നിർമാണ മേഖലക്ക് ഇരട്ടപ്രഹരം

ക​ണ്ണൂ​ർ: കെ​ട്ടി​ട നി​ർ​മാ​ണ പെ​ർ​മി​റ്റി​ന് സ​ർ​ക്കാ​ർ പ​ത്തി​ര​ട്ടി വ​ർ​ധി​പ്പി​ച്ച് ജ​നം ന​ട്ടം തി​രി​യു​ന്ന​തി​നി​ടെ ക്ര​ഷ​ർ ഉ​ൽ​പ​ന്ന​ങ്ങ​ളു​ടെ​യും വി​ല ഉ​ട​മ​ക​ൾ വ​ർ​ധി​പ്പി​ച്ചു. ഇ​തോ​ടെ വീ​ട് നി​ർ​മി​ക്കാ​ൻ പാ​ടു​പെ​ടു​ന്ന സാ​ധാ​ര​ണ​ക്കാ​രും കോ​ൺ​ട്രാ​ക്ടേ​ഴ്സും വ​ലി​യ പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്.

ജി​ല്ല​യി​ൽ ര​ണ്ടു​ഘ​ട്ട​മാ​യി ഒ​രാ​ഴ്ച്ച​ക്കി​ടെ ഒ​രു അ​ടി​ക്ക് 15രൂ​പ​യാ​ണ് ക്ര​ഷ​ർ ഉ​ട​മ​ക​ൾ വ​ർ​ധി​പ്പി​ച്ചി​രി​ക്കു​ന്ന​ത്. നി​ർ​മാ​ണ മേ​ഖ​ല പ്ര​തി​സ​ന്ധി നേ​രി​ട്ടു​കൊ​ണ്ടി​രി​ക്കു​ന്ന കാ​ല​യ​ള​വി​ലാ​ണ് ഒ​രി​ക്ക​ലും അം​ഗീ​ക​രി​ക്കാ​ൻ ക​ഴി​യാ​ത്ത നി​ല​യി​ൽ ക്വാ​റി ഉ​ൽ​പന്ന​ങ്ങ​ൾ​ക്ക് വി​ല കൂ​ട്ടി​യ​ത്. കൂ​ടാ​തെ സി​മ​ന്റ് ഒ​രു ചാ​ക്കി​ന് 40 രൂ​പ​യും വ​ർ​ധി​പ്പി​ച്ചു.

ഇ​തോ​ടെ സാ​ധാ​ര​ണ​ക്കാ​രാ​യ​വ​രും നി​ർ​മാ​ണ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ക​രാ​റു​കാ​രും പ്ര​യാ​സ​ത്തി​ലാ​യി. ക​ഴി​ഞ്ഞ മാ​ർ​ച്ചി​ൽ ഒ​രു മു​ന്ന​റി​യി​പ്പും ന​ൽ​കാ​തെ ക്ര​ഷ​ർ ഉ​ൽ​പന്ന​ങ്ങ​ൾ നി​ർ​ത്തി​വെ​ച്ച് ഉ​ട​മ​ക​ൾ സ​മ​രം ന​ട​ത്തി​യി​രു​ന്നു. തു​ട​ർ​ന്ന് ഏ​പ്രി​ൽ ആ​റി​ന് എ​ല്ലാ ഉ​ൽ​പന്ന​ങ്ങ​ൾ​ക്കും 10 രൂ​പ വ​ർ​ധി​പ്പി​ക്കു​ക​യു​മാ​യി​രു​ന്നു.

എ​ന്നാ​ൽ സം​സ്ഥാ​ന​ത്താ​കെ ക​ഴി​ഞ്ഞ​ദി​വ​സം പ​ത്ത് രൂ​പ കൂ​ട്ടാ​ൻ തീ​രു​മാ​നി​ച്ചു. ഇ​തോ​ടെ ജി​ല്ല​യി​ൽ 10 രൂ​പ കൂ​ട്ടി​യ​ത് അ​ഞ്ച് രൂ​പ കു​റ​ച്ചു. ആ​കെ മൊ​ത്തം 15 രൂ​പ​യു​ടെ വ​ർ​ധ​ന​വാ​ണ് ക്ര​ഷ​ർ ഉ​ൽ​പന്ന​ങ്ങ​ളി​ൽ ജി​ല്ല​യി​ലു​ണ്ടാ​യ​ത്. സം​സ്ഥാ​ന ബ​ജ​റ്റി​ൽ റോ​യ​ൽ​റ്റി നി​ര​ക്കി​ൽ വ​ർ​ധ​ന​ ഉ​ണ്ടാ​യ​താ​ണ് ഉ​ൽ​പ്പ​ന്ന​ങ്ങ​ൾ​ക്ക് വി​ല കൂ​ട്ടാ​ൻ കാ​ര​ണ​മെ​ന്നാ​ണ് ഉ​ട​മ​ക​ളു​ടെ ന്യാ​യം. ഈ ​വി​ഷ​യം സ​ർ​ക്കാ​റി​ന്റെ ശ്ര​ദ്ധ​യി​ൽ​പെ​ടു​ത്തി പ​രി​ഹ​രി​ക്കു​ന്ന​തി​ന് പ​ക​രം ഏ​ക​പ​ക്ഷീ​ യ​മാ​യി വ​ർ​ധി​പ്പി​ച്ച് ജ​ന​ങ്ങ​ൾ​ക്ക് അ​മി​ത​ഭാ​രം അ​ടി​ച്ചേ​ൽ​പിക്കു​ക​യാ​ണ് ‍ഉ​ട​മ​ക​ൾ.

ജി​ല്ല​യി​ൽ പൊ​തു​മ​രാ​മ​ത്ത് പ്ര​വൃ​ത്തി​ക​ൾ ഏ​റ്റെ​ടു​ത്ത ക​രാ​റു​കാ​ർ​ക്ക് പ്ര​വൃ​ത്തി​ക്കാ​വ​ശ്യ​മാ​യ മെ​റ്റീ​രി​യ​ൽ മു​മ്പ് ന​ൽ​കി​യ വി​ല​ക്ക് ന​ൽ​ക​ണ​മെ​ന്നും അ​ല്ലെ​ങ്കി​ൽ നി​ർ​മാ​ണ മേ​ഖ​ല സ്തം​ഭി​പ്പി​ക്കു​ന്ന സ​മ​ര​പ​രി​പാ​ടി​ക​ൾ​ ന​ട​ത്തു​മെ​ന്നും കേ​ര​ള ഗ​വ. കോ​ൺ​ട്രാ​ക്ടേ​ഴ്സ് ഫെ​ഡ​റേ​ഷ​ൻ ജി​ല്ല ക​മ്മി​റ്റി ഭാ​ര​വാ​ഹി​ക​ൾ അ​റി​യി​ച്ചു.