പാനൂരിൽ ഇന്നു മുതൽ വീണ്ടും ഗതാഗത പരിഷ്കരണം

പാ​നൂ​ർ: പാ​നൂ​ർ ടൗ​ണി​നെ വീ​ർ​പ്പു​മു​ട്ടി​ക്കു​ന്ന ഗ​താ​ഗ​ത​ക്കു​രു​ക്ക് അ​ഴി​ക്കാ​ൻ ട്രാ​ഫി​ക് പ​രി​ഷ്ക​ര​ണം ഉ​ൾ​പ്പെ​ടെ​യു​ള്ള പ​ദ്ധ​തി​യു​മാ​യി വീ​ണ്ടും ന​ഗ​ര​സ​ഭ​യും പൊ​ലീ​സും രം​ഗ​ത്ത്. പ​ല പ്രാ​വ​ശ്യം ഗ​താ​ഗ​ത പ​രി​ഷ്ക​ര​ണം ന​ട​പ്പാ​ക്കി​യെ​ങ്കി​ലും ഇ​തു​വ​രെ വി​ജ​യ​ത്തി​ലെ​ത്തി​ക്കാ​നോ തു​ട​ർ​ച്ച ഉ​റ​പ്പാ​ക്കാ​നോ ക​ഴി​ഞ്ഞി​രു​ന്നി​ല്ല. ഈ ​സാ​ഹ​ച​ര്യ​ത്തി​ലാ​ണ് പ​ര​മാ​വ​ധി ഗൃ​ഹ​പാ​ഠം ചെ​യ്ത് ന​ഗ​ര​സ​ഭ​യും പൊ​ലീ​സും വീ​ണ്ടും പ​രി​ഷ്ക​ര​ണ​ശ്ര​മം ആ​രം​ഭി​ക്കു​ന്ന​ത്. ഗ​താ​ഗ​ത​പ​രി​ഷ്ക​ര​ണം ഇ​ന്നു മു​ത​ൽ വീ​ണ്ടും നി​ല​വി​ൽ വ​രും. ട്രാ​ഫി​ക് നി​ർ​ദേ​ശ​ങ്ങ​ൾ ലം​ഘി​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കാ​നാ​ണ് പൊ​ലീ​സ് തീ​രു​മാ​നം.

ഇ​ന്നു​മു​ത​ൽ ഒ​രാ​ഴ്ച ബോ​ധ​വ​ത്​​ക​ര​ണ യ​ജ്ഞ​വും ന​ട​ത്തും. അ​ടു​ത്താ​ഴ്ച വാ​ഹ​നം പി​ടി​ച്ചെ​ടു​ക്കു​ന്ന​തു​ൾ​പ്പെ​ടെ​യു​ള്ള ന​ട​പ​ടി​യി​ലേ​ക്ക് നീ​ങ്ങും. ടാ​ക്സി- സ്വ​കാ​ര്യ വാ​ഹ​ന പാ​ർ​ക്കി​ങ്ങി​ലും മാ​റ്റം വ​രും.

ജ​നു​വ​രി അ​വ​സാ​ന​ത്തോ​ടെ ടൗ​ൺ ജ​ങ്​​ഷ​നി​ൽ സി​ഗ്ന​ൽ ലൈ​റ്റ് സം​വി​ധാ​ന​വും നി​ല​വി​ൽ​വ​രു​മെ​ന്ന് ന​ഗ​ര​സ​ഭാ​ധ്യ​ക്ഷ​ൻ വി.​നാ​സ​ർ, ഉ​പാ​ധ്യ​ക്ഷ പ്രീ​ത അ​ശോ​ക​ൻ, പാ​നൂ​ർ പ്രി​ൻ​സി​പ്പ​ൽ എ​സ്.​ഐ സി.​സി. ല​തീ​ഷ്, ന​ഗ​ര​സ​ഭ സ്ഥി​രം​സ​മി​തി അ​ധ്യ​ക്ഷ​ന്മാ​രാ​യ കെ.​പി. ഹാ​ഷിം, ടി.​കെ. ഹ​നീ​ഫ, ആ​ശി​ഖ ജും​ന എ​ന്നി​വ​ർ പ​റ​ഞ്ഞു. കെ.​പി.​മോ​ഹ​ന​ൻ മു​ൻ​കൈ എ​ടു​ത്താ​ണ് സി​ഗ്ന​ൽ സം​വി​ധാ​നം ന​ട​പ്പാ​ക്കു​ന്ന​ത്. പ്ര​വാ​സി വ്യ​വ​സാ​യി​യാ​യ കെ. ​സൈ​നു​ൽ ആ​ബി​ദീ‍െൻറ സ​ഹ​ക​ര​ണ​ത്തി​ൽ ജ​ങ്​​ഷ​നി​ൽ ആ​ധു​നി​ക കാ​മ​റ സം​വി​ധാ​ന​വും ഒ​രു​ക്കി​യി​ട്ടു​ണ്ട്.

