മു​ഴ​പ്പി​ല​ങ്ങാ​ട് ബീച്ചിൽ കെ.​ടി.​ഡി.​സിയുടെ ഫൈ​വ്​ സ്​​റ്റാ​ർ റി​സോ​ർ​ട്ട് വരുന്നു

ക​ണ്ണൂ​ർ: ആ​ഗോ​ള വി​നോ​ദ സ​ഞ്ചാ​ര ഭൂ​പ​ട​ത്തി​ൽ ഇ​ടം​പി​ടി​ക്കാ​നൊ​രു​ങ്ങി മു​ഴ​പ്പി​ല​ങ്ങാ​ട്​ ഡ്രൈ​വ്​ ഇ​ൻ​ ബീ​ച്ച്. തീ​ര​ത്തി​െൻറ സൗ​ന്ദ​ര്യ​വും സൗ​ക​ര്യ​വും വ​ർ​ധി​പ്പി​ക്കാ​നാ​യി കെ.​ടി.​ഡി.​സി​യു​ടെ ഫൈ​വ്​ സ്​​റ്റാ​ർ റി​സോ​ർ​ട്ട്​ ബീ​ച്ചി​ൽ ഉ​യ​രും. തി​രു​വ​ന​ന്ത​പു​ര​ത്തും കോ​വ​ള​ത്തും മൂ​ന്നാ​റി​ലു​മു​ള്ള ഹോ​ട്ട​ലു​ക​ൾ​ക്കൊ​പ്പം കി​ട​പി​ടി​ക്കു​ന്ന ത​ര​ത്തി​ലു​ള്ള റി​സോ​ർ​ട്ടാ​യി​രി​ക്കും മു​ഴ​പ്പി​ല​ങ്ങാ​ട്​ ഒ​രു​ങ്ങു​ക. വ​ട​ക്ക​ൻ മ​ല​ബാ​റി​ലെ ടൂ​റി​സം മേ​ഖ​ല​ക്ക്​ വ​ലി​യ ഉ​ണ​ർ​വാ​കു​ന്ന ത​ര​ത്തി​ലാ​ണ്​ പ​ദ്ധ​തി. കെ.​ടി.​ഡി.​സി​യു​ടെ ഹോ​ട്ട​ലു​ക​ളു​ടെ​യും റി​സോ​ർ​ട്ടു​ക​ളു​ടെ​യും ബ്രാ​ൻ​ഡ്​ വി​ദേ​ശ വി​നോ​ദ സ​ഞ്ചാ​രി​ക​ൾ​ക്കി​ട​യി​ൽ വ​ലി​യ പ്ര​ചാ​ര​മു​ള്ള​താ​ണ്. ബീ​ച്ചി​ന്​ സ​മീ​പം പ്രീ​മി​യം റി​സോ​ർ​ട്ടി​ന്​ കെ.​ടി.​ഡി.​സി​ക്ക്​ സ​ർ​ക്കാ​ർ അ​നു​മ​തി ന​ൽ​കി​യ​തോ​ടെ വി​ദേ​ശ സ​ഞ്ചാ​രി​ക​ളു​ടെ പ്രി​യ താ​വ​ള​മാ​യി ഏ​ഷ്യ​യി​ലെ ഏ​റ്റ​വും വ​ലി​യ ഡ്രൈ​വ്​ ഇ​ൻ​ ബീ​ച്ചാ​യ മു​ഴ​പ്പി​ല​ങ്ങാ​ട്​ മാ​റും.

