ആറളം ഫാ​മി​ൽ ഭൂമിയിലെ കൈയേറ്റം ഒഴിപ്പിക്കാനുള്ള നടപടി താളംതെറ്റി; പുനരധിവാസമേഖലയിലെ 100 ഏക്കറോളം ഭൂമി കൈയേറ്റക്കാരുടെ പിടിയിൽ

പേ​രാ​വൂ​ർ: ആ​റ​ളം ഫാ​മി​ൽ വി​വി​ധ ഘ​ട്ട​ങ്ങ​ളി​ലാ​യി ആ​ദി​വാ​സി​ക​ൾ​ക്ക് പ​തി​ച്ചു​ന​ൽ​കി​യ ഭൂ​മി​യി​ലെ കൈ​യേ​റ്റം ഒ​ഴി​പ്പി​ക്കാ​നു​ള്ള ന​ട​പ​ടി​ക​ൾ താ​ളം​തെ​റ്റി. കൂ​ടാ​തെ ആ​റ​ള​ത്തെ ഭൂ​മി​യു​ടെ കൈ​വ​ശാ​വ​കാ​ശ രേ​ഖ​ക​ൾ കൈ​പ്പ​റ്റി​യ ശേ​ഷം നാ​ളി​തു​വ​രെ​യാ​യി ഭൂ​മി ഏ​റ്റെ​ടു​ത്തു താ​മ​സി​ക്കാ​ത്ത നൂ​റു ക​ണ​ക്കി​നാ​ളു​ക​ളു​ടെ ഭൂ​മി ഏ​റ്റെ​ടു​ത്ത് പ​ക​രം ഭൂ​ര​ഹി​ത​രാ​യ മ​റ്റു​ള്ള ആ​ദി​വാ​സി കു​ടും​ബ​ങ്ങ​ൾ​ക്ക് ന​ൽ​കു​മെ​ന്നു​ള്ള പ്ര​ഖ്യാ​പ​ന​വും ന​ട​പ്പാ​യി​ല്ല.

വി​വി​ധ ജി​ല്ല​ക​ളി​ലെ ഭൂ​ര​ഹി​ത​രാ​യ 3,304 ആ​ദി​വാ​സി​ക​ൾ​ക്ക് ഭൂ​മി പ​തി​ച്ചു​ന​ൽ​കി​യി​ട്ടും ഫാ​മി​ലെ കൈ​യേ​റ്റം അ​വ​സാ​നി​ച്ചി​രു​ന്നി​ല്ല. പു​ന​ര​ധി​വാ​സ​മേ​ഖ​ല​യി​ലെ നൂ​റു ഏ​ക്ക​റോ​ളം ഭൂ​മി കൈ​യേ​റ്റ​ക്കാ​രു​ടെ പി​ടി​യി​ലാ​ണെ​ന്നും വി​വി​ധ കാ​ല​ഘ​ട്ട​ങ്ങ​ളി​ലാ​യി ഭൂ​ര​ഹി​ത​ർ​ക്ക് പ​തി​ച്ചു​ന​ൽ​കി​യ ഭൂ​മി​യാ​ണ് ഇ​പ്പോ​ൾ കൈ​യേ​റ്റ​ക്കാ​രു​ടെ നി​യ​ന്ത്ര​ണ​ത്തി​ലാ​യി​രി​ക്കു​ന്ന​തെ​ന്നും ക​ണ്ടെ​ത്തി​യി​രു​ന്നു. പു​ന​ര​ധി​വാ​സ മേ​ഖ​ല​യി​ൽ ഒ​രേ​ക്ക​ർ ഭൂ​മി വീ​തം പ​ട്ട​യം ല​ഭി​ച്ച 3,304 ആ​ദി​വാ​സി കു​ടും​ബ​ങ്ങ​ളി​ൽ 1800ൽ ​താ​ഴെ കു​ടും​ബ​ങ്ങ​ൾ മാ​ത്ര​മാ​ണ് ഫാ​മി​ൽ സ്ഥി​ര​താ​മ​സ​മാ​ക്കി​യി​രി​ക്കു​ന്ന​ത്.

