സ്ഥാനക്കയറ്റം നീളുന്നു; എസ്.എച്ച്.ഒമാരില്ലാതെ സ്റ്റേഷനുകൾ

ശ്രീ​ക​ണ്ഠ​പു​രം: സീ​നി​യോ​റി​റ്റി​യെ ചൊ​ല്ലി എ.​ആ​ര്‍, ലോ​ക്ക​ല്‍ എ​സ്.​ഐ​മാ​ര്‍ ത​മ്മി​ലു​ള്ള ത​ര്‍ക്ക​ത്തി​ല്‍ കു​ടു​ങ്ങി എ​സ്.​എ​ച്ച്.​ഒ ത​സ്തി​ക​യി​ലേ​ക്കു​ള്ള സ്ഥാ​ന​ക്ക​യ​റ്റം വൈ​കു​ന്നു. ഇ​തേ​ത്തു​ട​ര്‍ന്ന് ജി​ല്ല​യി​ല​ട​ക്കം സം​സ്ഥാ​ന​ത്തെ പ​ല സ്റ്റേ​ഷ​നു​ക​ളി​ലും എ​സ്.​എ​ച്ച്.​ഒ​മാ​രി​ല്ലാ​ത്ത അ​വ​സ്ഥ.

സ്റ്റേ​ഷ​ൻ ചു​മ​ത​ല വ​ഹി​ക്കേ​ണ്ട എ​സ്.​എ​ച്ച്.​ഒ​മാ​രാ​യ സി.​ഐ​മാ​രി​ല്ലാ​ത്ത​തി​നാ​ൽ ഒ​ട്ട​ന​വ​ധി പൊ​ലീ​സ് സ്റ്റേ​ഷ​നു​ക​ളി​ൽ ഇ​പ്പോ​ഴും പ്രി​ൻ​സി​പ്പ​ൽ എ​സ്.​ഐ​മാ​ർ ത​ന്നെ​യാ​ണ് ചു​മ​ത​ല വ​ഹി​ക്കു​ന്ന​ത്. എ.​ആ​ര്‍ വി​ഭാ​ഗം ഇ​ല്ലാ​താ​യ​തോ​ടെ​യാ​ണ് ആ ​വി​ഭാ​ഗ​ത്തി​ല്‍ നി​ന്ന് എ​സ്.​ഐ​മാ​രെ ലോ​ക്ക​ലി​ലേ​ക്ക് നി​യ​മി​ച്ചു തു​ട​ങ്ങി​യ​ത്. ഇ​ത് ലോ​ക്ക​ല്‍ എ​സ്.​ഐ​മാ​രു​ടെ സീ​നി​യോ​റി​റ്റി​യെ ബാ​ധി​ക്കു​ന്നു​വെ​ന്നാ​ണ് ആ​ക്ഷേ​പം.

ലോ​ക്ക​ലി​ല്‍ ഏ​റെ​ക്കാ​ലം സ​ര്‍വി​സു​ള്ള​വ​രെ മ​റി​ക​ട​ന്ന് എ.​ആ​റി​ലു​ള്ള​വ​ര്‍ ഉ​ന്ന​ത ത​സ്തി​ക​യി​ല്‍ എ​ത്തു​ന്നു​വെ​ന്നാ​യി​രു​ന്നു ലോ​ക്ക​ൽ എ​സ്.​ഐ​മാ​രു​ടെ പ​രാ​തി. ആ​ഭ്യ​ന്ത​ര വ​കു​പ്പ് പ്ര​ശ്ന​ത്തി​ൽ ഇ​ട​പെ​ട​ൽ ന​ട​ത്താ​ത്ത​തി​നെ​ത്തു​ട​ര്‍ന്ന് ലോ​ക്ക​ല്‍ എ​സ്.​ഐ​മാ​ര്‍ ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു. കേ​സ് നി​ല​വി​ൽ ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണ്.

ഇ​തേ തു​ട​ര്‍ന്നാ​ണ് എ​സ്.​ഐ​മാ​ര്‍ക്ക് എ​സ്.​എ​ച്ച്.​ഒ​മാ​രാ​യി സ്ഥാ​ന​ക്ക​യ​റ്റം ന​ല്‍കു​ന്ന​ത് നി​ര്‍ത്തി​വെ​ച്ച​ത്. ഇ​ത് കാ​ര​ണം വ​ര്‍ഷ​ങ്ങ​ള്‍ക്ക് മു​മ്പ് ത​ന്നെ എ​സ്.​എ​ച്ച്.​ഒ​മാ​രാ​കേ​ണ്ട പ​ല​രും ഇ​പ്പോ​ഴും എ​സ്.​ഐ ത​സ്തി​ക​യി​ല്‍ തു​ട​രു​ക​യാ​ണ്. സ്ഥാ​ന​ക്ക​യ​റ്റം നി​ല​ച്ച​തോ​ടെ പ​ല സ്റ്റേ​ഷ​നു​ക​ളി​ലും എ​സ്.​എ​ച്ച്.​ഒ​മാ​രു​ടെ ത​സ്തി​ക ഒ​ഴി​ഞ്ഞു കി​ട​ക്കു​ക​യാ​ണ്.

ജി​ല്ല​യി​ല്‍ ക​ണ്ണ​വം, കേ​ള​കം, ധ​ര്‍മ​ടം, പി​ണ​റാ​യി, മു​ഴ​ക്കു​ന്ന്, ഇ​രി​ക്കൂ​ര്‍, പ​രി​യാ​രം തു​ട​ങ്ങി​യ സ്റ്റേ​ഷ​നു​ക​ളി​ല്‍ നി​ല​വി​ല്‍ എ​സ്.​എ​ച്ച്.​ഒ​മാ​രി​ല്ല. ഇ​വി​ടെ​യെ​ല്ലാം എ​സ്.​ഐ​മാ​ര്‍ക്കാ​ണ് സ്റ്റേ​ഷ​ന്റെ ചു​മ​ത​ല. ചി​ല​യി​ട​ങ്ങ​ളി​ൽ ഈ ​മാ​സം 31ന് ​എ​സ്.​എ​ച്ച്.​ഒ​മാ​ർ വി​ര​മി​ക്കു​ന്നു​മു​ണ്ട്. അ​വി​ട​ങ്ങ​ളി​ലും പു​തി​യ നി​യ​മ​നം ന​ട​ക്കി​ല്ലെ​ന്ന​താ​ണ് സ്ഥി​തി.

അ​തേ​സ​മ​യം ത​ര്‍ക്ക​ത്തി​ൽ​​പ്പെ​ടാ​ത്ത സ്ഥാ​ന​ക്ക​യ​റ്റം ല​ഭി​ക്കേ​ണ്ടു​ന്ന 30 ഓ​ളം എ​സ്.​ഐ​മാ​രു​ടെ പ​ട്ടി​ക സം​സ്ഥാ​ന ആ​ഭ്യ​ന്ത​ര​വ​കു​പ്പി​ന്റെ കൈ​വ​ശ​മു​ണ്ട്. എ​ന്നാ​ല്‍, പൊ​ലീ​സി​ലെ ചി​ല ഉ​ന്ന​ത​ര്‍ ത​മ്മി​ലു​ള്ള ച​ര​ടു​വ​ലി കാ​ര​ണം അ​വ​രു​ടെ നി​യ​മ​ന​വും നീ​ളു​ക​യാ​ണത്രെ.