തൊഴിലുണ്ട്; റബർ ടാപ്പിങ്ങിന് വരുന്നോ

ശ്രീ​ക​ണ്ഠ​പു​രം: റ​ബ​ർ ടാ​പ്പി​ങ് തൊ​ഴി​ലാ​ളി​ക​ളെ ആ​വ​ശ്യ​മു​ണ്ട്. ഇ​ത് അ​ടു​ത്ത കാ​ല​ത്താ​യി വ്യാ​പ​ക​മാ​യി പ​ത്ര​ങ്ങ​ളി​ലും മ​റ്റും പ്ര​ച​രി​ക്കു​ന്ന പ​ര​സ്യ​മാ​ണ്. എ​ന്നാ​ൽ, പ്ര​തി​ക​ര​ണം തീ​രെ കു​റ​വാ​ണ്. അ​തും പു​തു ത​ല​മു​റ.റ​ബ​റി​ന് വി​ല കൂ​ടി​യി​ട്ടും ആ​വ​ശ്യ​ത്തി​ന് ടാ​പ്പി​ങ് തൊ​ഴി​ലാ​ളി​ക​ളി​ല്ലാ​ത്ത​തി​നാ​ൽ ഉ​ട​മ​ക​ളാ​ണ് പ്ര​തി​സ​ന്ധി​യി​ലാ​യ​ത്. അ​തി​നാ​ലാ​ണ് അ​വ​ർ ടാ​പ്പി​ങ് തൊ​ഴി​ലാ​ളി​ക​ളെ പ്ര​തീ​ക്ഷി​ക്കു​ന്ന​ത്. നി​ല​വി​ൽ റ​ബ​റി​ന് 200ന് ​മു​ക​ളി​ൽ വി​ല​യു​ള്ള​തി​നാ​ൽ തൊ​ഴി​ലാ​ളി​ക​ൾ​ക്ക് മാ​ന്യ​മാ​യ കൂ​ലി ന​ൽ​കാ​ൻ ക​ർ​ഷ​ക​ർ ത​യാ​റാ​ണെ​ങ്കി​ലും പു​തി​യ ത​ല​മു​റ​യി​ലു​ള്ള​വ​ർ ഈ ​മേ​ഖ​ല​യി​ലേ​ക്ക് വ​രു​ന്നി​ല്ല. പു​തു​ക്കി​യ നി​ര​ക്ക​നു​സ​രി​ച്ച് ഒ​രു റ​ബ​ർ ടാ​പ്പ് ചെ​യ്ത് ഷീ​റ്റ് അ​ടി​ക്കു​ന്ന​തി​ന് മൂ​ന്ന് രൂ​പ തൊ​ഴി​ലാ​ളി​ക്ക് ല​ഭി​ക്കും. 300 മു​ത​ൽ 1000 മ​ര​ങ്ങ​ൾ വ​രെ ടാ​പ്പ് ചെ​യ്യു​ന്ന തൊ​ഴി​ലാ​ളി​ക​ളു​ണ്ട്. പ്ര​തി​മാ​സം ചു​രു​ങ്ങി​യ​ത് 30,000 രൂ​പ​യോ​ളം ല​ഭി​ക്കു​ന്ന ഈ ​ജോ​ലി​യി​ൽ പ​ഴ​യ​തൊ​ഴി​ലാ​ളി​ക​ൾ മാ​ത്ര​മാ​ണു​ള്ള​ത്. 40 വ​യ​സ്സിന് താ​ഴെ​യു​ള്ള നാ​മ​മാ​ത്ര തൊ​ഴി​ലാ​ളി​ക​ൾ തീ​രെ കു​റ​വാ​ണ്.

