ജിഷ്ണുവിന് യാത്രാമൊഴി; അപകടത്തിന് കാരണം അശാസ്ത്രീയ പാതനിർമാണം

പ​യ്യ​ന്നൂ​ർ: ബൈ​ക്കു​മാ​യി സ​ഞ്ച​രി​ക്ക​വേ പാ​ല​ത്തി​ല്‍നി​ന്ന് പു​ഴ​യി​ലേ​ക്ക് വീ​ണുമ​രി​ച്ച ഓ​ല​യ​മ്പാ​ടി ക​ണ്ണാ​ടി​പ്പൊ​യി​ലി​ലെ ജി​ഷ്ണു​വി​ന് നാ​ടി​ന്റെ യാ​ത്രാ​മൊ​ഴി. പാ​ണ​പ്പു​ഴ മാ​ത്ത് വ​യ​ൽ പാ​ല​ത്തി​ന്റെ അ​രി​കി​ലൂ​ടെ​യാ​ണ് ജി​ഷ്ണു ബൈ​ക്കു സ​ഹി​തം പു​ഴ​യി​ലേ​ക്ക് വീ​ണ​ത്. ചൊ​വ്വാ​ഴ്ച രാ​ത്രി ഏ​ഴ​ര​യോ​ടെ​യാ​ണ് സം​ഭ​വം.

അ​മി​ത വേ​ഗ​ത​യി​ൽ​വ​ന്ന ബൈ​ക്ക് റോ​ഡി​ൽ​നി​ന്ന് നി​യ​ന്ത്ര​ണം തെ​റ്റി പാ​ല​ത്തി​ന് കീ​ഴെ കോ​ൺ​ക്രീ​റ്റ് തി​ട്ട​യി​ലേ​ക്ക് വീ​ഴു​ക​യും വെ​ള്ള​ത്തി​ല്‍ പ​തി​ക്കു​ക​യു​മാ​യി​രു​ന്നു. ഓ​ടി​യെ​ത്തി​യ നാ​ട്ടു​കാ​ർ ജി​ഷ്ണു​വി​നെ പു​റ​ത്തെ​ടു​ത്ത് പ്രാ​ഥ​മി​ക ശുശ്രൂ​ഷ ന​ൽ​കി പ​രി​യാ​ര​ത്തെ ഗ​വ. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ചു. രാ​ത്രി 12 ഓ​ടെ​യാ​ണ് ജി​ഷ്ണു മ​രി​ച്ച​ത്. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് ശേ​ഷം ഉ​ച്ച​യോ​ടെ നാ​ട്ടി​ലേ​ക്ക് കൊ​ണ്ടു​പോ​യി. വൈ​കീ​ട്ടോ​ടെ സം​സ്കാ​രം ന​ട​ന്നു.

മാ​ത​മം​ഗ​ലം ഭാ​ഗ​ത്തു​നി​ന്ന് പാ​ണ​പ്പു​ഴ​യി​ലേ​ക്ക് വ​രു​മ്പോ​ഴാ​ണ് അ​പ​ക​ടം. വ​ർ​ഷ​ങ്ങ​ൾ​ക്ക് മു​മ്പ് ബ​സും ബൈ​ക്കും കൂ​ട്ടി​യി​ടി​ച്ച് ജി​ഷ്ണു​വി​ന് ഗു​രു​ത​ര​മാ​യി പ​രി​ക്കേ​റ്റി​രു​ന്നു. അ​ന്ന് പ​റ്റി​യ പ​രി​ക്കി​ൽ നി​ന്ന് മു​ക്ത​നാ​യി സ്വ​കാ​ര്യ ബ​സി​ൽ ക​ണ്ട​ക്ട​റാ​യി ജോ​ലി​ചെ​യ്തു​തു വ​രി​ക​യാ​യി​രു​ന്നു. അ​പ​ക​ട വി​വ​ര​മ​റി​ഞ്ഞ് പ​യ്യ​ന്നൂ​രി​ല്‍നി​ന്ന് അ​ഗ്നി​ര​ക്ഷാ​സേ​ന​യും പ​രി​യാ​രം എ​സ്.​ഐ കെ.​വി. സ​തീ​ശ​ന്റെ നേ​തൃ​ത്വ​ത്തി​ല്‍ പൊ​ലീ​സും, പെ​രി​ങ്ങോം പൊ​ലീ​സും സ്ഥ​ല​ത്തെ​ത്തി​യി​രു​ന്നു.

അ​തേ​സ​മ​യം ബൈ​ക്ക്പാ​ല​ത്തി​ൽ​നി​ന്ന് പു​ഴ​യി​ലേ​ക്ക് വീ​ഴാ​ൻ കാ​ര​ണം റോ​ഡ​രി​കി​ൽ ക്രാ​ഷ് ബാ​രി​യ​ർ ഇ​ല്ലാ​ത്ത​തെ​ന്ന് നാ​ട്ടു​കാ​ർ പ​റ​യു​ന്നു. മാ​ത​മം​ഗ​ലം പാ​ണ​പ്പു​ഴ ചു​ട​ല റോ​ഡ് ന​വീ​ക​രി​ച്ചെ​ങ്കി​ലും അ​പ​ക​ട സാ​ധ്യ​ത​യു​ള്ള സ്ഥ​ല​ങ്ങ​ളി​ൽ ക്രാ​ഷ് ബാ​രി​യ​ർ സ്ഥാ​പി​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​യി​ല്ലെ.

കോ​ടി​ക​ൾ ചെ​ല​വ​ഴി​ച്ച് റോ​ഡ് നി​ർ​മി​ച്ചെ​ങ്കി​ലും സു​ര​ക്ഷി​ത​ത്വം ഉ​റ​പ്പാ​ക്കു​ന്ന​തി​ന് അ​ധി​കൃ​ത​ർ ത​യാ​റാ​കാ​ത്ത​തി​ന്റെ ര​ക്ത​സാ​ക്ഷി​യാ​ണ് ജി​ഷ്ണു എ​ന്ന ആ​രോ​പ​ണം ശ​ക്ത​മാ​ണ്.