പയ്യന്നൂർ ഒരുങ്ങി, ഇനി കലയുടെ പെരുങ്കളിയാട്ടം

പ​യ്യ​ന്നൂ​ർ: അ​ഞ്ചു​നാ​ൾ ക​ല​യു​ടെ പെ​രു​ങ്ക​ളി​യാ​ട്ട​ത്തി​ന്​ പ​യ്യ​ന്നൂ​ർ ഒ​രു​ങ്ങി. പ​തി​നാ​യി​ര​ത്തി​ല​ധി​കം വി​ദ്യാ​ർ​ഥി​ക​ൾ സ​ർ​ഗ​സ​മ​ന്വ​യ​ത്തി​ന്റെ ദൃ​ശ്യ​വി​രു​ന്ന് സ​മ്മാ​നി​ക്കു​ന്ന പ​ക​ലി​ര​വു​ക​ളി​ലേ​ക്കു​ള്ള ദൂ​രം ഇ​നി ഒ​രു​ദി​വ​സം മാ​ത്രം. ചൊ​വ്വാ​ഴ്ച ക​ലോ​ത്സ​വ​ത്തി​ന് തി​ര​തെ​ളി​യും.

319 ഇ​ന​ങ്ങ​ൾ, 16 വേ​ദി​ക​ൾ

യു.​പി വി​ഭാ​ഗ​ത്തി​ൽ 38ഉം ​ഹൈ​സ്കൂ​ൾ വി​ഭാ​ഗ​ത്തി​ൽ 101ഉം ​എ​ച്ച്.​എ​സ്.​എ​സി​ൽ 110ഉം ​സം​സ്കൃ​ത​ത്തി​ലും അ​റ​ബി​യി​ലും യ​ഥാ​ക്ര​മം 38ഉം 32​ഉം ഉ​ൾ​പ്പെ​ടെ 319 ഇ​ന​ങ്ങ​ൾ 16 വേ​ദി​ക​ളി​ലാ​യാ​യി​രി​ക്കും ന​ട​ക്കു​ക. 15 ഉ​പ​ജി​ല്ല​ക​ളി​ൽനി​ന്നാ​യി 10,695 കു​ട്ടി​ക​ളാ​യി​രി​ക്കും ക​ല​യു​ടെ നി​റ​ച്ചാ​ർ​ത്ത് തീ​ർ​ക്കു​ക. ആ​ദ്യ​ദി​വ​സം ത​ന്നെ വേ​ദി​ക​ൾ ഉ​ണ​രും എ​ന്ന​തും ഈ ​വ​ർ​ഷ​ത്തെ പ്ര​ത്യേ​ക​ത. ര​ച​ന മ​ത്സ​ര​ങ്ങ​ൾ ഒ​ന്നാം ദി​വ​സം സ​മാ​പി​ക്കും. അ​ന്നു​ത​ന്നെ ഒ​ന്നാം വേ​ദി​ൽ ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ഭാ​ഗം ഭ​ര​ത​നാ​ട്യ മ​ത്സ​ര​വും ഉ​ണ്ടാ​വും.

രു​ചി​പ്പെ​രു​മ​ക്ക് ദാ​മോ​ദ​ര പൊ​തു​വാ​ൾ

അ​ഞ്ച് ദി​വ​സ​വും വി​ഭ​വ​സ​മൃ​ദ്ധ​മാ​യ ഭ​ക്ഷ​ണ​ത്തി​നു​ള്ള സം​വി​ധാ​ന​മാ​ണ് ഒ​രു​ക്കി​യ​ത്. പ​യ്യ​ന്നൂ​ർ കെ.​യു. ദാ​മോ​ദ​ര പൊ​തു​വാ​ളി​ന്റെ നേ​തൃ​ത്വ​ത്തി​ലാ​ണ് ഭ​ക്ഷ​ണം ത​യാ​റാ​ക്കു​ക. ഒ​രേസ​മ​യം 750 പേ​ർ​ക്ക് ഭ​ക്ഷ​ണം ക​ഴി​ക്കാ​ൻ സാ​ധി​ക്കു​ന്ന​താ​ണ് ഊ​ട്ടു​പു​ര. ന​ഗ​രി​യി​ലെ​ത്തു​ന്ന​വ​ർ​ക്ക് തി​ള​പ്പി​ച്ചാ​റ്റി​യ വെ​ള്ളം മാ​ത്രം ന​ൽ​കാ​നും ധാ​ര​ണ​യാ​യി. കി​ണ​റു​ക​ളി​ലെ വെ​ള്ളം പ​രി​ശോ​ധി​ച്ച് ഉ​റ​പ്പു​വ​രു​ത്തി.