പ​ട്ട​യം ന​ൽ​കി​യ ഭൂ​മി​യാ​യ​തി​നാ​ൽ കൈ​യേ​റ്റ​ക്കാ​രെ ബ​ലം​പ്ര​യോ​ഗി​ച്ച് ഒ​ഴി​പ്പി​ക്കേ​ണ്ട​ന്ന നി​ല​പാ​ടാ​ണ് ജി​ല്ല ഭ​ര​ണ​കൂ​ട​വും ആ​ദി​വാ​സി പു​ന​ര​ധി​വാ​സ മി​ഷ​നും ആ​ദ്യ​ഘ​ട്ട​ങ്ങ​ളി​ൽ സ്വീ​ക​രി​ച്ച​ത്. പ​ട്ട​യം കൈ​പ്പ​റ്റി​യ​വ​ർ ത​ങ്ങ​ളു​ടെ ഭൂ​മി​യി​ൽ അ​വ​കാ​ശ​വു​മാ​യി വ​ന്നാ​ൽ ഒ​ഴി​പ്പി​ക്കാ​മെ​ന്ന നി​ല​പാ​ടി​ലാ​യി​രു​ന്നു അ​ധി​കൃ​ത​ർ. കൈ​യേ​റ്റം സം​ഘ​ർ​ഷ​ത്തി​ന്റെ വ​ക്കി​ലെ​ത്തി​യ​തോ​ടെ​യാ​ണ്‌ ജി​ല്ല ഭ​ര​ണ​കൂ​ടം മു​മ്പ് ഇ​ട​പെ​ട്ട​ത്.

പ​ട്ട​യം ല​ഭി​ച്ച് വ​ർ​ഷ​ങ്ങ​ൾ ക​ഴി​ഞ്ഞി​ട്ടും സ്ഥി​ര​താ​മ​സ​മാ​ക്കാ​ത്ത​വ​രെ ക​ണ്ടെ​ത്താ​ൻ സ​ർ​വേ ന​ട​ത്തി​യി​രു​ന്നു. തു​ട​ർ​ന്ന് ഇ​വ​ർ​ക്ക് നോ​ട്ടീ​സ് അ​യ​ച്ച് വി​ശ​ദീ​ക​ര​ണം തേ​ടി​യെ​ങ്കി​ലും ഭൂ​രി​പ​ക്ഷ​വും ഫാ​മി​ലെ ഭൂ​മി അ​വ​ഗ​ണി​ച്ചു. ആ​റ​ള​ത്തെ കാ​ട്ടാ​ന ശ​ല്യ​വും ജീ​വി​ത​ദു​രി​ത​വു​മാ​ണ് ഭൂ​ര​ഹി​ത​രാ​യി​ട്ടും ആ​റ​ള​ത്തെ​ത്താ​തെ പ​ഴ​യ കോ​ള​നി കു​ടി​ലു​ക​ളി​ൽ തു​ട​ർ​ന്നും വ​സി​ക്കാ​ൻ പ്രേ​ര​ക​മാ​യ​ത്.

ആ​റ​ളം ഫാ​മി​ൽ ഭൂ​മി ഏ​റ്റെ​ടു​ക്കാ​ത്ത​വ​രു​ടെ കൈ​വ​ശ​രേ​ഖ​ക​ൾ റ​ദ്ദാ​ക്കി പ​ക​രം ഭൂ​ര​ഹി​ത​രാ​യ ആ​ദി​വാ​സി കു​ടും​ബ​ങ്ങ​ൾ​ക്ക് വി​ത​ര​ണം ന​ട​ത്തു​ക​യാ​യി​രു​ന്നു ല​ക്ഷ്യം. ഇ​തി​നാ​യി 350 ഓ​ളം ഭൂ​ര​ഹി​ത കു​ടും​ബ​ങ്ങ​ൾ ന​ൽ​കി​യ അ​പേ​ക്ഷ​ക​ളും ചു​വ​പ്പുനാ​ട​യി​ൽ കു​ടു​ങ്ങി​യ നി​ല​യി​ലാ​ണ്.