മാ​റ്റ​ങ്ങ​ൾ ഇ​ങ്ങ​നെ

കൂ​ത്തു​പ​റ​മ്പ് റോ​ഡി​ലെ ടാ​ക്സി സ്റ്റാ​ൻ​ഡ് പു​ത്തൂ​ർ റോ​ഡി​ലെ പ​ഴ​യ വി​ല്ലേ​ജ് ഓ​ഫി​സ് പൊ​ളി​ച്ച സ്ഥ​ല​ത്തേ​ക്കു മാ​റ്റും. കൂ​ത്തു​പ​റ​മ്പ് റോ​ഡി​ലെ ടാ​ക്സി​ക​ളാ​ണ് പാ​ർ​ക്ക് ചെ​യ്യേ​ണ്ട​ത്. സ്വ​കാ​ര്യ വാ​ഹ​ന​ങ്ങ​ൾ​ക്ക് കെ.​എ​സ്.​ഇ.​ബി ഓ​ഫി​സ് പ​രി​സ​ര​ത്തും അ​യ്യ​പ്പ​ക്ഷേ​ത്രം ക​നാ​ൽ പ​രി​സ​ര​ത്തും പാ​ർ​ക്ക് ചെ​യ്യാ​ൻ സൗ​ക​ര്യം ഒ​രു​ക്കും. ടൗ​ണി​ൽ ഇ​രു​ച​ക്ര വാ​ഹ​ന​ങ്ങ​ൾ​ക്കും കാ​റു​ക​ൾ​ക്കും പാ​ർ​ക്ക് ചെ​യ്യാ​നു​ള്ള സ്ഥ​ല​ത്ത് ബോ​ർ​ഡു​ക​ൾ സ്ഥാ​പി​ക്കും.

പൊ​ലീ​സ് സ്റ്റേ​ഷ​ൻ പ​രി​സ​രം, ക​നാ​ൽ മു​ത​ൽ ഗു​രു​സ​ന്നി​ധി​വ​രെ, ബ​സ് സ്റ്റാ​ൻ​ഡ് ബേ​സി​ൽ പീ​ടി​ക റോ​ഡി​ൽ ഒ​രു​വ​ശം, ന​ജാ​ത്തു​ൽ ഇ​സ്​​ലാം സ്കൂ​ൾ പ​രി​സ​രം എ​ന്നി​വി​ട​ങ്ങ​ളി​ൽ ഒ​രു​വ​ശ​ത്ത് സ്വ​കാ​ര്യ കാ​റു​ക​ൾ പാ​ർ​ക്ക് ചെ​യ്യാം. ബ​സ് സ്റ്റാ​ൻ​ഡ് ക്ലോ​ക്ക് ട​വ​റി​നു താ​ഴെ, റോ​യ​ൽ പെ​യി​ന്‍റ്​ ക​ട​യു​ടെ മു​ൻ​വ​ശം, മോ​ഡേ​ൺ ഹാ​ർ​ഡ്​​വേ​റി​നു മു​ൻ​വ​ശം, ന​ജാ​ത്ത് സ്കൂ​ൾ പ​രി​സ​രം, കെ.​കെ.​വി മെ​മ്മോ​റി​യ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​നു മു​ൻ​വ​ശം, മാ​വേ​ലി സ്റ്റോ​ർ ഭാ​ഗം എ​ന്നി​വി​ട​ങ്ങ​ളി​ൽ ഇ​രു ച​ക്ര​വാ​ഹ​ന​ങ്ങ​ൾ​ക്ക് പാ​ർ​ക്ക് ചെ​യ്യാം.

