ഇങ്ങനെ മതിയോ നമ്മുടെ കളിക്കളങ്ങൾ?

ശ്രീ​ക​ണ്ഠ​പു​രം: കാ​യി​ക്കു​തി​പ്പി​ന് പി​ന്തു​ണ​യാ​കാ​ൻ ക​ളി​ക്ക​ള​ങ്ങ​ളി​ല്ലാ​തെ മ​ല​യോ​ര മേ​ഖ​ല. ശ്രീ​ക​ണ്ഠ​പു​രം, ചെ​ങ്ങ​ളാ​യി, പ​യ്യാ​വൂ​ർ, ഏ​രു​വേ​ശി, ന​ടു​വി​ൽ ഉ​ളി​ക്ക​ൽ, ഇ​രി​ക്കൂ​ർ, ആ​ല​ക്കോ​ട്, ഉ​ദ​യ​ഗി​രി, ച​പ്പാ​ര​പ്പ​ട​വ് തു​ട​ങ്ങി​യ മേ​ഖ​ല​ക​ളി​ലൊ​ന്നും മി​ക​ച്ച സ്റ്റേ​ഡി​യ​ങ്ങ​ളി​ല്ല. ഒ​രു കാ​ല​ത്ത് ദേ​ശീ​യ താ​ര​ങ്ങ​ളെ​പ്പോ​ലും വാ​ർ​ത്തെ​ടു​ത്ത മ​ല​യോ​ര​ത്ത് കാ​ലം ക​ഴി​ഞ്ഞി​ട്ടും ന​ല്ല ക​ളി​ക്ക​ള​മൊ​രു​ക്കാ​ത്ത​ത് അ​ധി​കൃ​ത​രു​ടെ കെ​ടു​കാ​ര്യ​സ്ഥ​ത​കൊ​ണ്ടാ​ണ്.

ഇ​രി​ക്കൂ​റി​ൽ മാ​ത്ര​മാ​ണ് പേ​രി​നെ​ങ്കി​ലും ഒ​രു വ​ലി​യ ഗ്രൗ​ണ്ടു​ള്ള​ത്. ശ്രീ​ക​ണ്ഠ​പു​രം ന​ഗ​ര​സ​ഭ​യു​ടെ കോ​ട്ടൂ​രി​ലെ സ്റ്റേ​ഡി​യം കാ​ടു​ക​യ​റി​യ നി​ല​യി​ലാ​ണ്. അ​ടി​സ്ഥാ​ന സൗ​ക​ര്യ​ങ്ങ​ളൊ​ന്നും ഇ​വി​ടെ​യി​ല്ല. ന​ഗ​ര​സ​ഭ സ്റ്റേ​ഡി​യ​ത്തി​ന് കെ.​ജി. ഭാ​സ്ക​ര​ൻ സ്മാ​ര​ക സ്റ്റേ​ഡി​യം എ​ന്ന പേ​ര് ന​ൽ​കി ആ​ധു​നി​ക​വ​ത്ക​രി​ക്കാ​ൻ 50 ല​ക്ഷം രൂ​പ ക​ഴി​ഞ്ഞ ബ​ജ​റ്റി​ൽ വ​ക​യി​രു​ത്തി​യി​രു​ന്നെ​ങ്കി​ലും തു​ട​ർ​ന​ട​പ​ടി​ക​ളു​ണ്ടാ​യി​ല്ല. മ​ഴ പെ​യ്താ​ൽ വെ​ള്ളം ക​യ​റു​മെ​ന്ന​താ​ണ് സ്റ്റേ​ഡി​യം വി​ക​സ​ന​ത്തി​ന് ത​ട​സ്സം. വെ​ള്ളം ഇ​റ​ങ്ങി​യാ​ലും അ​ഞ്ചു മാ​സ​ത്തോ​ളം ഗ്രൗ​ണ്ടി​ൽ ചളി​യു​ണ്ടാ​കു​ന്ന​ത് കൊ​ണ്ട് കു​ട്ടി​ക​ൾ​ക്ക് ക​ളി​ക്കാ​ൻ സാ​ധി​ക്കാ​റി​ല്ല. വെ​ള്ളം ക​യ​റു​ന്ന ഗ്രൗ​ണ്ട് വി​ക​സി​പ്പി​ക്കു​ന്ന​തി​നെ​ക്കാ​ൾ ന​ല്ല​ത് പു​തി​യ സ്ഥ​ലം ക​ണ്ടെ​ത്തി സ്റ്റേ​ഡി​യം നി​ർ​മി​ക്കു​ന്ന​താ​ണെ​ന്ന് കാ​യി​ക പ്രേ​മി​ക​ൾ പ​റ​യു​ന്നു. ചെ​ങ്ങ​ളാ​യി​ൽ വ​ർ​ഷ​ങ്ങ​ളോ​ളം ഫു​ട്ബാ​ൾ ടൂ​ർ​ണ​മെ​ന്റു​ൾ​പ്പെ​ടെ ന​ട​ന്ന പ​ഞ്ചാ​യ​ത്ത് സ്റ്റേ​ഡി​യം ഇ​പ്പോ​ൾ അ​വ​ഗ​ണ​ന​യി​ൽ ന​ശി​ച്ചു​കൊ​ണ്ടി​രി​ക്കു​ക​യാ​ണ്.