39 കോ​ടി രൂ​പ ചെ​ല​വി​ൽ 3.9 ഏ​ക്ക​റു​ക​ളി​ലാ​ണ്​ റി​സോ​ർ​ട്ട്​ ഒ​രു​ങ്ങു​ക. എ​ട്ട്​ സ്യൂ​ട്ടു​ക​ൾ ഉ​ൾ​പ്പെ​ടെ 40 മു​റി​ക​ൾ, നീ​ന്ത​ൽ​കു​ളം, സ്​​പാ, റ​സ്​​റ്റാ​റ​ൻ​റ്​ എ​ന്നീ സൗ​ക​ര്യ​ങ്ങ​ളാ​ണ്​ ആ​ദ്യ​ഘ​ട്ട​ത്തി​ൽ ഒ​രു​ക്കു​ക. 18 മാ​സ​ത്തി​നു​ള്ളി​ൽ പ​ദ്ധ​തി​യു​ടെ ആ​ദ്യ​ഘ​ട്ടം പൂ​ർ​ത്തി​യാ​ക്കാ​നാ​ണ്​ തീ​രു​മാ​നം. പ​ദ്ധ​തി പ്ര​ദേ​ശ​ത്തോ​ടു​ ചേ​ർ​ന്നു​കി​ട​ക്കു​ന്ന 2.5 ഏ​ക്ക​ർ സ്ഥ​ലം ഏ​റ്റെ​ടു​ക്കാ​നു​ള്ള ന​ട​പ​ടി​ക​ളും ആ​രം​ഭി​ച്ചി​ട്ടു​ണ്ട്. മു​ഴ​പ്പി​ല​ങ്ങാ​ടി​നെ ബീ​ച്ച്​ ടൂ​റി​സം, അ​ഡ്വ​ഞ്ച​ർ ടൂ​റി​സം ഡെ​സ്​​റ്റി​നേ​ഷ​നു​ക​ളാ​യി മാ​റ്റി​യെ​ടു​ക്കു​ക​യാ​ണ്​ ല​ക്ഷ്യം. ഒ​ക്​​ടോ​ബ​ർ 30ന്​ ​മു​ഖ്യ​മ​ന്ത്രി പി​ണ​റാ​യി വി​ജ​യ​ൻ റി​സോ​ർ​ട്ടി​െൻറ ശി​ലാ​സ്ഥാ​പ​നം ന​ട​ത്തും. മ​ന്ത്രി മു​ഹ​മ്മ​ദ്​ റി​യാ​സ്​ അ​ധ്യ​ക്ഷ​ത​വ​ഹി​ക്കും.

മു​ഴ​പ്പി​ല​ങ്ങാ​ട്​ ബീ​ച്ചി​െൻറ സ​മ​ഗ്ര​വി​ക​സ​നം ല​ക്ഷ്യ​മി​ട്ടു​ള്ള പ​ദ്ധ​തി ന​ട​പ്പാ​ക്കാ​നു​ള്ള പ്രാ​രം​ഭ ന​ട​പ​ടി പു​രോ​ഗ​മി​ക്കു​ക​യാ​ണ്. പ​രി​സ്ഥി​തി​യാ​ഘാ​ത പ​ഠ​നം ഉ​ട​ൻ തു​ട​ങ്ങും. കേ​ര​ള ഇ​റി​ഗേ​ഷ​ൻ ഇ​ൻ​ഫ്രാ​സ്​​ട്ര​ക്​​ച​ർ ഡെ​വ​ല​പ്​​മെൻറ്​ കോ​ർ​​പ​​റേ​ഷ​ൻ (കെ.​ഐ.​ഐ.​ഡി.​സി) നേ​തൃ​ത്വ​ത്തി​ൽ ന​ട​ക്കു​ന്ന പ്ര​വൃ​ത്തി അ​ടു​ത്ത വ​ർ​ഷ​മാ​ദ്യം തു​ട​ങ്ങു​മെ​ന്നാ​ണ്​ പ്ര​തീ​ക്ഷ. പാ​ർ​ക്കു​ക​ൾ, റ​സ്​​റ്റാ​റ​ൻ​റു​ക​ൾ തു​ട​ങ്ങി​യ​വ​യാ​ണ് പ​ദ്ധ​തി​യു​ടെ ഭാ​ഗ​മാ​യി നി​ർ​മി​ക്കു​ക.​

