ദേശീയപാതക്ക് മണ്ണിട്ടു; അലക്യം തോട് ഇനി എവിടെ ഒഴുകും?

പ​യ്യ​ന്നൂ​ർ: കാ​ല​വ​ർ​ഷം പ​ടി​വാ​തി​ൽ​ക്ക​ൽ എ​ത്തി​നി​ൽ​ക്കെ മ​ഴ​ക്കാ​ല​ത്ത് നി​റ​ഞ്ഞൊ​ഴു​കു​ന്ന തോ​ട് ദേ​ശീ​യ​പാ​ത വി​ക​സ​ന​ത്തി​ന് മ​ണ്ണി​ട്ട് നി​ക​ത്തി​യ​ത് പ​രി​സ​ര​വാ​സി​ക​ളെ ആ​ശ​ങ്ക​യി​ലാ​ക്കു​ന്നു. ക​ട​ന്ന​പ്പ​ള്ളി-​പാ​ണ​പ്പു​ഴ, ചെ​റു​താ​ഴം, പ​രി​യാ​രം പ​ഞ്ചാ​യ​ത്തു​ക​ൾ​ക്ക് അ​തി​രി​ട്ടൊ​ഴു​കു​ന്ന ഏ​റെ പാ​രി​സ്ഥി​തി​ക പ്രാ​ധാ​ന്യ​മു​ള്ള അ​ല​ക്യം തോ​ടാ​ണ് അ​ര കി​ലോ​മീ​റ്റ​റി​ല​ധി​കം നി​ക​ത്തി​യ​ത്.

അ​ല​ക്യം പാ​ലം മു​ത​ൽ പ​യ്യ​ന്നൂ​ർ ഭാ​ഗ​ത്തേ​ക്കു​ള്ള തോ​ടി​ന്റെ ഭാ​ഗ​മാ​ണ് നി​ക​ത്തി​യ​ത്. ഈ ​ഭാ​ഗ​ത്ത് പൂ​ർ​ണ​മാ​യും പാ​ത തോ​ട്ടി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. പ്ര​ധാ​ന പാ​ത​യും സ​ർ​വി​സ് റോ​ഡും ക​ഴി​ച്ച് ഒ​രു​ഭാ​ഗ​ത്ത് തോ​ട് പു​തു​താ​യി ഉ​ണ്ടാ​ക്കു​മെ​ന്നാ​ണ് പ​റ​ഞ്ഞി​രു​ന്ന​ത്. എ​ന്നാ​ൽ ഇ​തു​വ​രെ തോ​ട് പു​ന​ർ​നി​ർ​മി​ച്ചി​ട്ടി​ല്ല. വേ​ന​ൽ​ക്കാ​ല​മാ​യ​തി​നാ​ൽ ചെ​റി​യ തോ​തി​ൽ മാ​ത്ര​മാ​ണ് നി​ക​ത്തു​മ്പോ​ൾ വെ​ള്ള​മു​ണ്ടാ​യി​രു​ന്ന​ത്. മ​ഴ​ക്കാ​ല​മാ​യാ​ൽ തോ​ട് നി​റ​ഞ്ഞൊ​ഴു​കു​ക പ​തി​വാ​ണ്. ദേ​ശീ​യ പാ​ത​യി​ലേ​ക്ക് വെ​ള്ളം ക​യ​റി ഗ​താ​ഗ​തം ക​ട​ന്ന​പ്പ​ള്ളി വ​ഴി തി​രി​ച്ചു​വി​ട്ട ച​രി​ത്ര​വും ഉ​ണ്ട്. ഏ​മ്പേ​റ്റി​ലെ പു​തി​യ ക​ണ്ടം​വ​യ​ലി​ൽ നി​ന്നു​ൽഭ​വി​ച്ച് പ​രി​യാ​രം, ചെ​റു​താ​ഴം വി​ള​യാ​ങ്കോ​ട് വ​ഴി ക​ട​ന്ന​പ്പ​ള്ളി വി​ല്ലേ​ജി​ലൂ​ടെ വ​ണ്ണാ​ത്തി​പ്പു​ഴ​യി​ൽ ചേ​രു​ന്ന തോ​ട് നി​ര​വ​ധി ഗ്രാ​മ​ങ്ങ​ളു​ടെ ജ​ല​സ​മ്പ​ത്തിനെ നി​ർ​ണാ​യ​ക​മാ​യി സ്വാ​ധീ​നി​ക്കു​ന്നു​ണ്ട്. കാ​ർ​ഷി​ക മേ​ഖ​ല​ക്കും തോ​ട് ആ​ശ്ര​യ​മാ​ണ്. ഈ ​തോ​ടാ​ണ് പ​ക​രം സം​വി​ധാ​ന​മേ​ർ​പ്പെ​ടു​ത്താ​തെ നി​ക​ത്തു​ന്ന​ത്. മ​ഴ​ക്കാ​ല​ത്തെ തോ​ട്ടി​ലെ വെ​ള്ള​മൊ​ഴു​ക്ക് അ​റി​യാ​ത്ത ഉ​ദ്യോ​ഗ​സ്ഥ​ർ വി​ഷ​യം ലാ​ഘ​വ​മാ​യി കൈ​കാ​ര്യം ചെ​യ്യു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു. തോ​ട്ടി​ലെ ഒ​ഴു​ക്ക് ത​ട​സ്സപ്പെ​ടു​ന്ന പ​ക്ഷം തീ​ര​ങ്ങ​ളി​ൽ വെ​ള്ളം ക​യ​റാ​നു​ള്ള സാ​ധ്യ​ത​യു​ണ്ട്. ദേ​ശീ​യ​പാ​ത​യി​ലൂ​ടെ​യു​ള്ള ഗ​താ​ഗ​തം ത​ട​സ്സപ്പെ​ടു​ക​യും ചെ​യ്യും. ക​ണ്ണൂ​ർ ഗ​വ. ആ​യു​ർ​വേ​ദ കോ​ള​ജ്, മെ​ഡി​ക്ക​ൽ കോ​ള​ജ്, ഉ​റു​സു​ലി​ൻ സ്കൂ​ൾ എ​ന്നീ സ്ഥാ​പ​ന​ങ്ങ​ളി​ലേ​ക്കു​ള്ള യാ​ത്ര കൂ​ടി​യാ​യി​രി​ക്കും ത​ട​സ്സ​പ്പെ​ടു​ക.

