വേണം, പാറാട് വൈദ്യുതി സെക്ഷൻ ഓഫിസ് കേന്ദ്രമായി 110 കെ.വി സബ് സ്റ്റേഷൻ

പാ​നൂ​ർ: വൈ​ദ്യു​തി വി​ത​ര​ണ​വു​മാ​യി ബ​ന്ധ​പ്പെ​ട്ട് അ​മി​ത ജോ​ലിഭാ​ര​ത്താ​ൽ വീ​ർ​പ്പു​മു​ട്ടു​ന്ന പാ​റാ​ട് വൈ​ദ്യു​തി സെ​ക്ഷ​ൻ ഓ​ഫി​സ് കേ​ന്ദ്ര​മാ​യി 110 കെ.​വി സ​ബ് സ്റ്റേ​ഷ​ൻ സ്ഥാ​പി​ക്ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. പാ​റാ​ട് വൈ​ദ്യു​തി സെ​ക്ഷ​ൻ പ​രി​ധി​യി​ലെ വൈ​ദ്യു​തി വി​ത​ര​ണം പു​ത്തൂ​ർ 33 കെ.​വി സ​ബ്സ്റ്റേ​ഷ​നി​ലൂ​ടെ​യാ​ണ്. പു​ത്തൂ​ർ, ചെ​ണ്ട​യാ​ട്, മു​ളി​യാ​ത്തോ​ട് ഫീ​ഡ​റു​ക​ളി​ൽ​നി​ന്നാ​ണ് നി​ല​വി​ൽ പാ​റാ​ട് സെ​ക്ഷ​നി​ലേ​ക്കു​ള്ള വൈ​ദ്യു​തി വിത​ര​ണം.

കു​ന്നോ​ത്തു​പ​റ​മ്പ്, തൃ​പ്ര​ങ്ങോ​ട്ടൂ​ർ പ​ഞ്ചാ​യ​ത്തു​ക​ളി​ലെ പു​ത്തൂ​ർ, ക​ണ്ണ​ങ്കോ​ട്, ആ​ന​പ്പാ​ലം, മു​ളി​യാ​ത്തോ​ട്, പൂ​വ​ത്തി​ൻ കീ​ഴി​ൽ, കു​ന്നോ​ത്തു​പ​റ​മ്പ്, ചെ​റു​പ​റ​മ്പ്, എ​ലി​ക്കു​ന്ന്, വാ​ഴ​മ​ല, ന​രി​ക്കോ​ട്ട് മ​ല, ച​മ​ത​ക്കാ​ട്, വ​ട​ക്കെ പൊ​യി​ലൂ​ർ, പൊ​യി​ലൂ​ർ, വി​ള​ക്കോ​ട്ടൂ​ർ, തെ​ക്കും​മു​റി, തൂ​വ​ക്കു​ന്ന്, ക​ല്ലി​ക്ക​ണ്ടി, ചെ​റ്റ​ക്ക​ണ്ടി പ്ര​ദേ​ശ​ങ്ങ​ളി​ലും ചി​റ്റാ​രി​പ്പ​റ​മ്പ് പ​ഞ്ചാ​യ​ത്തി​ലെ ചെ​ന്ന​പ്പൊ​യി​ൽ കോ​ള​നി​ഭാ​ഗ​ത്തും വൈ​ദ്യു​തി വി​ത​ര​ണം ഈ ​വൈ​ദ്യു​തി സെ​ക്ഷ​നി​ലൂ​ടെ​യാ​ണ്. കൂ​ടാ​തെ കോ​ഴി​ക്കോ​ട് ജി​ല്ല​യി​ലെ കാ​യ​ലോ​ട്ട് താ​ഴെ പാ​ല​ത്തോ​ട് ചേ​ർ​ന്നു​കി​ട​ക്കു​ന്ന താ​ന​ക്കോ​ട്, ചെ​ക്യാ​ട് പ്ര​ദേ​ശ​ങ്ങ​ളി​ലേ​ക്കു​മു​ള്ള വൈ​ദ്യു​തി വി​ത​ര​ണ​വും ഇ​തേ സെ​ക്ഷ​നി​ൽ​നി​ന്നു ത​ന്നെ. ക​ട​വ​ത്തൂ​ർ മേ​ഖ​ല​യി​ലെ മി​ക്ക ഭാ​ഗ​ങ്ങ​ളും പാ​റാ​ട് സെ​ക്ഷ​നി​ലാ​ണ്.

