മുഴപ്പിലങ്ങാട് -മാഹി ബൈപ്പാസ്: തകർന്ന സർവിസ് റോഡ് റീ ടാറിങ്ങ് ചെയ്തു; ഗതാഗതക്കുരുക്കിന്​ ശമനം

മുഴപ്പിലങ്ങാട്: കണ്ണൂർ - തലശ്ശേരി ദേശീയപാതയിലെ മാഹി ബൈപ്പാസ് നിർമ്മാണ മേഖലയായ മഠം യൂത്ത് ഭാഗത്തെ തകർന്ന സർവീസ് റോഡ് റീ ടാറിങ് ചെയ്തു. ഒരു വർഷത്തിലധികമായി ഈ ഭാഗത്ത്

റോഡ് തകർന്നതോടെ ഗതാഗതക്കുരുക്കും അപകടങ്ങളും പതിവായിരുന്നു. പൊട്ടിപ്പൊളിഞ്ഞ റോഡിലെ കുഴിയിൽ വീണ് നിരവധി വാഹനങ്ങൾ നിന്നുപോകുന്നതും പതിവായിരുന്നു.

പ്രശ്ന പരിഹാരത്തിന്​ ആഗസ്റ്റ്​ 18 ന് മുഖ്യമന്ത്രി നിർദേശപ്രകാരം വിളിച്ചുചേർത്ത യോഗത്തിൽ റോഡ്​ റീ ടാറിങ്ങിന്​ തീരുമാനമായിരുന്നു. രാത്രി ഗതാഗതം പൂർണമായും നിരോധിച്ചാണ് കഴിഞ്ഞദിവസം റീ ടാറിങ്ങ് പ്രവർത്തി പൂർത്തീകരിച്ചത്.