റ​ബ​റി​ന് വി​ല​യി​ല്ലാ​തെ പ്ര​തി​സ​ന്ധി നേ​രി​ട്ട സ​മ​യ​ത്ത് ഈ ​മേ​ഖ​ല​യെ ഉ​പേ​ക്ഷി​ച്ച ക​ർ​ഷ​ക​രും തൊ​ഴി​ലാ​ളി​ക​ളും തി​രി​ച്ചു വ​രു​ന്നി​ല്ല. വി​ല കു​ത്ത​നെ ഇ​ടി​ഞ്ഞ​തും പ​ഴ​യ​പോ​ലെ സ്ഥി​ര​ത​യി​ല്ലാ​ത്ത​തും ഉ​ത്പാ​ദ​ന ചെ​ല​വ് കു​ടി​യ​തു​മൊ​ക്കെ​യാ​ണ് റ​ബ​റി​ന് ‘ഗ്ലാ​മ​ർ’ പോ​കാ​നു​ള്ള കാ​ര​ണ​ങ്ങ​ൾ. മ​ല​യോ​ര​ത്തെ വീ​ടു​ക​ളി​ലെ യു​വാ​ക്ക​ളി​ൽ ന​ല്ലൊ​രു പ​ങ്കും കൃ​ഷി​വി​ട്ട് ഐ.​ടി മേ​ഖ​ല​യി​ലും വി​ദേ​ശ​ത്ത് പോ​യ​തും റ​ബ​ർ​ത്തോ​ട്ട​ങ്ങ​ളി​ൽ തൊ​ഴി​ലാ​ളി ക്ഷാ​മ​മു​ണ്ടാ​ക്കി. കാ​ട്ടു​പ​ന്നി​യ​ട​ക്ക​മു​ള്ള വ​ന്യ​മൃ​ഗ​ശ​ല്യം രൂ​ക്ഷ​മാ​യ​തും ടാ​പ്പി​ങ്ങി​നി​ടെ പ​ല​രെ​യും ഇ​വ ആ​ക്ര​മി​ച്ച​തും തൊ​ഴി​ലാ​ളി​ക​ളെ മ​റ്റു ജോ​ലി​ക​ൾ നോ​ക്കാ​ൻ പ്രേ​രി​പ്പി​ച്ചു. നി​ല​വി​ൽ സ്വ​യം ടാ​പ്പി​ങ് ന​ട​ത്തി​യാ​ണ് പ​ല ചെ​റു​കി​ട​ത്തോ​ട്ടം ഉ​ട​മ​ക​ളും പി​ടി​ച്ചു​നി​ൽ​ക്കു​ന്ന​ത്.

റ​ബ​ർ ക​ർ​ഷ​ക സം​ഘ​ങ്ങ​ളു​ടെ കീ​ഴി​ൽ ടാ​പ്പി​ങ് തൊ​ഴി​ലാ​ളി​ക​ൾ​ക്കാ​യി റ​ബ​ർ ടാ​പ്പേ​ഴ്സ് ബാ​ങ്ക് എ​ന്ന പേ​രി​ൽ അ​സോ​സി​യേ​ഷ​നു​ക​ളു​ണ്ട്. അ​തും ഫ​ലം ചെ​യ്തി​ല്ല. തു​ട​ക്ക​കാ​ല​ത്ത് ഉ​ണ്ടാ​യി​രു​ന്ന​വ​ര​ല്ലാ​തെ പു​തി​യ അം​ഗ​ങ്ങ​ൾ സം​ഘ​ട​ന​യി​ൽ എ​ത്തു​ന്നി​ല്ല. പ​ല​യി​ട​ത്തും സം​ഘ​ട​ന​യു​ടെ പ്ര​വ​ർ​ത്ത​നം നി​ർ​ജീ​വ​മാ​ണ്. പു​തു​താ​യി ഈ ​ജോ​ലി പ​ഠി​ക്കാ​നോ ചെ​യ്യാ​നോ ആ​ളു​ക​ളെ​ത്തു​ന്നി​ല്ല. പ​ണ്ട് വി​ദ്യാ​ഭ്യാ​സ​മു​ള്ള​വ​ർ പോ​ലും റ​ബ​ർ ബോ​ർ​ഡ് ന​ട​ത്തു​ന്ന ടാ​പ്പി​ങ് പ​രി​ശീ​ല​ന കോ​ഴ്സി​ൽ പ​ങ്കെ​ടു​ക്കാ​റു​ണ്ടാ​യി​രു​ന്നു. ഇ​പ്പോ​ൾ പ​രി​ശീ​ല​ന