ആറ് വർഷം മുമ്പ് സ്ഥ​ലം ല​ഭി​ച്ചി​ട്ടും കെ​ട്ടി​ടം യാഥാർഥ്യമായില്ല; വാ​ട​ക​ക്കെ​ട്ടി​ട​ത്തി​ൽ ദു​രി​ത​മൊ​ഴി​യാ​തെ ശ്രീ​ക​ണ്ഠ​പു​രം സ​ബ് ട്ര​ഷ​റി

ശ്രീ​ക​ണ്ഠ​പു​രം: സ്വ​ന്തം കെ​ട്ടി​ട​മൊ​രു​ക്കാ​ത്ത​തി​നാ​ൽ അ​സൗ​ക​ര്യ​ങ്ങ​ളു​ടെ ഇ​ടു​ങ്ങി​യ വാ​ട​ക മു​റി​യി​ൽ ഇ​പ്പോ​ഴും ശ്രീ​ക​ണ്ഠ​പു​രം സ​ബ് ട്ര​ഷ​റി. വ​ർ​ഷ​ങ്ങ​ളാ​യി ബ​സ് സ്റ്റാ​ൻ​ഡി​നു സ​മീ​പം സാ​മാ ബ​സാ​റി​ലെ കെ​ട്ടി​ട​ത്തി​ൽ ഒ​ന്നാം നി​ല​യി​ലാ​ണ് ശ്രീ​ക​ണ്ഠ​പു​രം സ​ബ്ട്ര​ഷ​റി പ്ര​വ​ർ​ത്തി​ക്കു​ന്ന​ത്. ദി​നം​പ്ര​തി വ​യോ​ധി​ക​ര​ട​ക്കം നി​ര​വ​ധി പേ​ർ എ​ത്തു​ന്ന ട്ര​ഷ​റി​ക്ക് ഇ​നി​യും സ്വ​ന്തം കെ​ട്ടു​മൊ​രു​ക്കാ​ത്ത​ത് വ​ലി​യ ദു​രി​ത​മാ​ണു​ണ്ടാ​ക്കു​ന്ന​ത്.

ഇ​ടു​ങ്ങി​യ ഏ​ണി​പ്പ​ടി വ​ഴി ക​യ​റി​യാ​ണ് വ​യോ​ജ​ന​ങ്ങ​ള​ട​ക്കം ട്ര​ഷ​റി​യി​ലെ​ത്തേ​ണ്ട​ത്. ലി​ഫ്റ്റ് സ്ഥാ​പി​ക്ക​ണ​മെ​ന്ന നി​ര​ന്ത​ര ആ​വ​ശ്യ​ത്തെ തു​ട​ർ​ന്ന് പ​ണി തു​ട​ങ്ങി​യെ​ങ്കി​ലും പാ​തി​വ​ഴി​ക്ക് നി​ല​ച്ചി​രി​ക്ക​യാ​ണ്. ട്ര​ഷ​റി​ക്കു​ള്ളി​ൽ ജീ​വ​ന​ക്കാ​ർ​ക്കു​പോ​ലും നി​ന്നുതി​രി​യാ​ൻ ഇ​ട​മി​ല്ല. വ​ന്നെ​ത്തു​ന്ന​വ​രു​ടെ സ്ഥി​തി​യും ദ​യ​നീ​യം. ല​ക്ഷ​ങ്ങ​ൾ വാ​ട​ക​യി​ന​ത്തി​ൽ ന​ൽ​കു​മ്പോ​ഴും മി​ക​ച്ച സൗ​ക​ര്യ​ങ്ങ​ളൊ​ന്നും ഇ​വി​ടെ ഒ​രു​ക്കി​യി​ട്ടി​ല്ല. ന​ല്ല വി​ശാ​ല​മാ​യ ഇ​രി​പ്പി​ടം പോ​ലും ഇ​ല്ല. ഇ​വി​ടു​ത്തെ ദു​രി​ത​ങ്ങ​ൾ​ക്ക് എ​ന്നാ​ണ് അ​റു​തി​യാ​വു​ക​യെ​ന്നാ​ണ് പെ​ൻ​ഷ​ൻ​കാ​രും അ​വ​രു​ടെ സം​ഘ​ട​ന​ക​ളും ചോ​ദി​ക്കു​ന്ന​ത്.

ട്ര​ഷ​റി​ക്ക് കോ​ട്ടൂ​രി​ൽ പു​തി​യ കെ​ട്ടി​ടം നി​ർ​മി​ക്കാ​ൻ ആ​റ് വ​ർ​ഷം മു​മ്പ് നീ​ക്കം തു​ട​ങ്ങി​യെ​ങ്കി​ലും വി​വാ​ദ കോ​ലാ​ഹ​ല​ങ്ങ​ളാ​ൽ അ​ത് എ​ങ്ങു​മെ​ത്തി​യി​ല്ല. കോ​ട്ടൂ​രി​ലെ പാ​റ​ങ്കു​ള​ങ്ങ​ര ജി​മ്മി ജേ​ക്ക​ബ്, കാ​ഞ്ഞി​ക്ക​ൽ ബി​ജി തോ​മ​സ് എ​ന്നി​വ​രാ​ണ് ട്ര​ഷ​റി​ക്കാ​യി എ​ട്ടേ​മു​ക്കാ​ൽ സെ​ന്റ് സ്ഥ​ലം അ​ന്ന് സൗ​ജ​ന്യ​മാ​യി ന​ൽ​കി​യ​ത്.

