ക്ലിക്കായി പാപ്പച്ചന്റെ മീശ; ഇത് മീശക്കവല

ശ്രീ​ക​ണ്ഠ​പു​രം: ഒ​രു പേ​രി​ലെ​ന്തി​രി​ക്കു​ന്നു​വെ​ന്ന​ല്ല, പേ​രി​ലും കാ​ര്യ​മു​ണ്ടെ​ന്ന് വി​നോ​ദ സ​ഞ്ചാ​ര കേ​ന്ദ്ര​മാ​യ കാ​ഞ്ഞി​ര​ക്കൊ​ല്ലി​യി​ലെ​ത്തു​ന്ന​വ​ർ പ​റ​യും. കാ​ഞ്ഞി​ര​ക്കൊ​ല്ലി അ​ള​കാ​പു​രി വെ​ള്ള​ച്ചാ​ട്ട​ത്തി​ന്റെ ടി​ക്ക​റ്റ് കൗ​ണ്ട​റി​ന് സ​മീ​പ​ത്തെ​ത്തു​മ്പോ​ൾ കാ​ണു​ന്ന ദി​ശാ​ബോ​ർ​ഡു​ക​ളി​ലെ​ല്ലാം ഒ​രു സ്ഥ​ല​പേ​ര് ഉ​ണ്ട് -മീ​ശ​ക്ക​വ​ല.

ഈ ​സ്ഥ​ല​നാ​മ​ത്തി​ലെ കൗ​തു​കം അ​ന്വേ​ഷി​ച്ച് പോ​യാ​ൽ ഒ​രാ​ളു​ടെ മീ​ശ​യി​ൽ ചെ​ന്നെ​ത്തും. ഇ​വി​ടെ 20 വ​ർ​ഷ​ങ്ങ​ളാ​യി ത​ട്ടു​ക​ട ന​ട​ത്തു​ന്ന കൊ​ട​ക​ച്ച​റ പാ​പ്പ​ച്ച​ന്റെ കൊ​മ്പ​ൻ മീ​ശ​യി​ൽ. അ​ള​കാ​പു​രി വെ​ള്ള​ച്ചാ​ട്ടം ക​ണ്ട​വ​ർ​ക്കൊ​ക്കെ സു​പ​രി​ചി​ത​നാ​ണ് ഈ 82​കാ​ര​ൻ. സ​ഞ്ചാ​രി​ക​ളെ ആ​ദ്യം വ​ര​വേ​ൽ​ക്കു​ന്ന​തും ഇ​വി​ട​ത്തെ വാ​ഹ​ന പാ​ർ​ക്കി​ങ്ങി​ന്റെ കാ​ര്യ​ങ്ങ​ൾ നോ​ക്കു​ന്ന​തും ഇ​ദ്ദേ​ഹ​മാ​ണ്.

16ാം വ​യ​സ്സി​ൽ മീ​ശ മു​ള​ച്ച​പ്പോ​ൾ മു​ത​ൽ പാ​പ്പ​ച്ച​ന് മീ​ശ​ക്ക​മ്പ​മു​ണ്ട്. പി​ന്നീ​ട് പ​ട്ടാ​ള​ത്തി​ൽ ജോ​ലി കി​ട്ടി​യ​പ്പോ​ഴും വി​ര​മി​ച്ച​തി​നു​ശേ​ഷം നാ​ട്ടി​ലെ​ത്തി കൃ​ഷി തു​ട​ങ്ങി​യ​പ്പോ​ഴു​മെ​ല്ലാം കു​ടും​ബ​ത്തോ​ടൊ​പ്പം മീ​ശ​യെ​യും പൊ​ന്നു​പോ​ലെ നോ​ക്കി. അ​ള​കാ​പു​രി വെ​ള്ള​ച്ചാ​ട്ട​ത്തി​ന് സ​മീ​പം ത​ട്ടു​ക​ട തു​ട​ങ്ങി​യ​പ്പോ​ഴാ​ണ് പാ​പ്പ​ച്ച​ന്റെ മീ​ശ ക്ലി​ക്ക് ആ​യ​ത്. വെ​ള്ള​ച്ചാ​ട്ടം കാ​ണ​നെ​ത്തു​ന്ന​വ​ർ​ക്കി​ട​യി​ൽ മീ​ശ ച​ർ​ച്ച​യാ​യ​തോ​ടെ സ്ഥ​ല​ത്തി​ന് നാ​ട്ടു​കാ​ർ മീ​ശ​ക്ക​വ​ല​യെ​ന്ന് പേ​ര് ന​ൽ​കി. അ​ത് ഹി​റ്റാ​വു​ക​യും ചെ​യ്തു.