നി​ല​വി​ൽ ബീ​ച്ചി​ലെ​ത്തു​ന്ന സ​ഞ്ചാ​രി​ക​ൾ​ക്കെ​ല്ലാം അ​സൗ​ക​ര്യ​ങ്ങ​ളു​ടെ ക​ഥ മാ​ത്ര​മേ പ​റ​യാ​നു​ള്ളൂ. തീ​രം സ​ന്ദ​ർ​ശി​ക്കാ​​​ൻ ദി​വ​സേ​ന​യെ​ത്തു​ന്ന ആ​യി​ര​ങ്ങ​ളെ അ​ടി​സ്ഥാ​ന സൗ​ക​ര്യ​ക്കു​റ​വു​ക​ളു​ടെ ഘോ​ഷ​യാ​ത്ര​യാ​ണ്​ വ​ര​വേ​ൽ​ക്കു​ന്ന​ത്. ദി​വ​സേ​ന ര​ണ്ടാ​യി​ര​ത്തോ​ള​വും അ​വ​ധി ദി​വ​സ​ങ്ങ​ളി​ൽ ഇ​ര​ട്ടി​യും സ​ന്ദ​ർ​ശ​ക​രാ​ണ്​ ബീ​ച്ചി​ൽ എ​ത്തു​ന്ന​ത്. കോ​ടി​ക​ൾ ചെ​ല​വ​ഴി​ച്ച്​ നി​ർ​മി​ച്ച പ​ട​വു​ക​ളും നി​ല​ത്തു​വി​രി​ച്ച ഇ​ൻ​റ​ർ​ലോ​ക്ക്​ ക​ട്ട​ക​ളും വി​ശ്ര​മ​കേ​ന്ദ്ര​ങ്ങ​ളു​മെ​ല്ലാം ന​ശി​ച്ചു. പ്രാ​ഥ​മി​ക ആ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ ശൗ​ചാ​ല​യ​ങ്ങ​ൾ പോ​ലും ബീ​ച്ചി​ലി​ല്ല.

നേ​ര​ത്തേ പ്ര​ഖ്യാ​പി​ച്ച പ​ല പ​ദ്ധ​തി​ക​ളും ഫ​യ​ലി​ൽ ഉ​റ​ങ്ങു​ന്ന​തി​നാ​ൽ ബീ​ച്ച്​ അ​സൗ​ക​ര്യ​ങ്ങ​ളു​ടെ തീ​ര​ത്താ​ണ്​ ഇ​പ്പോ​ഴും. വാ​ക്​​വേ, ധ​ർ​മ​ടം തു​രു​ത്തി​ലേ​ക്ക്​ റോ​പ്​​വേ അ​ട​ക്ക​മു​ള്ള പ​ദ്ധ​തി​ക​ൾ യാ​ഥാ​ർ​ഥ്യ​മാ​കു​ന്ന​തോ​ടെ ബീ​ച്ചി​െൻറ മു​ഖം മാ​റു​മെ​ന്നു​റ​പ്പാ​ണ്. നാ​ല​ര കി​ലോ​മീ​റ്റ​റി​ൽ വ്യാ​പി​ച്ചു​കി​ട​ക്കു​ന്ന ബീ​ച്ചി​ൽ ആ​വ​ശ്യ​ത്തി​ന്​ ലൈ​ഫ്​ ഗാ​ർ​ഡു​മാ​രി​ല്ലാ​ത്ത​ത്​ വെ​ല്ലു​വി​ളി​യാ​ണ്. ബീ​ച്ചി​ൽ അ​ഞ്ച്​ ലൈ​ഫ്​ ഗാ​ർ​ഡു​മാ​രും പാ​ർ​ക്കി​ലും മ​റ്റും ശു​ചീ​ക​ര​ണ​ത്തി​നാ​യി 15 ബീ​ച്ച്​ ഹോ​സ്​​റ്റേ​ഴ്​​സു​മാ​ണു​ള്ള​ത്. ക​ണ്ണൂ​ർ സി​റ്റി പൊ​ലീ​സി​നാ​ണ്​ സു​ര​ക്ഷാ​ചു​മ​ത​ല. ന​ഗ​ര​ത്തി​ലും മ​റ്റും പ്ര​ധാ​ന പ​രി​പാ​ടി​ക​ൾ ന​ട​ക്കു​േ​മ്പാ​ഴും സ്​​റ്റേ​ഷ​നി​ൽ ആ​ളി​ല്ലാ​താ​കു​േ​മ്പാ​ഴും പൊ​ലീ​സി​െൻറ സേ​വ​ന​വും ഇ​ല്ലാ​താ​വും. ​അ​ധി​ക​ൃ​ത​രു​ടെ ക​ണ്ണു​വെ​ട്ടി​ച്ച്​ ഡ്രൈ​വി​ങ്​ പ​രി​ശീ​ല​ന​വും വാ​ഹ​നാ​ഭ്യാ​സ​വും ന​ട​ക്കു​ന്ന​തി​നാ​ൽ പൊ​ലീ​സ്​ സു​ര​ക്ഷ വ​ർ​ധി​പ്പി​ക്ക​ണ​മെ​ന്ന​ത്​​ ദീ​ർ​ഘ​കാ​ല​മാ​യു​ള്ള ആ​വ​ശ്യ​മാ​ണ്.