ജി​ല്ല​യി​ൽ ദേ​ശീ​യ​പാ​ത വി​ക​സ​നം ത്വ​രി​ത​ഗ​തി​യി​ൽ പു​രോ​ഗ​മി​ക്കു​ന്നു​ണ്ടെ​ങ്കി​ലും പ​രി​യാ​ര​ത്തെ വി​ക​സ​നം അ​നി​ശ്ചി​ത​ത്വ​ത്തി​ലാ​ണ്. അ​ല​ക്യം പാ​ലം മു​ത​ൽ മെ​ഡി​ക്ക​ൽ കോ​ള​ജ് വ​രെ​യു​ള്ള സ്ഥ​ല​ത്ത് കാ​ൽ​ഭാ​ഗം പോ​ലും പ്ര​വൃ​ത്തി ന​ട​ന്നി​ട്ടി​ല്ല. പാ​ല​ത്തി​ന്റെ കൈ​വ​രി പൊ​ളി​ക്കു​ക​യും തോ​ട് നി​ക​ത്തു​ക​യും ചെ​യ്ത​തു മാ​ത്ര​മാ​ണ് ന​ട​പ്പാ​യ​ത്.

നി​ല​വി​ലു​ള്ള പാ​ത ഉ​ൾ​പ്പെ​ടു​ത്തി നാ​ലു​വ​രി​യാ​ക്കാ​നാ​ണ് ആ​ദ്യം സ​ർ​വെ ന​ട​ത്തി തീ​രു​മാ​നി​ച്ചി​രു​ന്ന​ത്. ഇ​തു ന​ട​പ്പാ​ക്കു​മ്പോ​ൾ ഏ​റെ പാ​രി​സ്ഥി​തി​ക പ്രാ​ധാ​ന്യ​മു​ള്ള അ​ല​ക്യം തോ​ട് പൂ​ർ​ണ​മാ​യും ഇ​ല്ലാ​താ​വും. നൂ​റു​ക​ണ​ക്കി​ന് അ​പൂ​ർ​വ്വ ത​ണ​ൽ മ​ര​ങ്ങ​ളും മു​റി​ക്കേ​ണ്ടി വ​രും. അ​ന്ന​ത്തെ എം.​എ​ൽ.​എ ടി.​വി. രാ​ജേ​ഷും ജി​ല്ല ക​ല​ക്ട​റും ഇ​ട​പെ​ട്ട​തി​നെ തു​ട​ർ​ന്നാ​ണ് അ​ലൈ​ൻ​മെ​ന്റ് മാ​റ്റാ​ൻ തീ​രു​മാ​നി​യ​ത്.

ആ​യു​ർ​വേ​ദ കോ​ള​ജി​നു മു​ന്നി​ൽ അ​ല​ക്യം പാ​ലം മു​ത​ൽ പ​രി​യാ​രം ഔ​ഷ​ധി വ​രെ​യു​ള്ള സ്ഥ​ല​ത്തു​കൂ​ടി പു​തി​യ പാ​ത​യു​ണ്ടാ​ക്കാ​നാ​ണ് പി​ന്നീ​ട് തീ​രു​മാ​നി​ച്ച​ത്. ഈ ​സ്ഥ​ലം സ​ർ​ക്കാ​ർ ഉ​ട​മ​സ്ഥ​ത​യി​ലാ​ണ്. ഈ ​ഭാ​ഗ​ത്തെ പ്ര​വൃ​ത്തി​യാ​ണ് ഇ​ഴ​യു​ന്ന​ത്.