മന്ത്രി വരുന്നതിന് മുന്നോടിയായി റോഡിൽ കുഴിയടക്കൽ

ക​ണ്ണൂ​ർ: പൊ​തു​മ​രാ​മ​ത്ത് മ​ന്ത്രി എ​ത്തു​ന്ന​തി​നു മു​ന്നോ​ടി​യാ​യി റോ​ഡി​ൽ കു​ഴി​യ​ട​ക്ക​ൽ നാ​ട​കം. പു​ല്ലൂ​പ്പി​ക്ക​ട​വി​ലെ ടൂ​റി​സം പ​ദ്ധ​തി ഉ​ദ്ഘാ​ട​നം ചെ​യ്യു​ന്ന​തി​നാ​യി മ​ന്ത്രി പി.​എ. മു​ഹ​മ്മ​ദ് റി​യാ​സ് എ​ത്തു​ന്ന​തി​നു മു​ന്നോ​ടി​യായാ​ണ് പൊ​ട്ടി​പ്പൊ​ളി​ഞ്ഞ് യാ​ത്ര ദു​സ്സ​ഹ​മാ​യി മാ​റി​യ റോ​ഡി​ൽ അ​റ്റ​കു​റ്റ​പ്പണി​ക​ൾ ന​ട​ത്തി​യ​ത്. ക​ണ്ണാ​ടി​പ്പ​റ​മ്പി​ൽ നി​ന്ന് എ​ളു​പ്പ​മാ​ർ​ഗം ക​ണ്ണൂ​രി​ൽ എ​ത്താ​വു​ന്ന പു​ല്ലൂ​പ്പി​ക്ക​ട​വ് റോ​ഡി​ലെ ടാ​റി​ങ് ത​ക​ർ​ന്ന് യാ​ത്ര ദു​രി​ത​ത്തി​ലാ​ണ്. പു​ല്ലൂ​പ്പി പാ​ല​ത്തി​നു സ​മീ​പ​ത്തും റോ​ഡി​ൽ നി​റ​യെ കു​ണ്ടും കു​ഴി​യു​മാ​യി​രു​ന്നു. മ​ന്ത്രി എ​ത്തു​ന്ന​തി​ന് മ​ണി​ക്കൂ​റു​ക​ൾ മു​മ്പാ​ണ് റോ​ഡി​ൽ ത​ട്ടി​ക്കൂ​ട്ടി കു​ഴി​യ​ട​ക്ക​ൽ ന​ട​ത്തി​യ​ത്. എ​ന്നാ​ൽ, മ​ഴ എ​ത്തി​യാ​ൽ വീ​ണ്ടും പ​ഴ​യ രീ​തി​യി​ലാ​വു​ന്ന രീ​തി​യി​ലു​ള്ള പൊ​ടി​യി​ട​ൽ മാ​ത്ര​മാ​ണ് ഇ​വി​ടെ ന​ട​ന്ന​തെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. ദി​വ​സ​വും നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു പോ​കു​ന്ന റോ​ഡ് കൃ​ത്യ​മാ​യി ടാ​റി​ങ് ന​ട​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.