നിരാശയുടെ പടുകുഴിയിൽ കൊക്കോ കർഷകർ; റോക്കറ്റുപോലെ കുതിച്ചുയർന്ന കൊക്കോവില കൂപ്പുകുത്തി

പേ​രാ​വൂ​ർ: നി​രാ​ശ​യു​ടെ പ​ടു​കു​ഴി​യി​ൽ കൊ​ക്കോ ക​ർ​ഷ​ക​ർ. കു​തി​ച്ചു​യ​ർ​ന്ന കൊ​ക്കോ​വി​ല കൂ​പ്പു​കു​ത്തി. ക​ർ​ഷ​ക​നെ കൊ​തി​പ്പി​ച്ച് കു​തി​ച്ചു​യ​ർ​ന്ന കൊ​ക്കോ​വി​ല ഉ​യ​ർ​ന്ന​പോ​ലെ​ത്ത​ന്നെ കൂ​പ്പു​കു​ത്തി. കൊ​ക്കോ പ​ച്ച​ബീ​ൻ​സ് കി​ലോ​ക്ക് 350ൽ​നി​ന്ന് 60ലേ​ക്കും ആ​യി​ര​ത്തി​നു​മു​ക​ളി​ൽ വി​ല​യു​ണ്ടാ​യി​രു​ന്ന ഉ​ണ​ക്ക​ബീ​ൻ​സ് 300ലേ​ക്കു​മാ​ണ് താ​ഴ്ന്ന​ത്.

സം​ഭ​ര​ണ ഏ​ജ​ൻ​സി​ക​ൾ സീ​സ​ണി​ൽ ഉ​ൽ​പ​ന്നം വ​ൻ​തോ​തി​ൽ സം​ഭ​രി​ച്ച​തും മ​ഴ​ക്കാ​ല​ത്ത് കൊ​ക്കോ ബീ​ൻ​സി​ന്റെ ഗു​ണ​നി​ല​വാ​ര​ക്കു​റ​വും വി​ല​ത്ത​ക​ർ​ച്ച​ക്കു​ള്ള കാ​ര​ണ​ങ്ങ​ളാ​ണ്. കൊ​ക്കോ​യു​ടെ ഉ​യ​ർ​ന്ന​വി​ല​യി​ൽ ഭ്ര​മി​ച്ച് ക​ർ​ഷ​ക​ർ വീ​ണ്ടും കൊ​ക്കോ കൃ​ഷി​യി​ലേ​ക്ക് തി​രി​ഞ്ഞ​പ്പോ​ഴാ​ണ് വി​ല​ത്ത​ക​ർ​ച്ച തി​രി​ച്ച​ടി​യാ​യ​ത്. ക​ഴി​ഞ്ഞ ഏ​താ​നും മാ​സ​ത്തി​നു​ള്ളി​ൽ ന​ഴ്സ​റി​ക​ളി​ൽ​നി​ന്ന് വ​ൻ​തോ​തി​ലാ​ണ് കൊ​ക്കോ​ തൈ​ക​ൾ വി​റ്റു​പോ​യ​ത്. കൊ​ക്കോ​യു​ടെ ആ​ഗോ​ള ഉ​പ​ഭോ​ഗം വ​ർ​ധി​ക്കു​ന്ന​തി​നാ​ൽ കൊ​ക്കോ​കൃ​ഷി ന​ഷ്ട​ക്ക​ച്ച​വ​ട​മാ​കി​ല്ലെ​ന്ന് ക​രു​തി​യാ​ണ് ഒ​ട്ടേ​റെ​പ്പേ​ർ വീ​ണ്ടും അ​തി​ലേ​ക്ക് തി​രി​ഞ്ഞ​ത്. വി​ല കു​തി​ച്ചു​യ​രു​ക​യും കൊ​ക്കോ​ക്ക് ദൗ​ർ​ല​ഭ്യം നേ​രി​ടു​ക​യും ചെ​യ്ത‌​തോ​ടെ സം​ഭ​ര​ണ ​ഏ​ജ​ൻ​സി​ക​ൾ ക​ർ​ഷ​ക​രു​ടെ പ​ക്ക​ൽ നേ​രി​ട്ടെ​ത്തി മാ​ർ​ക്ക​റ്റ് വി​ല​യെ​ക്കാ​ൾ കൂ​ടു​ത​ൽ ന​ൽ​കി​യാ​ണ് ഏ​താ​നും മാ​സ​ങ്ങ​ൾ​ക്കു​മു​മ്പ് കൊ​ക്കോ സം​ഭ​രി​ച്ച​ത്. നി​ര​വ​ധി ഏ​ജ​ൻ​സി​ക​ളാ​ണ് മ​ല​യോ​ര​മേ​ഖ​ല​യി​ൽ​നി​ന്ന് വ്യാ​പ​ക​മാ​യി കൊ​ക്കോ സം​ഭ​രി​ച്ച​ത്. ഉ​ൽപാ​ദ​നം കു​റ​വാ​യി​രു​ന്നെ​ങ്കി​ലും സീ​സ​ണി​ലെ അ​ധി​ക​വി​ല കൊ​ക്കോ​ കർ​ഷ​ക​ർ​ക്ക് വ​ലി​യ​നേ​ട്ട​മാ​ണ് ഉ​ണ്ടാ​ക്കി​ക്കൊ​ടു​ത്ത​ത്. കൊ​ക്കോ​തോ​ട്ട​ങ്ങ​ളി​ൽ മോ​ഷ​ണം ത​ട​യാ​ൻ കാ​വ​ലേ​ർ​പ്പെ​ടു​ത്തു​ക​യും കാ​യ തി​ന്നു​ നശി​പ്പി​ക്കുന്ന മ​ര​പ്പ​ട്ടി​ക​ളു​ടെ​യും കു​ര​ങ്ങു​ക​ളു​ടെ​യും ശ​ല്യ​മൊ​ഴി​വാ​ക്കാ​ൻ ക​ർ​ഷ​ക​ർ പ്ര​ത്യേ​ക ക​രു​ത​ലെ​ടു​ക്കു​ക​യും ചെ​യ്തി​രു​ന്നു.

1980ക​ളി​ൽ വി​ല​യി​ടി​വി​നെ​ത്തു​ട​ർ​ന്ന് കൊ​ക്കോ വ്യാ​പ​ക​മാ​യി വെ​ട്ടി​മാ​റ്റി​യ മു​ന്ന​നു​ഭ​വം മ​ല​യോ​ര​ക​ർ​ഷ​ക​ർ​ക്കു​ണ്ട്. ഈ ​ഭ​യ​മു​ണ്ടെ​ങ്കി​ലും കൊ​ക്കോ​യു​ടെ വ​ർ​ധി​ച്ച ഉ​പ​യോ​ഗ​വും ഉ​ൽപ​ന്ന​ങ്ങ​ളു​ടെ വൈ​വി​ധ്യ​വും ഭേ​ദ​പ്പെ​ട്ട വി​ല നി​ല​നി​ൽ​ക്കാ​ൻ ഇ​ട​യാ​ക്കും എ​ന്നു​ത​ന്നെ​യാ​ണ് ക​ർ​ഷ​ക​രു​ടെ പ്ര​തീ​ക്ഷ​യും.