മാധ്യമവേട്ടക്കെതിരെ ധര്‍ണ സംഘടിപ്പിച്ചു

കണ്ണൂര്‍: അഭിപ്രായ സ്വാതന്ത്ര സംരക്ഷണത്തിനുവേണ്ടിയും മാധ്യമവേട്ടയില്‍ പ്രതിഷേധിച്ചും ഫോറം ഫോര്‍ ഡമോക്രസിയുടെ ആഭിമുഖ്യത്തില്‍ കണ്ണൂര്‍ ഹെഡ്‌പോസ്റ്റോഫീസിന് മുന്നില്‍ ധര്‍ണ നടത്തി. ആക്ടിവിസ്റ്റും മറുവാക്ക് എഡിറ്ററുമായ പി.അംബിക ഉദ്ഘാടനം ചെയ്തു.

ഡോ. ഡി.സുരേന്ദ്രനാഥ് അധ്യക്ഷത വഹിച്ചു. ജെ.ജെ.പള്ളത്ത്, ബഷീര്‍ കണ്ണാടിപ്പറമ്പ്, എം.കെ.ജയരാജന്‍, ഇംത്യാസ്, എന്‍.സുബ്രഹ്മണ്യന്‍, നോബിള്‍ പൈക്കട, എം.സുല്‍ഫത്ത്, ലുക്മാന്‍ പള്ളിക്കണ്ടി, എ.രഘുനാഥ് പ്രസംഗിച്ചു. പി.ടി.ഭാസ്‌കരന്‍ സ്വാഗതവും മേരി അബ്രഹാം നന്ദിയും പറഞ്ഞു.