പ്രഖ്യാപനങ്ങളിലൊതുങ്ങി കശുവണ്ടി-കശുമാങ്ങ സംഭരണം

ശ്രീ​ക​ണ്ഠാ​പു​രം: പ​ല​ത​വ​ണ സ​ർ​ക്കാ​ർ പ്ര​ഖ്യാ​പി​ച്ചി​ട്ടും ക​ശു​വ​ണ്ടി-​ക​ശു​മാ​ങ്ങ സം​ഭ​ര​ണം ഇ​ത്ത​വ​ണ​യും ന​ട​ന്നി​ല്ല. ഇ​തോ​ടെ ക​ർ​ഷ​ക സ്വ​പ്ന​ങ്ങ​ൾ​ക്ക് ക​രി​നി​ഴ​ൽ വീ​ണു. ഇ​ത്ത​വ​ണ ക​ശു​വ​ണ്ടി സം​ഭ​ര​ണം ന​ട​ക്കാ​ത്ത​തി​നാ​ൽ സീ​സ​ൺ തു​ട​ക്ക​ത്തി​ലേ ക​ർ​ഷ​ക​ർ​ക്ക് മെ​ച്ച​പ്പെ​ട്ട വി​ല ല​ഭി​ച്ച​തു​മി​ല്ല. മാ​ങ്ങ സം​ഭ​ര​ണ​മു​ണ്ടെ​ങ്കി​ൽ കു​റ​ച്ചെ​ങ്കി​ലും ആ​ശ്വാ​സ​മാ​കു​മെ​ന്ന് ക​രു​തി​യെ​ങ്കി​ലും അ​തു​മു​ണ്ടാ​യി​ല്ല.

മു​ൻ​കാ​ല​ങ്ങ​ളി​ൽ ക​ശു​വ​ണ്ടി​ക്ക് കി.​ഗ്രാ​മി​ന് 150 രൂ​പ​വ​രെ തു​ട​ക്ക​ത്തി​ൽ കി​ട്ടി​യി​രു​ന്നു. ഇ​ത്ത​വ​ണ 110 രൂ​പ​യാ​ണ് ക​ശു​വ​ണ്ടി സീ​സ​ൺ തു​ട​ക്ക​ത്തി​ൽ ക​ർ​ഷ​ക​ർ​ക്ക് ല​ഭി​ച്ച​ത്. ഉ​ൽ​പാ​ദ​ന​ക്കു​റ​വും കൂ​ടി​യാ​യ​തോ​ടെ ഇ​നി​യും വി​ല​യി​ടി​ക്കു​മോ​യെ​ന്ന ആ​ശ​ങ്ക​യു​ണ്ട്. സം​ഭ​ര​ണം ന​ട​ക്കാ​ത്ത​ത് മു​ത​ലെ​ടു​ത്ത് വി​ല​യി​ടി​ക്കാ​ൻ ചി​ല ക​ച്ച​വ​ട ലോ​ബി​ക​ൾ നീ​ക്കം ന​ട​ത്തു​ന്നു​ണ്ട്.

കോ​വി​ഡും ലോ​ക് ഡൗ​ണും ഉ​ണ്ടാ​ക്കി​യ ത​ക​ർ​ച്ച​യി​ൽ​നി​ന്ന് ക​ശു​വ​ണ്ടി ക​ർ​ഷ​ക​ർ​ക്ക് പ​ഴ​യ പ്ര​താ​പ​ത്തി​ലേ​ക്ക് തി​രി​കെ​യെ​ത്താ​ൻ ക​ഴി​ഞ്ഞി​ട്ടി​ല്ലെ​ന്ന​താ​ണ് സ്ഥി​തി. അ​ന്ന് ക​ട​ക​ളി​ൽ ക​ശു​വ​ണ്ടി വാ​ങ്ങാ​ത്ത​തി​നാ​ൽ ഒ​ടു​വി​ൽ സ​ർ​ക്കാ​ർ ഇ​ട​പെ​ട്ട് സ​ഹ​ക​ര​ണ ബാ​ങ്കു​ക​ൾ വ​ഴി 80- 90 രൂ​പ​ക്ക് ക​ശു​വ​ണ്ടി ശേ​ഖ​രി​ക്കു​ക​യാ​ണു​ണ്ടാ​യ​ത്.