ത​ളി​പ്പ​റ​മ്പ്-​ഇ​രി​ട്ടി സം​സ്ഥാ​ന പാ​ത​യോ​ര​ത്ത് കോ​ട്ടൂ​ർ എ​സ്.​ഇ.​എ​സ്. കോ​ള​ജ് സ്റ്റോ​പ്പി​ന് സ​മീ​പ​ത്ത് പു​ഴ​യോ​ട് ചേ​ർ​ന്ന് ന​ൽ​കി​യ സ്ഥ​ലം കേ​ര​ള ഗ​വ​ർ​ണ​റു​ടെ പേ​രി​ൽ ര​ജി​സ്റ്റ​ർ ന​ട​ത്തു​ക​യും ചെ​യ്തു. തു​ട​ർ​ന്ന് ഒ​രു കോ​ടി രൂ​പ ചെ​ല​വി​ൽ ട്ര​ഷ​റി കെ​ട്ടി​ടം നി​ർ​മി​ക്കു​വാ​നും തീ​രു​മാ​നി​ച്ചു. ഏ​ഴ് കൗ​ണ്ട​റു​ക​ൾ, പെ​ൻ​ഷ​നേ​ഴ്‌​സി​നു​ള്ള വി​ശ്ര​മ മു​റി, ഭി​ന്ന​ശേ​ഷി​ക്കാ​ർ​ക്കു​ള​ള പ്ര​ത്യേ​ക ടോ​യ​ല​റ്റ് തു​ട​ങ്ങി​യ ആ​ധു​നി​ക സൗ​ക​ര്യ​ങ്ങ​ളോ​ടെ കെ​ട്ടി​ടം നി​ർ​മി​ക്കു​വാ​നാ​യി​രു​ന്നു ധാ​ര​ണ. എ​റ​ണാ​കു​ള​ത്തു​ള്ള ഇ​ൻ​ക​ൽ ക​മ്പ​നി​ക്ക് നി​ർ​മാ​ണ​ചു​മ​ത​ല ന​ൽ​കി​യ​താ​യും അ​ധി​കൃ​ത​ർ വ്യ​ക്ത​മാ​ക്കി.

അ​തി​നി​ടെ​യാ​ണ് എ​തി​ർ​പ്പും രൂ​ക്ഷ​മാ​യ​ത്. മ​ഴ​ക്കാ​ല​ത്ത് വെ​ള്ളം ക​യ​റി മു​ങ്ങു​ന്ന പു​ഴ​യോ​ര​ത്താ​ണ് ട്ര​ഷ​റി​ക്ക് അ​നു​വ​ദി​ച്ച സ്ഥ​ലം എ​ന്ന​താ​ണ് വ​ലി​യ എ​തി​ർ​പ്പി​ന് ഇ​ട​യാ​ക്കി​യ​ത്. കെ​ട്ടി​ട​മൊ​രു​ക്കി​യാ​ൽ പ്ര​ള​യ​കാ​ല​ത്ത് കെ​ട്ടി​ടം വെ​ള്ള​ത്തി​ന​ടി​യി​ലാ​വും. കൂ​ടാ​തെ ശ്രീ​ക​ണ്ഠ​പു​രം ന​ഗ​ര​ത്തി​ൽനി​ന്ന് ഏ​റെ ദൂ​രെ​യാ​യ​തി​നാ​ൽ വ​യോ​ജ​ന​ങ്ങ​ള​ട​ക്കം അ​വി​ടെ​യെ​ത്താ​ൻ മ​റ്റ് വ​ണ്ടി​ക​ളെ ആ​ശ്ര​യി​ക്കേ​ണ്ടി​യും​വ​രും.

ഇ​ത്ത​രം സാ​ഹ​ച​ര്യ​ത്തി​ൽ മ​റ്റൊ​രി​ട​ത്ത് സ്ഥ​ലം ക​ണ്ടെ​ത്തി വേ​ണം ട്ര​ഷ​റി​ക്ക് കെ​ട്ടി​ട​മൊ​രു​ക്കാ​ൻ എ​ന്ന വാ​ദ​വും ഉ​യ​ർ​ന്നു. പി​ന്നാ​ലെ നി​ർ​മാ​ണം ക​ട​ലാ​സി​ലൊ​തു​ങ്ങി. നി​ല​വി​ൽ ഈ ​സ്ഥ​ലം കാ​ടു​ക​യ​റി മൂ​ടി​യി​രി​ക്ക​യാ​ണ്. ടൗ​ണി​ൽ ത​ന്നെ മ​റ്റൊ​രു സ്ഥ​ലം ക​ണ്ടെ​ത്തി ആ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ ട്ര​ഷ​റി കെ​ട്ടി​ടം ഒ​രു​ക്കാ​ൻ സ​ർ​ക്കാ​ർ ഇ​നി​യെ​ങ്കി​ലും ത​യാ​റാ​വ​ണ​മെ​ന്നാ​ണ് പെ​ൻ​ഷ​ൻ​കാ​രു​ടെ ആ​വ​ശ്യം.