പ്രതിഷേധിച്ചു

തളിപ്പറമ്പ്: വിവിധ ആവശ്യങ്ങൾ ഉന്നയിച്ച് കേരള എൻ.ജി.ഒ അസോസിയേഷൻ തളിപ്പറമ്പ്, ശ്രീകണ്ഠപുരം ബ്രാഞ്ച് കമ്മിറ്റികളുടെ ആഭിമുഖ്യത്തിൽ തളിപ്പറമ്പ് സബ് ട്രഷറിക്ക് മുന്നിൽ പ്രതിഷേധ സംഗമം സംഘടിപ്പിച്ചു. ജീവനക്കാർക്ക് ലീവ് സറണ്ടറും മൂന്ന് ഗഡു ക്ഷാമബത്തയും അനുവദിക്കാത്ത നിലപാടിനെതിരെയും മെഡിസെപ് സർക്കാർ വിഹിതമില്ലാതെ നടപ്പാക്കുന്നതിനെതിരെയുമാണ് പ്രതിഷേധസംഗമം സംഘടിപ്പിച്ചത്. ബ്രാഞ്ച് പ്രസിഡൻറ് എം. സനീഷ് അധ്യക്ഷതവഹിച്ചു. ജില്ല പ്രസിഡന്റ് എൻ.പി. ഷനീജ് ഉദ്ഘാടനം ചെയ്തു. ജില്ല ട്രഷറർ കെ.വി. മഹേഷ്, ജില്ല വൈസ് പ്രസിഡന്റ് പി.വി. വിനോദ്, ജസ്റ്റിൻ വർഗീസ്, അബ്രഹാം തോമസ് എന്നിവർ സംസാരിച്ചു.