ഇ​ത്ത​വ​ണ​യെ​ങ്കി​ലും ക​ശു​വ​ണ്ടി -ക​ശു​മാ​ങ്ങ സം​ഭ​ര​ണ കേ​ന്ദ്ര​ങ്ങ​ൾ തു​റ​ന്ന് ന​ല്ല വി​ല ന​ൽ​കി ക​ർ​ഷ​ക ര​ക്ഷ​ക്ക് വ​ഴി​യൊ​രു​ക്കു​മെ​ന്ന് ക​രു​തിയെ​ങ്കി​ലും എ​ല്ലാം ജ​ല​രേ​ഖ​യാ​വു​ക​യാ​യി​രു​ന്നു. ക​ർ​ഷ​ക​ർ​ക്ക് കി​ലോ​ക്ക് മൂ​ന്ന് രൂ​പ ന​ൽ​കി ക​ശു​മാ​ങ്ങ സം​ഭ​രി​ക്കാ​നാ​ണ് സ​ർ​ക്കാ​ർ നേ​ര​ത്തേ തീ​രു​മാ​നി​ച്ചി​രു​ന്ന​ത്.

ക്ര​മേ​ണ വി​ല കൂ​ട്ടി ന​ൽ​കാനും ധാ​ര​ണ​യു​ണ്ടാ​യി​രു​ന്നു. ക​ശു​മാ​ങ്ങ​യി​ൽ നി​ന്ന് ജ്യൂ​സ്, സ്ക്വാ​ഷ്, ഫെ​നി, അ​ച്ചാ​റു​ക​ൾ, മ​റ്റ് വി​വി​ധ ഉ​ൽ​പ​ന്ന​ങ്ങ​ൾ എ​ന്നി​വ​യു​ണ്ടാ​ക്കി കു​ടും​ബ​ശ്രീ മു​ഖേ​ന​യും മ​റ്റും വി​ൽ​പ​ന ന​ട​ത്താ​നാ​യി​രു​ന്നു തീ​രു​മാ​നം.

ഇ​ത് ക​ർ​ഷ​ക​ർ​ക്ക് വ​ൻ പ്ര​തീ​ക്ഷ​യും ന​ൽ​കി. കൂ​ടാ​തെ ഗോ​വ​ൻ മാ​തൃ​ക​യി​ൽ ക​ശു​മാ​ങ്ങ​യി​ൽ​നി​ന്ന് ഫെ​നി മ​ദ്യം ഉ​ൽ​പാ​ദി​പ്പി​ക്കാ​ൻ സ​ർ​ക്കാ​ർ തീ​രു​മാ​നി​ച്ച് ഉ​ത്ത​ര​വു​മി​റ​ക്കി​യി​രു​ന്നു. എ​ന്നാ​ൽ, എ​ക്സൈ​സ് വ​കു​പ്പ് അ​നു​മ​തി വൈ​കി​പ്പി​ക്കു​ക​യാ​ണു​ണ്ടാ​യ​ത്.