ര​ജി​സ്ട്രാ​ർ ഓ​ഫി​സ് ക​വാ​ടം മു​ത​ൽ പ​ഴ​യ ന​ഗ​ര​സ​ഭ ഓ​ഫി​സ് വ​രെ​യാ​ണ് ഓ​ട്ടോ സ്റ്റാ​ൻ​ഡ്. ടെം​പോ സ്റ്റാ​ൻ​ഡ് നി​ല​വി​ലെ സ്ഥി​തി തു​ട​രും.ത​ല​ശ്ശേ​രി റോ​ഡി​ൽ​നി​ന്ന് സ്റ്റാ​ൻ​ഡി​ലേ​ക്ക് വ​രു​ന്ന​ത് ബൈ​പാ​സ് വ​ഴി ബ​സ് സ്റ്റാ​ൻ​ഡി​ലേ​ക്ക് പ്ര​വേ​ശി​ക്ക​ണം. പു​ത്തൂ​ർ ഭാ​ഗ​ത്തു​നി​ന്ന് വ​രു​ന്ന ബ​സു​ക​ളും പൂ​ക്കോം ഭാ​ഗ​ത്തേ​ക്കു പോ​കേ​ണ്ട മ​റ്റു വാ​ഹ​ന​ങ്ങ​ളും ബൈ​പാ​സ് വ​ഴി പോ​ക​ണം.

ച​മ്പാ​ട് റോ​ഡി​ലെ മാ​ർ​ക്ക​റ്റി​ൽ ച​ര​ക്കു​വ​ണ്ടി​ക​ൾ നി​ർ​ത്തി​യി​ടു​ന്ന​തി​ന് സ​മ​യ​ക്ര​മം ഏ​ർ​പ്പെ​ടു​ത്തി. രാ​വി​ലെ എ​ട്ടു മു​ത​ൽ 10വ​രെ​യും വൈ​കീ​ട്ട് മൂ​ന്നു മു​ത​ൽ 5.30വ​രെ​യും ച​മ്പാ​ട് റോ​ഡി​ൽ വാ​ഹ​നം പാ​ർ​ക്ക് ചെ​യ്യ​രു​ത്. ഒ​രു സ​മ​യ​ത്ത് ഒ​രു ലോ​റി എ​ന്ന ക്ര​മീ​ക​ര​ണം വ​രു​ത്തും. പൂ​ക്കോം ഭാ​ഗ​ത്തു​നി​ന്ന് ച​മ്പാ​ട് ഭാ​ഗ​ത്തേ​ക്കു പോ​കേ​ണ്ട വാ​ഹ​ന​ങ്ങ​ൾ ന​ജാ​ത്തു​ൽ ഇ​സ്​​ലാം സ്കൂ​ളി​നു സ​മീ​പ​ത്തു​കൂ​ടി ക​ട​ന്നു​പോ​കു​ന്ന ഇ​ട റോ​ഡി​ൽ കൂ​ടി ച​മ്പാ​ട് റോ​ഡി​ലേ​ക്ക് പ്ര​വേ​ശി​ക്ക​ണം.

ച​മ്പാ​ട് റോ​ഡി​ൽ നി​ന്ന് കൂ​ത്തു​പ​റ​മ്പ് റോ​ഡി​ലേ​ക്ക് പ്ര​വേ​ശി​ക്കേ​ണ്ട സ്വ​കാ​ര്യ വാ​ഹ​ന​ങ്ങ​ൾ ബി.​എ​സ്.​എ​ൻ.​എ​ൽ ഓ​ഫി​സ് റോ​ഡു വ​ഴി ക​ട​ന്നു​പോ​ക​ണം. ര​ണ്ട് റോ​ഡു​ക​ളി​ലും വ​ൺ​വേ സം​വി​ധാ​നം ഏ​ർ​പ്പെ​ടു​ത്തും. പൊ​ലീ​സ് സ്റ്റേ​ഷ​ൻ ഭാ​ഗ​ത്തു​നി​ന്ന് വ​രു​ന്ന ചെ​റി​യ വാ​ഹ​ന​ങ്ങ​ൾ ഖു​ർ​ആ​ൻ കോ​ള​ജ് റോ​ഡ് വ​ഴി കൂ​ത്തു​പ​റ​മ്പ് റോ​ഡി​ലേ​ക്ക് പ്ര​വേ​ശി​ക്ക​ണം. പൂ​ക്കോം ഭാ​ഗ​ത്തു​നി​ന്ന് പാ​റാ​ട്, കൈ​വേ​ലി​ക്ക​ൽ ഭാ​ഗ​ത്തേ​ക്ക് പോ​കേ​ണ്ട വാ​ഹ​ന​ങ്ങ​ൾ ബ​സ് സ്റ്റാ​ൻ​ഡ് വ​ഴി ബൈ​പാ​സ് റോ​ഡി​ലൂ​ടെ ക​ട​ന്നു പോ​ക​ണം.