സ​ഞ്ചാ​രി​ക​ൾ വെ​ള്ള​ച്ചാ​ട്ട​ത്തി​ന്റെ ഫോ​ട്ടോ​ക​ളും വി​ഡി​യോ​ക​ളും സാമൂഹ മാ​ധ്യ​മ​ങ്ങ​ളി​ൽ പോ​സ്റ്റ് ചെ​യ്യു​ന്ന​തി​നൊ​പ്പം പാ​പ്പ​ച്ച​ന്റെ മീ​ശ​യും ഷെ​യ​ർ ചെ​യ്തു. ഇ​തോ​ടെ ത​ന്റെ മീ​ശ അ​ന്വേ​ഷി​ച്ചും ആ​ളു​ക​ൾ വ​ന്നു തു​ട​ങ്ങി​യെ​ന്ന് പാ​പ്പ​ച്ച​ൻ ഓ​ർ​ക്കു​ന്നു. ‘ക​ട​യി​ലെ തി​ര​ക്കു​ക​ൾ​ക്കി​ട​യി​ലും ആ​ളു​ക​ൾ​ക്ക് ഫോ​ട്ടോ എ​ടു​ക്കാ​ൻ നി​ന്നു കൊ​ടു​ക്ക​ണം. എ​ന്നാ​ലും ഒ​രു സ​ന്തോ​ഷ​ല്ലേ, സ്വ​ന്തം മീ​ശ​യു​ടെ പേ​രി​ൽ ഒ​രു സ്ഥ​ല​മു​ണ്ടാ​കു​ന്ന​ത്’ - പാ​പ്പ​ച്ച​ൻ പ​റ​യു​ന്നു. മീ​ശ​ക്ക​വ​ല​യി​ൽ ത​ട്ടു​ക​ട​യോ​ട് ചേ​ർ​ന്ന് ത​ന്നെ​യാ​ണ് പാ​പ്പ​ച്ച​ന്റെ വീ​ടും. ഭാ​ര്യ അ​ന്ന​മ്മ​യും മൂ​ന്നു പെ​ൺ​മ​ക്ക​ളു​മ​ട​ങ്ങു​ന്ന​താ​ണ് കു​ടും​ബം. മ​ക്ക​ൾ മൂ​വ​രും വി​വാ​ഹി​ത​രാ​ണ്. പാ​പ്പ​ച്ച​ൻ സൗ​ജ​ന്യ​മാ​യി ന​ൽ​കി​യ സ്ഥ​ല​ത്തു കൂ​ടി​യാ​ണ് വെ​ള്ള​ച്ചാ​ട്ട​ത്തി​ലേ​ക്കു​ള്ള ന​ട​പ്പാ​ത നി​ർ​മി​ച്ച​ത്. അ​ള​കാ​പു​രി വെ​ള്ള​ച്ചാ​ട്ട​ത്തി​ൽ കൂ​ടു​ത​ൽ പേ​രെ​ത്തു​ന്ന​ത് ജൂ​ൺ മു​ത​ൽ ഡി​സം​ബ​ർ വ​രെ​യു​ള്ള മാ​സ​ങ്ങ​ളാ​ണ്. ആ​ളു​ക​ളെ​ത്തി​യാ​ൽ ക​ച്ച​വ​ട​ത്തി​ര​ക്കി​നൊ​പ്പം മീ​ശ​ക്ക​ഥ പ​റ​ഞ്ഞും നി​ർ​ദേ​ശ​ങ്ങ​ൾ ന​ൽ​കി​യും മീ​ശ​ക്ക​വ​ല​യു​ടെ സ്വ​ന്തം മീ​ശ പാ​പ്പ​ച്ച​ൻ കൂ​ടെ​യു​ണ്ടാ​വും. പി​ന്നെ സെ​ൽ​ഫി​യും.