പൊ​തി​ച്ചോ​ർ ന​ൽ​കി​ല്ല

മ​ത്സ​രാ​ർ​ഥി​ക​ൾ​ക്ക് മ​ത്സ​ര​ശേ​ഷം ക​ഴി​ക്കാ​ൻ പൊ​തി​ച്ചോ​ർ ഉ​ണ്ടാ​വി​ല്ല. മാ​ലി​ന്യ നി​യ​ന്ത്ര​ണ​ത്തി​ന്റെ​യും ശു​ചി​ത്വ​ത്തി​ന്റെ​യും ഭാ​ഗ​മാ​യി മ​ത്സ​രാ​ർ​ഥി​ക​ൾ​ക്കു​ള്ള പാ​ർ​സ​ൽ ഭ​ക്ഷ​ണം സ്വീ​ക​രി​ക്കു​ന്ന​തി​ന് ടി​ഫി​ൻ ബോ​ക്സ് കൊ​ണ്ടു​വ​രു​ന്ന​തി​ന് എ​ല്ലാ സ്കൂ​ളു​ക​ൾ​ക്കും നി​ർ​ദേ​ശം ന​ൽകി​യി​ട്ടു​ണ്ട്. ഹ​രി​ത ക​ലോ​ത്സ​വ​മാ​ണ് ഇ​ക്കു​റി പ​യ്യ​ന്നൂ​രി​ന്റെ ഹൈ​ലൈ​റ്റ്.

ക​ലോ​ത്സ​വ ന​ഗ​രി​യി​ൽ എ​ത്തി​ച്ചേ​രു​ന്ന കു​ട്ടി​ക​ളു​ടെ ഉ​ൾ​പ്പെ​ടെ ആ​രോ​ഗ്യ സു​ര​ക്ഷ​ക്കാ​യി വ​ലി​യ ത​യാ​റെ​ടു​പ്പു​ക​ൾ ന​ട​ത്തി​യി​ട്ടു​ണ്ട്. മി​ഷ​ൻ സ്കൂ​ളി​ൽ ര​ണ്ട് ക്ലാ​സ് റൂ​മു​ക​ളി​ൽ ഡോ​ക്ട​ർ​മാ​രു​ടെ​യും ആ​രോ​ഗ്യ പ്ര​വ​ർ​ത്ത​ക​രു​ടെ​യും സേ​വ​നം മ​ത്സ​ര​സ​മ​യ​ങ്ങ​ളി​ൽ ഉ​ണ്ടാ​യി​രി​ക്കും. അ​ത്യാ​വ​ശ്യ ഘ​ട്ട​ങ്ങ​ളി​ൽ ആം​ബു​ല​ൻ​സ് സേ​വ​നം സ​ജ്ജ​മാ​ണ്.

കൂ​ടു​ത​ൽ പൊ​ലീ​സ്, 600 വ​ള​ന്റി​യ​ർ​മാ​ർ

നി​യ​മ​പാ​ല​ന​ത്തി​നാ​യി പൊ​ലീ​സ് വ​കു​പ്പു​മാ​യി ചേ​ർ​ന്ന് ഒ​രു​ക്കം ന​ട​ത്തി. പ്ര​ശ്ന​ങ്ങ​ൾ ഒ​ഴി​വാ​ക്കാ​ൻ യൂ​നി​ഫോ​മി​ല​ല്ലാ​ത്ത വി​വി​ധ പൊ​ലീ​സ് വി​ഭാ​ഗ​ങ്ങ​ൾ ക​ലോ​ത്സ​വ ന​ഗ​രി​യി​ൽ ജാ​ഗ്ര​ത​യോ​ടെ പ്ര​വ​ർ​ത്തി​ക്കും. എ​ൻ.​സി.​സി, എ​സ്.​പി.​സി വി​ദ്യാ​ർ​ഥി വി​ഭാ​ഗ​ങ്ങ​ൾ സ​ദാ​സ​മ​യം സേ​വ​ന സ​ന്ന​ദ്ധ​രാ​യി​ട്ടു​ണ്ട്. 600പേ​ർ രം​ഗ​ത്തു​ണ്ടാ​കും.