നി​ര​വ​ധി ക്വാ​റി​ക​ളും സ്റ്റോ​ൺ ക്ര​ഷ​റു​ക​ളും പാ​റാ​ട് സെ​ക്ഷ​ൻ പ​രി​ധി​യി​ൽ പ്ര​വ​ർ​ത്തി​ക്കു​ന്നു​ണ്ട്. വ്യ​വ​സാ​യ സ്ഥാ​പ​ന​ങ്ങ​ളും ഒ​ട്ടേ​റെ വ്യാ​പാ​ര​സ്ഥാ​പ​ന​ങ്ങ​ളും മേ​ഖ​ല​യി​ലു​ണ്ട്. 33 കെ.​വി ലൈ​നി​ലു​ണ്ടാ​കു​ന്ന ത​ക​രാ​ർ പ്ര​ദേ​ശ​ത്തെ വൈ​ദ്യു​തി വി​ത​ര​ണ​ത്തി​ന് പ​ല​പ്പോ​ഴും ത​ട​സ്സ​മു​ണ്ടാ​ക്കു​ന്നു​ണ്ട്.

വൈ​ദ്യു​തി​മു​ട​ക്ക​വും മ​തി​യാ​യ വോ​ൾ​ട്ടേ​ജ് ല​ഭി​ക്കാ​ത്ത​തും ക്ര​ഷ​റു​ക​ൾ, വെ​ൽ​ഡി​ങ് സ്ഥാ​പ​ന​ങ്ങ​ൾ, വ്യ​വ​സാ​യ​സ്ഥാ​പ​ന​ങ്ങ​ൾ എ​ന്നി​വ​യു​ടെ പ്ര​വ​ർ​ത്ത​ന​ങ്ങ​ൾ​ക്ക് പ്ര​തി​സ​ന്ധി​യു​ണ്ടാ​ക്കു​ന്നു. പാ​റാ​ട് സെ​ക്ഷ​നി​ലേ​ക്ക് മ​റ്റു സ​ബ് സ്റ്റേ​ഷ​നു​ക​ളി​ൽ​നി​ന്ന് വൈ​ദ്യു​തി കൊ​ണ്ടു​വ​രു​ന്ന​തി​ന് മ​തി​യാ​യ സൗ​ക​ര്യ​മി​ല്ലാ​ത്ത​ത് പ്ര​യാ​സ​മു​ണ്ടാ​ക്കു​ന്ന​താ​യി ജീ​വ​ന​ക്കാ​രും പ​റ​യു​ന്നു.

പു​തി​യ സ​ബ്സ്റ്റേ​ഷ​നു വേ​ണ്ടി തൃ​പ്ര​ങ്ങോ​ട്ടൂ​രി​ൽ അ​ര​യാ​ക്ക​ണ്ടി ട്രാ​ൻ​സ്ഫോ​മ​റി​ന​ടു​ത്ത് മു​ണ്ട​ത്തോ​ട് റോ​ഡി​ൽ സ്ഥ​ലം ക​ണ്ടെ​ത്തി​യി​ട്ടു​ണ്ട്. മൂ​ന്നു​ത​വ​ണ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളും സ്ഥ​ലം സ​ന്ദ​ർ​ശി​ച്ചു. സ്ഥ​ല​മേ​റ്റെ​ടു​ക്ക​ൽ ന​ട​പ​ടി ഉ​ട​ൻ പൂ​ർ​ത്തി​യാ​ക്കി സ​ബ് സ്റ്റേ​ഷ​ൻ നി​ർ​മാ​ണം ആ​രം​ഭി​ക്ക​ണ​മെ​ന്ന​താ​ണ് ആ​വ​ശ്യം.