കേസിൽ കുടുങ്ങി...അഡൂർക്കടവ് പാലം നിർമാണം വൈകും

ശ്രീ​ക​ണ്ഠ​പു​രം: ചെ​ങ്ങ​ളാ​യി​യെ​യും മ​ല​പ്പ​ട്ട​ത്തെ​യും ബ​ന്ധി​പ്പി​ക്കു​ന്ന ചെ​ങ്ങ​ളാ​യി - അ​ഡൂ​ർക്കട​വ് പാ​ല​ത്തി​ന്റെ നി​ർ​മാ​ണം ടെ​ൻ​ഡ​റു​മാ​യി ബ​ന്ധ​പ്പെ​ട്ട കേ​സി​ൽ കു​ടു​ങ്ങി​യ​തോ​ടെ ജ​നം നി​രാ​ശ​യി​ൽ.

പാ​ല​ത്തി​ന്റെ ടെ​ൻ​ഡ​ർ ന​ട​പ​ടി​ക​ൾ നേ​ര​ത്തേ പൂ​ർ​ത്തി​യാ​യി​രു​ന്നു. ഊ​രാ​ളു​ങ്ക​ൽ സൊ​സൈ​റ്റി​യാ​ണ് ടെ​ൻ​ഡ​ർ എ​ടു​ത്ത​ത്. എ​ന്നാ​ൽ, നി​യ​മ​പ​ര​മാ​യ​ല്ല ടെ​ൻ​ഡ​ർ ന​ൽ​കി​യ​തെ​ന്നാ​രോ​പി​ച്ച് ഇ​രി​ക്കൂ​റി​ലെ ക​ൺ​സ്ട്ര​ക്ഷ​ൻ ക​മ്പ​നി​യാ​ണ് കേ​സ് ന​ൽ​കി​യ​ത്. ഇ​തോ​ടെ പാ​ലം നി​ർ​മാ​ണ​വു​മാ​യി ബ​ന്ധ​പ്പെ​ട്ട മ​റ്റു ന​ട​പ​ടി​യെ​ല്ലാം നി​ല​ച്ചു. ജൂ​ലൈ 17ന് ​മ​ന്ത്രി പി.​എ. മു​ഹ​മ്മ​ദ് റി​യാ​സി​നെ കൊ​ണ്ട് പാ​ല​ത്തി​ന്റെ നി​ർ​മാ​ണ പ്ര​വൃ​ത്തി ഉ​ദ്ഘാ​ട​നം ന​ട​ത്തിക്കാ​നി​രി​ക്കെ​യാ​ണ് കേ​സ് വ​ന്ന​ത്. തു​ട​ർ​ന്ന് ഉ​ദ്ഘാ​ട​ന​ച്ച​ട​ങ്ങ് മാ​റ്റി​വെ​ച്ചു. നി​യ​മ​പ​ര​മാ​യാ​ണ് ഊ​രാ​ളു​ങ്ക​ൽ സൊ​സൈ​റ്റി​ക്ക് ടെ​ൻ​ഡ​ർ ന​ൽ​കി​യ​തെ​ന്നും ഇ​രി​ക്കൂ​റി​ലെ ക​ൺ​സ്ട്ര​ക്ഷ​ൻ ക​മ്പ​നി അ​നാ​വ​ശ്യ​മായാ​ണ് കേ​സ് ന​ൽ​കി​യ​തെ​ന്നു​മാ​ണ് അ​ധി​കൃ​ത​ർ പ​റ​യു​ന്ന​ത്.