ജി​ല്ല​യി​ൽ പ​യ്യാ​വൂ​ർ സ​ഹ​ക​ര​ണ ബാ​ങ്ക് ന​ൽ​കി​യ നി​വേ​ദ​ന​ത്തി​ലാ​യി​രു​ന്നു ഫെ​നി ഉ​ൽ​പാ​ദി​പ്പി​ക്കാ​ൻ സ​ർ​ക്കാ​ർ ധാ​ര​ണ​യി​ലെ​ത്തി​യ​ത്. ബാ​ങ്കി​നു കീ​ഴി​ൽ അ​തി​നാ​യി എ​ല്ലാ സം​വി​ധാ​ന​ങ്ങ​ളും ഒ​രു​ക്കി ഇ​പ്പോ​ഴും കാ​ത്തി​രി​ക്കു​ക​യാ​ണ്. ഇ​നി അ​ത് ന​ട​ക്കു​മോ​യെ​ന്ന് ക​ണ്ട​റി​യേ​ണ്ട സ്ഥി​തി​യാ​ണ്. നി​ല​വി​ൽ ലോ​ഡു​ക​ണ​ക്കി​ന് ക​ശു​മാ​ങ്ങ​യാ​ണ് തോ​ട്ട​ങ്ങ​ളി​ൽ ന​ശി​ക്കു​ന്ന​ത്. ചി​ല​യി​ട​ങ്ങ​ളി​ൽ ചാ​രാ​യ നി​ർ​മാ​ണ​ത്തി​നും മ​റ്റും ക​ശു​മാ​ങ്ങ ശേ​ഖ​രി​ക്കു​ന്ന​വ​രു​ണ്ട്.

ക​ശു​മാ​ങ്ങ ശേ​ഖ​ര​ണ​ത്തി​നും സം​സ്ക​ര​ണ​ത്തി​നു​മാ​യി നി​ര​വ​ധി​യാ​ളു​ക​ൾ​ക്ക് തൊ​ഴി​ൽ ന​ൽ​കാ​നും സാ​ധി​ക്കും. നേ​ര​ത്തേ നാ​ടു​കാ​ണി പ്ലാ​ന്റേ​ഷ​ൻ കോ​ർ​പ​റേ​ഷ​ൻ ഓ​ഫി​സി​നു സ​മീ​പം കൂ​ർ​ഗ് റോ​ഡ​രി​കി​ൽ ക​ശു​മാ​ങ്ങ ജ്യൂ​സും സ്ക്വാ​ഷും വി​ൽ​പ​ന ന​ട​ത്തു​ന്ന കേ​ന്ദ്രം തു​റ​ന്നെ​ങ്കി​ലും കോ​വി​ഡ് കാ​ല​ത്ത് നി​ർ​ത്തി.

ക​ശു​മാ​ങ്ങ സ്ക്വാ​ഷ് 500 മി​ല്ലി​ക്ക് 100 രൂ​പ​യും ഗ്ലാ​സ് ജ്യൂ​സി​ന് 20 രൂ​പ​യു​മാ​ണ് വി​ല നി​ശ്ച​യി​ച്ചി​രു​ന്ന​ത്. സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ക​ശു​മാ​ങ്ങ സം​സ്ക​ര​ണ കേ​ന്ദ്ര​ങ്ങ​ളും ഉ​ൽ​പ​ന്ന നി​ർ​മാ​ണ വി​ത​ര​ണ കേ​ന്ദ്ര​ങ്ങ​ളും തു​ട​ങ്ങാ​ൻ തീ​രു​മാ​നി​ച്ചി​രു​ന്നെ​ങ്കി​ലും ഫ​ലം ക​ണ്ടി​ല്ല.

സം​സ്ഥാ​ന​ത്ത് മി​ക​ച്ച ക​ശു​വ​ണ്ടി ഉ​ൽ​പാ​ദ​നം ന​ട​ക്കു​ന്ന ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ലെ മ​ല​യോ​ര ഗ്രാ​മ​ങ്ങ​ളി​ൽ ക​ശു​മാ​ങ്ങ ശേ​ഖ​ര​ണ -സം​സ്ക​ര​ണ കേ​ന്ദ്ര​ങ്ങ​ൾ വേ​ഗ​ത്തി​ൽ തു​ട​ങ്ങ​ണ​മെ​ന്ന് ക​ർ​ഷ​ക​സം​ഘ​ട​ന​ക​ൾ വീ​ണ്ടും സ​ർ​ക്കാ​റി​നോ​ടാ​വ​ശ്യ​പ്പെ​ട്ടി​ട്ടു​ണ്ട്.