പ​രി​പാ​ടി​യി​ൽ പ​ങ്കെ​ടു​ക്കാ​ൻ പോ​ലും ആ​ളി​ല്ല. പ​രി​ശീ​ല​ന കേ​ന്ദ്ര​ങ്ങ​ളും നാ​മ മാ​ത്ര​മാ​യി. അ​നു​ബ​ന്ധ ജോ​ലി​ക​ൾ​ക്കും ആ​ളെ കി​ട്ടാ​ത്ത സ്ഥി​തി​യാ​ണ്. കാ​ടു​വെ​ട്ടി​ത്തെ​ളി​ക്ക​ലും, വ​ള​മി​ട​ലും, തു​രി​ശി​ടി​ക്ക​ലും, മ​ഴ​ക്കു​ട ഒ​രു​ക്കു​ന്ന​തു​മെ​ല്ലാം ഉ​ട​മ​ക​ൾ ത​ന്നെ ചെ​യ്താ​ണ് കൃ​ഷി മു​ന്നോ​ട്ട് കൊ​ണ്ടു പോ​കു​ന്ന​ത്. മു​മ്പ് വ​ർ​ഷ​ത്തി​ൽ ര​ണ്ട് ത​വ​ണ കാ​ട് വെ​ട്ടി തെ​ളി​ച്ചി​രു​ന്ന​ത് പ​ല​രും ഒ​രു ത​വ​ണ മാ​ത്ര​മാ​ക്കി. പ​ല ക​ർ​ഷ​ക​രും റ​ബ​ർ മ​ര​ങ്ങ​ൾ​ക്ക് വ​ള​പ്ര​യോ​ഗം പോ​ലും ന​ട​ത്തു​ന്നി​ല്ല. റ​ബ​ർ​ക്കു​ട​യും തു​രി​ശ​ടി​ക്ക​ലും പ​ല​രും ചെ​യ്യാ​താ​യി.

തൊ​ഴി​ലാ​ളി​ക​ളു​ടെ ജീ​വ​ിത സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തി ടാ​പ്പി​ങ് മേ​ഖ​ല സു​ര​ക്ഷി​ത​മാ​ക്കാ​ൻ റ​ബ​ർ ബോ​ർ​ഡി​ന്റെ നേ​തൃ​ത്വ​ത്തി​ൽ പ​ല പ​ദ്ധ​തി​ക​ളും ന​ട​ത്തു​ന്നു​ണ്ട്. എ​ന്നാ​ൽ ആ​നു​കൂ​ല്യ​ങ്ങ​ൾ കൃ​ത്യ​മാ​യി ല​ഭി​ക്കാ​ത്ത​ത് ഇ​വ​ർ​ക്ക് വ​ലി​യ തി​രി​ച്ച​ടി​യാ​ണ്. റ​ബ​ർ ബോ​ർ​ഡി​ന്റെ നേ​തൃ​ത്വ​ത്തി​ൽ ഗ്രൂ​പ്പ് ഇ​ൻ​ഷൂ​റ​ൻ​സ് പ​ദ്ധ​തി, ഹൗ​സി​ങ് സ​ബ്സി​ഡി, ടാ​പ്പി​ങ് തൊ​ഴി​ലാ​ളി​ക​ളു​ടെ മ​ക്ക​ളു​ടെ വി​ദ്യാ​ഭ്യാ​സ​ത്തി​ന് സ​ഹാ​യം, വ​നി​ത ടാ​പ്പി​ങ് തൊ​ഴി​ലാ​ളി​ക​ൾ​ക്കു​ള്ള സ​ഹാ​യ​ങ്ങ​ൾ തു​ട​ങ്ങി​യ പ​ദ്ധ​തി​ക​ളാ​ണു​ള്ള​ത്. പ​ദ്ധ​തി​ക​ൾ കൂ​ടു​ത​ൽ ആ​ക​ർ​ഷ​ക​മാ​ക്കി കൃ​ത്യ​സ​മ​യ​ത്ത് ല​ഭ്യ​മാ​ക്കി​യാ​ൽ ഈ ​മേ​ഖ​ല​യി​ലേ​ക്ക് തൊ​ഴി​ലാ​ളി​ക​ളെ എ​ത്തി​ക്കാ​ൻ സാ​ധി​ച്ചേ​ക്കും. ഒ​പ്പം ക​ർ​ഷ​ക ര​ക്ഷ​യും ഉ​ണ്ടാ​വും.