ര​ജി​സ്ട്രേ​ഷ​ൻ നാളെ

തി​ങ്ക​ളാ​ഴ്ച രാ​വി​ലെ 11 മു​ത​ൽ ര​ജി​സ്ട്രേ​ഷ​ൻ ആ​രം​ഭി​ക്കും. 15 ഉ​പ​ജി​ല്ല​ക​ളി​ലെ​യും പ്രോ​ഗ്രാം ക​ൺ​വീ​ന​ർ​മാ​ർ​ക്ക് മ​ത്സ​രാ​ർ​ഥി​ക​ൾ​ക്കു​ള്ള പാ​ർ​ട്ടി​സി​പ്പ​ന്റ് കാ​ർ​ഡ് ഗ​വ. ബോ​യ്സ് ഹൈ​സ്കൂ​ളി​ൽ​നി​ന്ന് കൈ​പ്പ​റ്റാ​വു​ന്ന​താ​ണ്.

ഉ​ദ്ഘാ​ട​ന​ത്തി​ന് മ​ന്ത്രി; സ​മാ​പ​ന​ത്തി​ന് സ്പീ​ക്ക​ർ

19ന് ​വൈ​കീ​ട്ട് നാ​ലി​ന് മ​ന്ത്രി രാ​മ​ച​ന്ദ്ര​ൻ ക​ട​ന്ന​പ്പ​ള്ളി ഉ​ദ്ഘാ​ട​നം ചെ​യ്യും. ടി.​ഐ. മ​ധു​സൂ​ദ​ന​ൻ എം.​എ​ൽ.​എ അ​ധ്യ​ക്ഷ​ത വ​ഹി​ക്കു​ന്ന ച​ട​ങ്ങി​ൽ വി. ​ശി​വ​ദാ​സ​ൻ എം.​പി, എം. ​വി​ജി​ൻ എം.​എ​ൽ.​എ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് അ​ഡ്വ. കെ.​കെ. ര​ത്ന​കു​മാ​രി എ​ന്നി​വ​ർ മു​ഖ്യാ​തി​ഥി​ക​ളും സി​നി ആ​ർ​ട്ടി​സ്റ്റ് ഉ​ണ്ണി​രാ​ജ വി​ശി​ഷ്ടാ​തി​ഥി​യു​മാ​വും.

ശ​നി​യാ​ഴ്ച വൈ​കീ​ട്ട് ന​ട​ക്കു​ന്ന സ​മാ​പ​ന സ​മ്മേ​ള​നം നി​യ​മ​സ​ഭ സ്പീ​ക്ക​ർ അ​ഡ്വ. എ.​എ​ൻ. ഷം​സീ​ർ ഉ​ദ്ഘാ​ട​നം ചെ​യ്യും. കെ. ​സു​ധാ​ക​ര​ൻ എം.​പി, രാ​ജ് മോ​ഹ​ൻ ഉ​ണ്ണി​ത്താ​ൻ എം.​പി, കെ.​കെ. ശൈ​ല​ജ എം.​എ​ൽ.​എ, സ​ജീ​വ് ജോ​സ​ഫ് എം.​എ​ൽ എ ​എ​ന്നി​വ​ർ മു​ഖ്യാ​തി​ഥി​ക​ളാ​വും. ജി​ല്ല ക​ല​ക്ട​ർ അ​രു​ൺ കെ. ​വി​ജ​യ​ൻ സ​മ്മാ​ന​ങ്ങ​ൾ വി​ത​ര​ണം ചെ​യ്യും. സി​നി ആ​ർ​ട്ടി​സ്റ്റ് പി.​പി. കു​ഞ്ഞി​കൃ​ഷ്ണ​ൻ, ച​ല​ച്ചി​ത്ര ജൂ​റി പു​ര​സ്കാ​ര ജേ​താ​വ് കെ.​സി. കൃ​ഷ്ണ​ൻ എ​ന്നി​വ​ർ വി​ശി​ഷ്ടാ​തി​ഥി​ക​ളാ​വും.

പ​രി​പാ​ടി​ക​ൾ വി​ശ​ദീ​ക​രി​ക്കാ​ൻ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ടി.​ഐ. മ​ധു​സൂ​ദ​ന​ൻ എം.​എ​ൽ.​എ, ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​വി. ല​ളി​ത, ബാ​ബു മ​ഹേ​ശ്വ​രീ പ്ര​സാ​ദ്, ഭാ​ര​വാ​ഹി​ക​ളാ​യ എം. ​പ്ര​സാ​ദ്, യു.​കെ. ബാ​ല​ച​ന്ദ്ര​ൻ, ടി.​കെ. രാ​ജേ​ഷ്, എം.​പി. സ​തീ​ഷ് കു​മാ​ർ, കെ. ​ശ്രീ​ല​ത എ​ന്നി​വ​ർ പ​​ങ്കെ​ടു​ത്തു.