കൊട്ടിയൂർ സമാന്തര പാത: തീർഥാടക വാഹനങ്ങൾക്ക് കുരുക്കാവും

പേ​രാ​വൂ​ർ: കേ​ള​കം, കൊ​ട്ടി​യൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ചു വൈ​ശാ​ഖ മ​ഹേ​ത്സ​വ​ത്തി​നെ​ത്തു​ന്ന ഭ​ക്ത​രു​ടെ വാ​ഹ​ന​ങ്ങ​ൾ ക​ട​ത്തി​വി​ട്ട് തി​ര​ക്ക് നി​യ​ന്ത്രി​ക്കാ​ൻ വി​ഭാ​വ​നം ചെ​യ്ത സ​മാ​ന്ത​ര​പാ​ത​യു​ടെ നി​ർ​മാ​ണ​പി​ഴ​വ് തീ​ർ​ഥാ​ട​ക വാ​ഹ​ന​ങ്ങ​ൾ​ക്ക് കു​രു​ക്കാ​വും.

വേ​ന​ൽ​മ​ഴ ശ​ക്തി പ്രാ​പി​ച്ച​തോ​ടെ റോ​ഡി​ന്‍റെ വ​ശ​ങ്ങ​ളി​ൽ വെ​ള്ള​ക്കെ​ട്ടു​ണ്ടാ​യി ഗ​ർ​ത്ത​ങ്ങ​ൾ രൂ​പ​പ്പെ​ട്ട്​ ഗ​താ​ഗ​തം ദു​ഷ്​​ക​ര​മാ​വു​ക​യു​മാ​ണ്. ​പ​ഴ​യ റോ​ഡി​നെ​ക്കാ​ൾ ഉ​യ​ർ​ത്തി നി​ർ​മി​ച്ച പാ​ത​യു​ടെ പാ​ർ​ശ്വ​ഭാ​ഗ​ങ്ങ​ൾ താ​ഴ്ച​യു​ള്ള​താ​ണ്. ഇ​ത് മ​റ​ക്കാ​ൻ മ​ണ്ണി​ട്ട് നി​ക​ത്തി​യ​താ​ണ് പ്ര​ശ്ന കാ​ര​ണം. വാ​ഹ​ന​ങ്ങ​ൾ ടാ​ർ റോ​ഡി​ൽ​നി​ന്ന്​ വ​ശ​ങ്ങ​ളി​ലേ​ക്കി​റ​ങ്ങി​യാ​ൽ അ​പ​ക​ട​ത്തി​ൽ​പെ​ടും. കൊ​ട്ടി​യൂ​ർ മ​ന്ദം​ചേ​രി മു​ത​ൽ ക​ണി​ച്ചാ​ർ വ​രെ ഇ​താ​ണ് അ​വ​സ്ഥ. കൂ​ടാ​തെ പാ​ത​യു​ടെ വി​ക​സ​നം ന​ട​ത്തി​യ​പ്പോ​ൾ പ​ല​യി​ട​ങ്ങ​ളി​ലും ക​ലു​ങ്കു​ക​ൾ പു​ന​ർ​നി​ർ​മി​ക്കാ​ത്ത​തി​നാ​ൽ പാ​ഞ്ഞെ​ത്തു​ന്ന വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടാ​നി​ട​യു​ണ്ട്.

കൊ​ട്ടി​യൂ​ർ തീ​ർ​ഥാ​ട​ക​ർ​ക്ക് ഉ​പ​ക​രി​ക്കു​ന്ന​തും ഇ​രു പ​ഞ്ചാ​യ​ത്തു​ക​ളി​ലെ​യും ബാ​വ​ലി പു​ഴ​ക്ക് അ​ക്ക​രെ താ​മ​സി​ക്കു​ന്ന​വ​ർ​ക്ക് ​ പ്ര​യോ​ജ​ന​ക​ര​വു​മാ​യ സ​മാ​ന്ത​ര റോ​ഡി​ന്റെ അ​വ​സ്ഥ​യാ​ണി​ത്. അ​പ​ക​ട​ഭീ​ഷ​ണി​യു​ള്ള പാ​ത​യി​ൽ മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ക്കു​ക​യും നി​യ​ന്ത്ര​ണം ഏ​ർ​പ്പെ​ടു​ത്തി പൊ​ലീ​സ് നി​രീ​ക്ഷ​ണ​ത്തി​ലൂ​ടെ വാ​ഹ​ന​ങ്ങ​ൾ ജാ​ഗ്ര​ത​യോ​ടെ ക​ട​ത്തി​വി​ടു​ക​യും ചെ​യ്തി​ല്ലെ​ങ്കി​ൽ അ​പ​ക​ട​ങ്ങ​ളു​ടെ പ​ര​മ്പ​ര​യാ​ണു​ണ്ടാ​വു​ക.