വെള്ളക്കെട്ട് ദുരിതം പേറാൻ ഒരു നാട്

മു​ഴ​പ്പി​ല​ങ്ങാ​ട്: വേ​ന​ൽ​മ​ഴ​ക്കു​ശേ​ഷം കാ​ല​വ​ർ​ഷം തു​ട​ങ്ങാ​നി​രി​ക്കെ മു​ഴ​പ്പി​ല​ങ്ങാ​ട് പ​ഞ്ചാ​യ​ത്ത്​ ര​ണ്ടാം വാ​ർ​ഡി​ലെ താ​മ​ര​ക്കു​ളം ഭാ​ഗ​ത്ത് താ​മ​സി​ക്കു​ന്ന 25ഓ​ളം കു​ടും​ബ​ങ്ങ​ൾ മ​ഴ​പ്പേ​ടി​യി​ൽ ക​ഴി​യു​ക​യാ​ണ്. വ​ർ​ഷ​ങ്ങ​ളാ​യി പ്ര​ദേ​ശ​വാ​സി​ക​ൾ വെ​ള്ള​ക്കെ​ട്ട് ദു​രി​തം അ​നു​ഭ​വി​ക്കു​ക​യാ​ണ്. ദേ​ശീ​യ​പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട് ന​ട​ത്തി​യ ഓ​വു​ചാ​ൽ നി​ർ​മാ​ണ​ത്തി​ലെ അ​പാ​ക​ത കാ​ര​ണം ര​ണ്ടു​വ​ർ​ഷ​മാ​യി മ​ഴ ക​ന​ക്കും മു​ന്നേ പ്ര​ദേ​ശ​ത്ത് രൂ​ക്ഷ​മാ​യ വെ​ള്ള​ക്കെ​ട്ട് രൂ​പ​പ്പെ​ട്ട് വീ​ടി​ന​ക​ത്ത് വെ​ള്ളം ക​യ​റു​ന്ന അ​വ​സ്ഥ​യാ​ണ്.

ഇ​ത് മൂ​ലം പ​ല കു​ടും​ബ​ങ്ങ​ളും വീ​ടു​വി​ട്ട് ബ​ന്ധു​വീ​ടു​ക​ളി​ലേ​ക്ക് താ​മ​സം മാ​റ്റു​ക​യാ​ണ് പ​തി​വ്. ക​ഴി​ഞ്ഞ​വ​ർ​ഷം വ​ലി​യ തോ​തി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് തോ​ണി ഇ​റ​ക്കി​യാ​ണ് ആ​ളു​ക​ളെ ഒ​ഴി​പ്പി​ച്ച​ത്. താ​മ​ര​ക്കു​ളം, മ​ല​ക്കു​താ​ഴെ റോ​ഡി​ൽ​നി​ന്ന് ഉ​സ്സ​ൻ മു​ക്ക് വ​ഴി മാ​രാ​ൻ​ക​ണ്ടി​ത്തോ​ടി​ലേ​ക്ക് പോ​കു​ന്ന ഓ​വു​ചാ​ൽ ദേ​ശീ​യ​പാ​ത​യു​ടെ പു​തി​യ നി​ർ​മാ​ണം ന​ട​ക്കു​ന്ന ഘ​ട്ട​ത്തി​ൽ ത​ട​യ​പ്പെ​ട്ട​തോ​ടെ​യാ​ണ് പ്ര​ദേ​ശ​ത്ത് വെ​ള്ള​ക്കെ​ട്ട് രൂ​ക്ഷ​മാ​യ​ത്.

പ്ര​തി​സ​ന്ധി പ​രി​ഹ​രി​ക്കാ​ൻ പ​ഞ്ചാ​യ​ത്തു​ത​ല​ത്തി​ൽ ന​ട​പ​ടി സ്വീ​ക​രി​ച്ച​തി​ന്‍റെ ഭാ​ഗ​മാ​യി എ​ട​ക്കാ​ട് പൊ​ലീ​സ് സ്‌​റ്റേ​ഷ​ൻ മു​ത​ൽ മു​ഴ​പ്പി​ല​ങ്ങാ​ട് പ​ഞ്ചാ​യ​ത്ത് ഓ​ഫി​സി​ന് പി​റ​കി​ലൂ​ടെ പോ​കു​ന്ന മാ​രാ​ൻ​ക​ണ്ടി​ത്തോ​ടു​വ​രെ ഒ​ന്ന​ര മീ​റ്റ​ർ ആ​ഴ​ത്തി​ലും ര​ണ്ട​ര മീ​റ്റ​ർ വീ​തി​യി​ലും താ​ൽ​ക്കാ​ലി​ക ചാ​ൽ നി​ർ​മി​ച്ചി​രി​ക്കു​ക​യാ​ണ്.

വെ​ള്ള​മൊ​ഴു​കി​പ്പോ​കു​ന്ന​തി​ന് ത​ട​സ്സ​മാ​യ എ​ട​ക്കാ​ട് റെ​യി​ൽ​വേ സ്റ്റേ​ഷ​നി​ലേ​ക്ക് പോ​കു​ന്ന ര​ണ്ട് റോ​ഡു​ക​ൾ​ക്ക​ടി​യി​ലൂ​ടെ വ​ലി​യ കോ​ൺ​ക്രീ​റ്റ് പൈ​പ്പു​ക​ളാ​ണ് ഇ​തി​ന് വേ​ണ്ടി ഇ​ട്ടി​രി​ക്കു​ന്ന​ത്. ഇ​ത്ത​ര​ത്തി​ലു​ള്ള പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഒ​രു​പ​രി​ധി​വ​രെ വെ​ള്ള​ക്കെ​ട്ട്​ ത​ട​ഞ്ഞു​നി​ർ​ത്താ​ൻ സ​ഹാ​യി​ക്കു​മെ​ന്നാ​ണ് അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്.