നിസ്സാര തർക്കം, പിന്നാലെ കൊല

ക​ണ്ണൂ​ർ: നി​സ്സാ​ര ത​ർ​ക്ക​ത്തി​ന്റെ പേ​രി​ൽ ന​ഷ്ട​മാ​യ​ത് മൂ​ന്ന് സ​ഹോ​ദ​രി​മാ​രു​ടെ അ​ത്താ​ണി​യാ​യ കു​ടും​ബ​നാ​ഥ​ന്റെ ജീ​വ​ൻ. അ​യ​ൽ​വാ​സി റോ​ഡി​ലേ​ക്ക് വാ​ഹ​നം ക​ഴു​കി​യ വെ​ള്ളം ഒ​ഴു​ക്കി​വി​ട്ട​ത് ചോ​ദ്യം ചെ​യ്ത​തി​നെ​ത്തു​ട​ർ​ന്നു​ണ്ടാ​യ വൈ​രാ​ഗ്യ​മാ​ണ് ഞാ​യ​റാ​ഴ്ച രാ​ത്രി തു​ളി​ച്ചേ​രി ന​മ്പ്യാ​ർ മൊ​ട്ട​യി​ലെ അ​മ്പ​ൻ കേ​ളോ​ത്തും ക​ണ്ടി അ​ജ​യ​കു​മാ​റി​ന്റെ കൊ​ല​യി​ലേ​ക്ക് ന​യി​ച്ച​ത്. വാ​ഹ​നം ക​ഴു​കി​യ മ​ലി​ന​ജ​ലം റോ​ഡി​ലേ​ക്ക് ഒ​ഴു​ക്കി​യ​താ​ണ് ത​ർ​ക്ക​ത്തി​ന് കാ​ര​ണം. വൈ​കീ​ട്ട് ന​ട​ന്ന പ്ര​ശ്നം പ​റ​ഞ്ഞു​തീ​ർ​ത്തെ​ങ്കി​ലും ദേ​വ​ദാ​സും മ​ക്ക​ളും ഭീ​ഷ​ണി​മു​ഴ​ക്കി​യി​രു​ന്നു.

രാ​ത്രി വീ​ടി​ന​ടു​ത്തു​ള്ള ക​ട​വ​രാ​ന്ത​യി​ൽ ഇ​രി​ക്കു​ക​യാ​യി​രു​ന്ന അ​ജ​യ​കു​മാ​റി​നെ ഹെ​ൽ​മെ​റ്റ്, വ​ടി, ക​ല്ല്, ക​സേ​ര എ​ന്നി​വ ഉ​പ​യോ​ഗി​ച്ച് ദേ​വ​ദാ​സ്, മ​ക്ക​ളാ​യ സ​ഞ്ജ​യ് ദാ​സ് സൂ​ര്യ​ദാ​സ്, കാ​റ്റ​റി​ങ് ജീ​വ​ന​ക്കാ​ര​നാ​യ അ​തി​ഥി തൊ​ഴി​ലാ​ളി എ​ന്നി​വ​ർ ചേ​ർ​ന്ന് മ​ർ​ദി​ക്കു​ക​യാ​യി​രു​ന്നു. ത​ട​യാ​ൻ ശ്ര​മി​ച്ച സു​ഹൃ​ത്ത് പ്ര​വീ​ണി​നും മ​ർ​ദ​ന​മേ​റ്റു.

പ​രി​ക്കേ​റ്റ് റോ​ഡി​ൽ വീ​ണി​ട്ടും മ​ർ​ദ​നം തു​ട​ർ​ന്നു. അ​ബോ​ധാ​വ​സ്ഥ​യി​ൽ റോ​ഡി​ൽ കി​ട​ന്ന അ​ജ​യ​കു​മാ​റി​നെ​യും പ്ര​വീ​ണി​നെ​യും കോ​ർ​പ​റേ​ഷ​ൻ കൗ​ൺ​സി​ല​ർ ക​ല്ലി​ക്കോ​ട​ൻ രാ​ജേ​ഷി​ന്റെ നേ​തൃ​ത്വ​ത്തി​ൽ നാ​ട്ടു​കാ​ർ ആം​ബു​ല​ൻ​സി​ലാ​ണ് ആ​ശു​പ​ത്രി​യി​ലേ​ക്ക് മാ​റ്റി​യ​ത്. വൈ​കാ​തെ അ​ജ​യ​കു​മാ​ർ മ​രി​ച്ചു. മു​മ്പും അ​യ​ൽ​വാ​സി​ക​ളു​മാ​യി വാ​ക് ത​ർ​ക്കം ഉ​ണ്ടാ​യി​രു​ന്ന​താ​യും നാ​ട്ടു​കാ​ർ പ​റ​ഞ്ഞു.

