പാനൂരിൽ ചെയർപേഴ്സന്മാർ മത്സരത്തിനില്ല

പാനൂർ: പാനൂരിൽ നിലവിലെ ചെയർപേഴ്സ​ന്മാർ മത്സരത്തിനില്ല. പകരം മുൻ പ്രസിഡൻറുമാർ രംഗത്ത്. യു.ഡി.എഫ് സ്ഥാനാർഥി പട്ടികയിൽ മുൻ പാനൂർ പഞ്ചായത്ത് പ്രസിഡൻറ്​ പെരിക്കാലി ഉസ്മാൻ, മുൻ പെരിങ്ങളം പഞ്ചായത്ത് പ്രസിഡൻറ്​ ഷീന ഭാസ്കരൻ എന്നിവരാണ് മത്സരരംഗത്തുള്ളത്.

നിലവിലെ ചെയർപേഴ്സൻ സുവർണയും മുൻ ചെയർപേഴ്സൻ കെ.വി. റംല ടീച്ചറും മത്സരത്തിനില്ല. ലീഗി​െൻറ നിലവിലെ കൗൺസിലർമാരായ വി. ഹാരിസ്, ഉമൈസ തിരുവമ്പാടി എന്നിവർ മത്സരിക്കുന്നുണ്ട്. എന്നാൽ, കോൺഗ്രസ് കൗൺസിലർമാർ ആരുംതന്നെ ഇക്കുറി മത്സരിക്കാനില്ലെന്നറിയുന്നു.

ഇതോടൊപ്പം ഇക്കുറി കോൺഗ്രസിലെയും മുസ്​ലിം ലീഗിലെയും മുതിർന്ന ഭൂരിഭാഗം നേതാക്കളും മത്സരിക്കുന്നുണ്ടെന്ന പ്രത്യേകതയും ഉണ്ട്. എൽ.ഡി.എഫ്, കോൺഗ്രസ് സ്ഥാനാർഥി പട്ടികകൾ ഇതുവരെ പ്രഖ്യാപിച്ചിട്ടില്ല.