ചിട്ടിപ്പണം നല്‍കുന്നില്ലെന്ന് പരാതി; നി​ക്ഷേ​പ​ക​ര്‍ കൂ​ട്ട​ത്തോ​ടെ ബാ​ങ്ക് ഉ​പ​രോ​ധി​ച്ചു

പേ​രാ​വൂ​ര്‍: ഹൗ​സ് ബി​ല്‍ഡി​ങ്​ സൊ​സൈ​റ്റി​യി​ല്‍ ചി​ട്ടി ചേ​ര്‍ന്ന​വ​ര്‍ക്ക് കാ​ലാ​വ​ധി തീ​ര്‍ന്നി​ട്ടും പ​ണം ന​ല്‍കി​യി​ല്ലെ​ന്ന് പ​രാ​തി. ഇ​തേ തു​ട​ർ​ന്ന്​ നി​ക്ഷേ​പ​ക​ര്‍ കൂ​ട്ട​ത്തോ​ടെ ബാ​ങ്ക് ഉ​പ​രോ​ധി​ച്ചു. ചി​ട്ടി പൂ​ര്‍ത്തി​യാ​യി മാ​സ​ങ്ങ​ള്‍ ക​ഴി​ഞ്ഞി​ട്ടും പ​ണം ന​ല്‍കാ​തെ വ​ന്ന​തോ​ടെ​യാ​ണ് നി​ക്ഷേ​പ​ക​ര്‍ ഒ​ന്ന​ട​ങ്കം ബാ​ങ്കി​ല്‍ എ​ത്തി​യ​ത്. ഏ​താ​നും ദി​വ​സം​മു​മ്പ്​ ബാ​ങ്കി​ലെ​ത്തി​യ നി​ക്ഷേ​പ​ക​ര്‍ക്ക് സെ​പ്​​റ്റം​ബ​ർ 30ന് ​പ​ണം ന​ല്‍കാം എ​ന്ന വ്യ​വ​സ്ഥ​യി​ലാ​യി​രു​ന്നു തി​രി​കെ​യ​യ​ച്ച​ത്. എ​ന്നാ​ല്‍, കാ​ലാ​വ​ധി​ക്കും പ​ണം ല​ഭി​ക്കാ​തെ വ​ന്ന​തോ​ടെ​യാ​ണ് നി​ക്ഷേ​പ​ക​ര്‍ പ്ര​തി​ഷേ​ധ​വു​മാ​യി ബാ​ങ്കി​ല്‍ എ​ത്തി​യ​ത്.

2000 രൂ​പ മാ​സ​ത​വ​ണ​യി​ല്‍ 50 മാ​സം​കൊ​ണ്ട് അ​വ​സാ​നി​ക്കു​ന്ന രീ​തി​യി​ലാ​യി​രു​ന്നു ചി​ട്ടി ആ​രം​ഭി​ച്ച​ത്. 700ഒാ​ളം നി​ക്ഷേ​പ​ക​രാ​യി​രു​ന്നു ചി​ട്ടി​യി​ല്‍ ചേ​ര്‍ന്ന​ത്. ന​റു​ക്കു​വീ​ണാ​ല്‍ നി​ക്ഷേ​പ​ക​ര്‍ക്ക് പ​ണം അ​ട​ക്കേ​ണ്ട എ​ന്ന​താ​യി​രു​ന്നു ചി​ട്ടി​യു​ടെ വ്യ​വ​സ്ഥ. ഇ​ത​നു​സ​രി​ച്ച് ഏ​താ​നും ചി​ല​ര്‍ക്കു മാ​ത്രം പ​ണം ല​ഭി​ക്കു​ക​യും ചെ​യ്തി​രു​ന്നു. മൂ​ന്നു കോ​ടി​യോ​ളം രൂ​പ​യു​ടെ ബാ​ധ്യ​ത​യാ​ണ് ഉ​ണ്ടാ​യി​ട്ടു​ള്ള​ത് എ​ന്നാ​ണ് പ്രാ​ഥ​മി​ക വി​വ​രം. നി​ല​വി​ല്‍ ഇ​ട​തു​പ​ക്ഷ ഭ​ര​ണ​സ​മി​തി​യു​ടെ നേ​തൃ​ത്വ​ത്തി​ലാ​ണ് ബാ​ങ്ക് പ്ര​വ​ര്‍ത്തി​ക്കു​ന്ന​ത്. പ​ണം ല​ഭി​ക്കാ​തെ പി​ന്നോ​ട്ടു​പോ​കി​ല്ലെ​ന്ന നി​ല​പാ​ടി​ലാ​ണ് നി​ക്ഷേ​പ​ക​ര്‍.