്ടു​മാ​ണ്. അ​ഞ്ച് ഏ​ക്ക​റി​ൽ 50 സെ​ന്റ് സ്ഥ​ലം ത​രം​മാ​റ്റി​യി​ട്ടു​ണ്ട്. ഈ ​ഉ​ത്ത​ര​വി​ന്റെ മ​റ​വി​ലാ​ണ് അ​ഞ്ച് ഏ​ക്ക​ർ ഭൂ​മി മ​ണ്ണി​ട്ട് നി​ക​ത്തു​ന്ന​ത്.

1,77,980 രൂ​പ അ​ട​ച്ചാ​ണ് 50 സെ​ന്റ് ഭൂ​മി ത​രം​മാ​റ്റി 3,000 സ്ക്വ​യ​ർ ഫീ​റ്റ് വ​ലു​പ്പ​മു​ള്ള കെ​ട്ടി​ട നി​ർ​മാ​ണ അ​നു​മ​തി വാ​ങ്ങി​യ​ത്. റ​വ​ന്യൂ, കൃ​ഷി വ​കു​പ്പു​ക​ളു​ടെ പ്രാ​ദേ​ശി​ക സ​ഹാ​യ​ത്തോ​ടെ​യാ​ണ് ത​ണ്ണീ​ർ​ത്ത​ട​വും ക​ണ്ട​ൽ കാ​ടു​മ​ട​ങ്ങി​യ ഭൂ​മി എ​ളു​പ്പ​ത്തി​ൽ ത​രം​മാ​റ്റി​യ​ത്.

ക​ഴി​ഞ്ഞ​യാ​ഴ്ച സ്ഥ​ല​ത്ത് മ​ണ്ണി​ടാ​നെ​ത്തി​യ ലോ​റി​ പ്ര​ദേ​ശ​ത്തെ ഏ​താ​നും പേ​ർ ചേ​ർ​ന്ന് ത​ട​ഞ്ഞി​രു​ന്നു. ഇ​വ​രെ സാ​മ്പ​ത്തി​ക ഇ​ട​പാ​ടി​ലൂ​ടെ ‘ഒ​തു​ക്കി’​യ​തി​ന് ശേ​ഷ​മാ​ണ് വീ​ണ്ടും അ​ഞ്ച് ടി​പ്പ​ർ ലോ​റി​ക​ളി​ലാ​യി മ​ണ്ണും കെ​ട്ടി​ടമാ​ലി​ന്യ​ങ്ങ​ളു​മാ​യെ​ത്തി നി​ക​ത്തി​യ​തെ​ന്ന് ആ​ക്ഷേ​പ​മു​ണ്ട്. മോ​ന്താ​ൽ പു​ഴ​ക്ക് 300 മീ​റ്റ​റോ​ളം അ​ക​ലെ​യാ​ണ് ഈ ​സ്ഥ​ലം സ്ഥി​തി ചെ​യ്യു​ന്ന​ത്. ക​ണ്ട​ൽ​ക്കാ​ടു​ക​ളും ത​ണ്ണീ​ർ​ത​ട​ങ്ങ​ളും മ​ണ്ണി​ട്ട് നി​ക​ത്തു​ന്ന​ത് സം​ബ​ന്ധി​ച്ച് ക​ഴി​ഞ്ഞ ദി​വ​സം ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.