ഇ​ല​ക്ട്രീ​ഷ്യ​നാ​യ അ​ജ​യ​കു​മാ​ർ പൊ​തു​വേ ശാ​ന്ത സ്വ​ഭാ​വി​യാ​ണ്. എ​ല്ലാ​വ​രു​മാ​യി സൗ​മ്യ​മാ​യ പെ​രു​മാ​റ്റം. മാ​താ​പി​താ​ക്ക​ളാ​യ കു​മാ​ര​ന്റെ​യും രോ​ഹി​ണി​യു​ടെ​യും മ​ര​ണ​ശേ​ഷം മൂ​ന്ന് സ​ഹോ​ദ​രി​മാ​ർ​ക്കൊ​പ്പ​മാ​ണ് താ​മ​സം. നാ​ട്ടു​കാ​ർ ഇ​ട​പെ​ട്ട് പ്ര​ശ്നം പ​റ​ഞ്ഞു​തീ​ർ​ത്തെ​ങ്കി​ലും രാ​ത്രി പ്ര​തി​ക​ൾ ആ​സൂ​ത്രി​ത​മാ​യി ആ​ക്ര​മി​ക്കാ​നെ​ത്തു​ക​യാ​യി​രു​ന്നു.

ഞെ​ട്ട​ൽ മാ​റാ​തെ നാ​ട്

പ​റ​ഞ്ഞു​തീ​ർ​ക്കാ​വു​ന്ന ത​ർ​ക്ക​ത്തി​ന്റെ പേ​രി​ൽ ഒ​രു കു​ടും​ബ​ത്തി​ന്റെ അ​ത്താ​ണി​യെ അ​ടി​ച്ചു​കൊ​ന്ന​തി​ന്റെ ഞെ​ട്ട​ലി​ലാ​ണ് നാ​ട്ടു​കാ​ർ. കൊ​ല​പാ​ത​ക​ത്തെ​ത്തു​ട​ർ​ന്ന് പ്ര​തി​ക​ളു​ടെ വീ​ട്ടു​മു​റ്റ​ത്ത് നി​ർ​ത്തി​യി​ട്ടി​രു​ന്ന കാ​റും ഓ​ട്ടോ​റി​ക്ഷ​യും അ​ജ്ഞാ​ത​ർ ത​ക​ർ​ത്തു. അ​ജ​യ​കു​മാ​റി​ന്റെ മൃ​ത​ദേ​ഹം വീ​ട്ടി​ലെ​ത്തി​ച്ച ശേ​ഷ​മാ​ണ് വാ​ഹ​ന​ങ്ങ​ൾ​ക്കു​നേരെ അ​ക്ര​മ​മു​ണ്ടാ​യ​ത്. ശ​ബ്ദം കേ​ട്ട് നാ​ട്ടു​കാ​രും പൊ​ലീ​സും എ​ത്തു​മ്പോ​ഴേ​ക്കും അ​ക്ര​മി​ക​ൾ ഓ​ടി ര​ക്ഷ​പ്പെ​ട്ടു. ക​ല്ലു​ക​ൾ ഉ​പ​യോ​ഗി​ച്ച് കാ​ർ ത​ക​ർ​ക്കു​ക​യും ഓ​ട്ടോ​റി​ക്ഷ മ​റി​ച്ചി​ടു​ക​യും ചെ​യ്തു.

അ​ജ​യ​കു​മാ​റി​ന്റെ മൃ​ത​ദേ​ഹം ക​ണ്ണൂ​ർ ജി​ല്ല ആ​ശു​പ​ത്രി​യി​ലെ പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്ക് ശേ​ഷം ഉ​ച്ച​ക്ക് ര​ണ്ട​ര​യോ​ടെ വീ​ട്ടി​ലെ​ത്തി​ച്ചു. നി​ര​വ​ധി പേ​രാ​ണ് അ​ന്ത്യാ​ഞ്ജ​ലി​യ​ർ​പ്പി​ക്കാ​ൻ എ​ത്തി​യ​ത്. വൈ​കീ​ട്ട് നാ​ലോ​ടെ പ​യ്യാ​മ്പ​ലം ശ്മ​ശാ​ന​ത്തി​ൽ സം​സ്ക​രി​ച്ചു. കെ. ​സു​ധാ​ക​ര​ൻ എം.​പി, കെ.​വി. സു​മേ​ഷ് എം.​എ​ൽ.​എ, സി.​പി.​എം ജി​ല്ല സെ​ക്ര​ട്ട​റി എം.​വി. ജ​യ​രാ​ജ​ൻ, ഡി.​സി.​സി പ്ര​സി​ഡ​ന്റ് മാ​ർ​ട്ടി​ൻ ജോ​ർ​ജ്, വി.​പി. അ​ബ്ദു​ൽ റ​ഷീ​ദ്, ടി. ​ജ​യ​കൃ​ഷ്ണ​ൻ തു​ട​ങ്ങി​യ​വ​ർ വീ​ട്ടി​ലെ​ത്തി.