കെട്ടിടോദ്ഘാടനം

ശ്രീകണ്ഠപുരം: ചേടിച്ചേരി കൈരളി ആർട്സ് ആൻഡ് സ്പോർട്സ് ക്ലബിന് പുതുതായി നിർമിച്ച കെട്ടിടത്തിന്റെ ഉദ്ഘാടനം ഖാദി ബോർഡ് വൈസ് ചെയർമാൻ പി. ജയരാജൻ നിർവഹിച്ചു. വാർഡംഗം എം.വി. മിഥുൻ അധ്യക്ഷത വഹിച്ചു. ഗ്രന്ഥാലയത്തിലേക്കുള്ള പുസ്തകം ലൈബ്രറി കൗൺസിൽ ജില്ലാ കമ്മിറ്റിയംഗം പി. ജനാർദനൻ ഏറ്റുവാങ്ങി. എം.സി. രാഘവൻ, എം. ബാബുരാജ്, സി. രാജീവൻ, വി.എൻ. വിപിൻ, ടി.വി. രമണി, പി. ദാമോദരൻ തുടങ്ങിയവർ സംസാരിച്ചു. എം. ജയശീലൻ സ്വാഗതവും സി.വി. രാമകൃഷ്ണൻ നന്ദിയും പറഞ്ഞു.