പേര് മെഡിക്കൽ കോളജ്; സി.ടി സ്കാനിങ്ങിന് സ്വകാര്യ സ്ഥാപനത്തിൽ പോകണം

പ​യ്യ​ന്നൂ​ർ: സ​ർ​ക്കാ​ർ ഏ​റ്റെ​ടു​ത്തി​ട്ടും ഒ​ട്ടും ശ​രി​യാ​കാ​തെ ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജ്. സി.​ടി സ്കാ​ന്‍ പ​ണി​മു​ട​ക്കി​യി​ട്ട് ദി​വ​സ​ങ്ങ​ളാ​യ​തോ​ടെ ദു​രി​ത​ത്തി​ലാ​യി രോ​ഗി​ക​ള്‍. ദേ​ശീ​യ​പാ​ത​യോ​ര​ത്തെ ആ​തു​രാ​ല​യ​ത്തി​ൽ നൂ​റു​ക​ണ​ക്കി​ന് അ​പ​ക​ട കേ​സു​ക​ളാ​ണ് വ​രു​ന്ന​ത്. പ​ല കേ​സു​ക​ളി​ലും സി.​ടി സ്കാ​ന്‍ നി​ർ​ബ​ന്ധ​മാ​ണ്. യ​ന്ത്രം പ്ര​വ​ര്‍ത്തി​ക്കാ​ത്ത​തി​നാ​ല്‍ രോ​ഗി​ക​ള്‍ സ്വ​കാ​ര്യ സ്കാ​നി​ങ് സെ​ന്റ​റു​ക​ളെ​യാ​ണ് ആ​ശ്ര​യി​ക്കു​ന്ന​ത്.

വാ​ര്‍ഷി​ക അ​റ്റ​കു​റ്റ​പ്പ​ണി ന​ട​ത്തു​ന്ന​തി​ല്‍ കാ​ണി​ച്ച അ​ലം​ഭാ​വ​മാ​ണ് സി.​ടി സ്കാ​ന്‍ യ​ന്ത്രം കേ​ടാ​യ​തെ​ന്നാ​ണ് വി​വ​രം. ആ​രോ​ഗ്യ ഇ​ന്‍ഷു​റ​ന്‍സും കാ​രു​ണ്യ പ​ദ്ധ​തി​യും ഉ​പ​യോ​ഗ​പ്പെ​ടു​ത്തു​ന്ന പാ​വ​പ്പെ​ട്ട രോ​ഗി​ക​ളാ​ണ് ഏ​റെ ബു​ദ്ധി​മു​ട്ടാ​യ​ത്. മ​റ്റു​ള്ള​വ​ര്‍ക്കും സ്വ​കാ​ര്യ സ്കാ​നി​ങ് സെ​ന്റ​റി​ല്‍ ഉ​ള്ള​തി​നേ​ക്കാ​ള്‍ കു​റ​ഞ്ഞ ചെ​ല​വി​ല്‍ ഇ​വി​ടെ സ്‌​കാ​നി​ങ് ന​ട​ത്താ​ന്‍ സാ​ധി​ക്കാ​റു​ണ്ട്.

ചെ​റു​താ​ഴ​ത്ത് വാ​ഹ​നാ​പ​ക​ട​ത്തി​ല്‍ പ​രി​ക്കേ​റ്റ ക​ര്‍ണാ​ട​ക​യി​ല്‍ നി​ന്നു​ള്ള അ​യ്യ​പ്പ​ഭ​ക്ത​ന്‍മാ​രെ പ​രി​യാ​ര​ത്തേ​ക്ക് കൊ​ണ്ടു​വ​ന്ന​പ്പോ​ള്‍ സി.​ടി സ്കാ​ന്‍ ന​ട​ത്താ​ന്‍ സ്വ​കാ​ര്യ സെ​ന്റ​റി​ലേ​ക്ക് പോ​കാ​ന്‍ ആ​വ​ശ്യ​പ്പെ​ട്ട​പ്പോ​ഴാ​ണ് നാ​ട്ടി​ല്‍ പോ​യി ചി​കി​ത്സ ന​ട​ത്താ​മെ​ന്ന് പ​റ​ഞ്ഞ് ര​ണ്ടു​പേ​ര്‍ നി​ര്‍ബ​ന്ധ ഡി​സ്ചാ​ര്‍ജ് വാ​ങ്ങി​പ്പോ​യ​ത്. ബു​ധ​നാ​ഴ്ച അ​പ​ക​ട​ത്തി​ൽ​പ്പെ​ട്ട വി​ദ്യാ​ർ​ഥി​ക​ളു​മാ​യി എ​ത്തി​യ​പ്പോ​ഴും ഇ​തു​ത​ന്നെ സ്ഥി​തി​യെ​ന്ന് നാ​ട്ടു​കാ​ർ പ​റ​യു​ന്നു.

