മരക്കഷണം വിഴുങ്ങിയ കുഞ്ഞിന് ശസ്ത്രക്രിയ വഴി പുതുജീവിതം

പ​യ്യ​ന്നൂ​ർ: അ​ബ​ദ്ധ​ത്തി​ൽ മ​ര​ക്ക​ഷ​ണം വി​ഴു​ങ്ങി​യ​തി​നെ​ത്തു​ട​ർ​ന്ന് ശ്വാ​സ​ത​ട​സ്സം നേ​രി​ട്ട് ഗു​രു​ത​രാ​വ​സ്ഥ​യി​ലാ​യ എ​ട്ടു​മാ​സം മാ​ത്രം പ്രാ​യ​മു​ള്ള കു​ഞ്ഞി​ന് ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ചി​കി​ത്സ​യി​ലൂ​ടെ പു​തു​ജീ​വ​ൻ. അ​മ്മ​യു​ടെ സ​മീ​പ​ത്താ​യി അ​ടു​ക്ക​ള​യി​ൽ ക​ളി​ച്ചു​കൊ​ണ്ടി​രി​ക്കെ കൈ​യി​ൽ കി​ട്ടി​യ മ​ര​ക്ക​ഷ​ണം കു​ഞ്ഞ് വാ​യി​ലേ​ക്കി​ടു​ക​യാ​യി​രു​ന്നു. കു​ട്ടി​യു​ടെ അ​മ്മ വാ​യി​ൽ കൈ​യി​ട്ട് പു​റ​ത്തെ​ടു​ക്കാ​ൻ ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ല. തു​ട​ർ​ന്ന് കു​ട്ടി വ​ല്ലാ​തെ ചു​മ​ക്കു​ക​യും ശ്വാ​സ​ത​ട​സ്സം നേ​രി​ടു​ക​യു​മാ​യി​രു​ന്നു. പെ​ട്ടെ​ന്ന്​ അ​ടു​ത്തു​ള്ള ആ​ശു​പ​ത്രി​യി​ൽ അ​ടി​യ​ന്ത​ര ചി​കി​ത്സ ന​ൽ​കി​യ​ശേ​ഷം, ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് കു​ട്ടി​യെ മാ​റ്റി.

ശ്വാ​സ​മെ​ടു​ക്കു​ന്ന​തി​നു​ള്ള ബു​ദ്ധി​മു​ട്ടോ​ടെ​യാ​ണ് ക​ണ്ണൂ​ർ ജി​ല്ല​യി​ലെ കൊ​ട്ടി​യൂ​രി​ൽ​നി​ന്ന്​ ഈ ​പി​ഞ്ചു​കു​ഞ്ഞി​നെ പ​രി​യാ​ര​ത്തെ ക​ണ്ണൂ​ർ ഗ​വ.​മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ച​ത്. അ​ടി​യ​ന്ത​ര പ​രി​ശോ​ധ​ന​യി​ൽ വ​ല​ത്തെ ശ്വാ​സ​കോ​ശ​ത്തി​ൽ എ​ന്തോ ഒ​ന്ന് കു​ടു​ങ്ങി​ക്കി​ട​ക്കു​ന്ന​താ​യി ക​ണ്ടെ​ത്തു​ക​യാ​യി​രു​ന്നു. എ​ന്താ​ണ് വി​ഴു​ങ്ങി​യ​തെ​ന്ന് അ​പ്പോ​ഴും കു​ട്ടി​യു​ടെ ര​ക്ഷി​താ​ക്ക​ൾ​ക്ക് അ​റി​യു​മാ​യി​രു​ന്നി​ല്ല. ശ്വാ​സ​ത​ട​സ്സം വ​ർ​ധി​ക്കു​ന്ന​ത് പ്ര​തി​സ​ന്ധി​യാ​യേ​ക്കു​മെ​ന്ന​തി​നാ​ൽ അ​ടി​യ​ന്ത​ര​മാ​യി അ​ത്യാ​ധു​നി​ക കാ​മ​റ സ​ഹി​ത​മു​ള്ള ന​വീ​ന റി​ജി​ഡ് ബ്രോ​ങ്കോ​സ്‌​കോ​പ്പി ന​ട​ത്തി, ശ്വാ​സ​കോ​ശ​ത്തി​ൽ കു​ടു​ങ്ങി​ക്കി​ട​ന്ന മ​ര​ക്ക​ഷ​ണം പു​റ​ത്തെ​ടു​ക്കു​ക​യാ​യി​രു​ന്നു.

എ​ട്ടു​മാ​സം മാ​ത്രം പ്രാ​യ​മു​ള്ള കു​ട്ടി​യാ​യ​തി​നാ​ൽ നി​സ്സ​ഹ​ക​ര​ണ​മു​ണ്ടാ​യാ​ൽ ശ്വാ​സ​കോ​ശ​ത്തി​ൽ കു​ടു​ങ്ങി​യ വ​സ്തു പു​റ​ത്തെ​ടു​ക്കു​ന്ന​തി​ൽ സ​ങ്കീ​ർ​ണ​ത വ​ർ​ധി​പ്പി​ച്ചേ​ക്കു​മെ​ന്ന​തി​നാ​ലും ശ്വാ​സോ​ച്ഛ്വാ​സം പൂ​ർ​വ​സ്ഥി​തി​യി​ലാ​ക്കാ​ൻ അ​ടി​യ​ന്ത​ര ചി​കി​ത്സ ആ​വ​ശ്യ​മാ​യി​രു​ന്ന​തി​നാ​ലും അ​ന​സ്‌​തേ​ഷ്യ ന​ൽ​കി​യ​ശേ​ഷ​മാ​ണ് ചി​കി​ത്സ ന​ട​ത്തി​യ​തെ​ന്ന് പ്രി​ൻ​സി​പ്പ​ൽ ഡോ. ​കെ. അ​ജ​യ​കു​മാ​റും ആ​ശു​പ​ത്രി സൂ​പ്ര​ണ്ട് ഡോ. ​കെ. സു​ദീ​പും അ​റി​യി​ച്ചു. ശ്വാ​സ​കോ​ശ വി​ഭാ​ഗ​ത്തി​ലെ ഡോ.​ഡി.​കെ. മ​നോ​ജ്, ഡോ. ​രാ​ജീ​വ് റാം, ​ഡോ. കെ. ​മു​ഹ​മ്മ​ദ് ഷ​ഫീ​ഖ്, ശി​ശു​രോ​ഗ വി​ഭാ​ഗ​ത്തി​ലെ ഡോ. ​എം.​ടി.​പി. മു​ഹ​മ്മ​ദ്, അ​ന​സ്‌​തേ​ഷ്യ വി​ഭാ​ഗ​ത്തി​ലെ ഡോ. ​ചാ​ൾ​സ് തോ​മ​സ്, ഡോ. ​ബ​ഷീ​ർ മ​ണ്ഡ്യ​ൻ എ​ന്നി​വ​രു​ൾ​പ്പെ​ട്ട മെ​ഡി​ക്ക​ൽ സം​ഘ​മാ​ണ് ചി​കി​ത്സ ന​ട​ത്തി​യ​തെ​ന്ന് പ്രി​ൻ​സി​പ്പ​ലും സൂ​പ്ര​ണ്ടും അ​റി​യി​ച്ചു.