ഗു​രു​ത​ര​മാ​യി പ​രി​ക്കേ​റ്റ രോ​ഗി​ക​ളു​മാ​യി എ​ത്തി​യാ​ൽ സ്വ​കാ​ര്യ സ്ഥാ​പ​ന​ത്തി​ലേ​ക്ക് പോ​ക​ണം. തൊ​ട്ട​ടു​ത്ത സ്വ​കാ​ര്യ സ്ഥാ​പ​ന​ത്തി​ൽ എ​ത്താ​ൻ ആം​ബു​ല​ൻ​സി​ന് മി​നി​മം ചാ​ർ​ജ് കൊ​ടു​ക്ക​ണം. ഇ​തും സാ​ധാ​ര​ണ​ക്കാ​ർ​ക്ക് ഇ​രു​ട്ട​ടി​യാ​വു​ന്നു. പ​രി​യാ​ര​ത്ത് ത​ന്നെ പ്ര​വ​ര്‍ത്തി​ക്കു​ന്ന സ്വ​കാ​ര്യ സ്കാ​നി​ങ് സെ​ന്റ​റി​നെ സ​ഹാ​യി​ക്കാ​നാ​ണോ അ​റ്റ​കു​റ്റ​പ്പ​ണി​ക​ള്‍ കൃ​ത്യ​സ​മ​യ​ത്ത് ന​ട​ത്താ​തെ മെ​ഷീ​ന്‍ കോ​ടാ​വു​ന്ന​തു​വ​രെ കാ​ത്തി​രു​ന്ന​തെ​ന്ന സം​ശ​യ​വും നാ​ട്ടു​കാ​ർ ഉ​ന്ന​യി​ക്കു​ന്നു.

വാ​ഹ​നാ​പ​ക​ട​കേ​സു​ക​ളി​ല്‍ എ​ത്തു​ന്ന രോ​ഗി​ക​ളെ​യും സ്കാ​നി​ങ് ആ​വ​ശ്യ​മു​ള്ള മ​റ്റ് രോ​ഗി​ക​ളെ​യും ആം​ബു​ല​ന്‍സി​ല്‍ കൊ​ണ്ടു​പോ​കാ​ന്‍ അ​മി​ത​നി​ര​ക്ക് ഈ​ടാ​ക്കു​ന്ന​താ​യും പ​രാ​തി​യു​ണ്ട്. സ്കാ​നി​ങ് മെ​ഷീ​നി​ന്റെ കേ​ടാ​യ ഒ​രു ഉ​പ​ക​ര​ണം ല​ഭി​ക്കാ​നു​ള്ള കാ​ല​താ​മ​സ​മാ​ണ് അ​റ്റ​കു​റ്റ​പ്പ​ണി വൈ​കാ​ന്‍ കാ​ര​ണ​മാ​യ​തെ​ന്നും പ​റ​യു​ന്നു.

പ​രാ​തി ഉ​യ​ർ​ന്ന​പ്പോ​ൾ ഉ​ട​ൻ ത​ന്നെ സ്‌​കാ​നി​ങ് മെ​ഷീ​ന്‍ പ്ര​വ​ര്‍ത്തി​പ്പി​ച്ചു തു​ട​ങ്ങു​മെ​ന്ന ആ​ശു​പ​ത്രി അ​ധി​കൃ​ത​രു​ടെ വാ​ക്കും ജ​ല​രേ​ഖ​യാ​യി.