ഇ​രി​ക്കൂ​ർ, ത​ളി​പ്പ​റ​മ്പ് മ​ണ്ഡ​ല​ങ്ങ​ളെ കൂ​ടി ബ​ന്ധി​പ്പി​ക്കു​ന്ന​താ​ണ് പാ​ലം. 12 കോ​ടി ചെ​ല​വി​ലാ​ണ് അ​ഡൂ​ർ​ക്ക​ട​വി​ൽ പാ​ലം നി​ർ​മി​ക്കാ​ൻ തീ​രു​മാ​നി​ച്ച​ത്. ഒ​ന്നാം പി​ണ​റാ​യി സ​ർ​ക്കാ​റി​ന്റെ കാ​ല​ത്ത് 2018-19 വ​ർ​ഷ​ത്തെ ബ​ജ​റ്റി​ൽ 9.50 കോ​ടി പാ​ലം നി​ർ​മാ​ണ​ത്തി​ന് അ​നു​വ​ദി​ച്ചി​രു​ന്നു. സ​മീ​പ റോ​ഡ് നി​ർ​മാ​ണ​ത്തി​നാ​യി നാ​ട്ടു​കാ​ർ സൗ​ജ​ന്യ​മാ​യി സ്ഥ​ലം ന​ൽ​കു​ക​യും ചെ​യ്തി​രു​ന്നു. എ​ന്നാ​ൽ, 2018-19 വ​ർ​ഷ​ങ്ങ​ളി​ലു​ണ്ടാ​യ വെ​ള്ള​പ്പൊ​ക്ക​ത്തെ തു​ട​ർ​ന്ന് പൊ​തു​മ​രാ​മ​ത്ത് വ​കു​പ്പ് പാ​ല​ത്തി​ന്റെ പ്ലാ​നി​ലും എ​സ്റ്റി​മേ​റ്റി​ലും റീ ​കാ​സ്റ്റി​ങ് വ​രു​ത്തി. ഇ​തോ​ടെ തു​ട​ർ ന​ട​പ​ടി​ക​ൾ നി​ല​ച്ചു. പി​ന്നീ​ട് ത​ളി​പ്പ​റ​മ്പ് എം.​എ​ൽ.​എ എം.​വി. ഗോ​വി​ന്ദ​ന്‍, ഇ​രി​ക്കൂ​ർ എം.​എ​ൽ.​എ സ​ജീ​വ് ജോ​സ​ഫ് എ​ന്നി​വ​ർ പാ​ലം നി​ര്‍മാ​ണ​വു​മാ​യി ബ​ന്ധ​പ്പെ​ട്ട് തു​ട​രു​ന്ന പ്ര​ശ്ന​ങ്ങ​ള്‍ മ​ന്ത്രി പി.​എ. മു​ഹ​മ്മ​ദ് റി​യാ​സി​ന്റെ ശ്ര​ദ്ധ​യി​ൽപെ​ടു​ത്തി​യി​രു​ന്നു. ഇ​തേ തു​ട​ർ​ന്നാ​ണ് ത​ട​സ്സ​ങ്ങ​ള്‍ നീ​ക്കി ടെ​ൻ​ഡ​ർ ന​ൽ​കി​യ​ത്. എ​ന്നാ​ൽ നി​ല​വി​ൽ നി​ർ​മാ​ണം കേ​സി​ൽ കു​ടു​ങ്ങിനി​ൽ​ക്കു​ന്ന​തി​നാ​ൽ പാ​ലം ഇ​നി​യെ​ന്ന് യാ​ഥാ​ർ​ഥ്യ​മാ​കു​മെ​ന്ന ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ൾ.

ആ​ശ്ര​യം തൂ​ക്കു​പാ​ലം മാ​ത്രം

ചെ​ങ്ങ​ളാ​യി ടൗ​ണി​ന​ടു​ത്ത ക​ട​വി​ലാ​ണ് അ​ഡൂ​രി​നെ ബ​ന്ധി​പ്പി​ച്ച് പാ​ലം പ​ണി​യു​ക. നി​ല​വി​ൽ ഇ​വി​ടെ തൂ​ക്കു​പാ​ല​മാ​ണ് ഏ​ക ആ​ശ്ര​യം. ദി​നം​പ്ര​തി കു​ട്ടി​ക​ളും പ്രാ​യ​മാ​യ​വ​രു​മെ​ല്ലാം തൂ​ക്കു​പാ​ലം ക​ട​ന്നാ​ണ് മ​റു​ക​ര​ക​ളി​ലെ​ത്തു​ന്ന​ത്.

പു​തി​യ പാ​ലം വ​രു​ന്ന​തോ​ടെ മ​ല​പ്പ​ട്ടം, മ​യ്യി​ൽ ഭാ​ഗ​ത്തു​ള്ള​വ​ർ​ക്കെ​ല്ലാം ശ്രീ​ക​ണ്ഠ​പു​രം പോ​കാ​തെ ചെ​ങ്ങ​ളാ​യി മേ​ഖ​ല​യി​ലേ​ക്ക് എ​ളു​പ്പ​ത്തി​ലെ​ത്താ​ൻ സാ​ധി​ക്കും. വി​മാ​ന​ത്താ​വ​ള ലി​ങ്ക് റോ​ഡ് നി​ല​വി​ൽ വ​രു​മ്പോ​ൾ മ​റ്റ് വി​വി​ധ​യി​ട​ങ്ങ​ളി​ൽ നി​ന്നും ലി​ങ്ക് റോ​ഡി​നെ ബ​ന്ധി​പ്പി​ക്കു​ന്ന​തി​ന്റെ ഭാ​ഗ​മാ​യി​കൂ​ടി​യാ​ണ് പു​തി​യ പാ​ലം പ​ണി​യു​ന്ന​ത്.

വി​മാ​ന​ത്താ​വ​ള​ത്തി​ലേ​ക്കു​ള്ള എ​ളു​പ്പ​മാ​ർ​ഗം കൂ​ടി​യാ​ണി​ത്. കാ​ല​വ​ർ​ഷ​ത്തി​ൽ ശ്രീ​ക​ണ്ഠ​പു​രം ന​ഗ​ര​വും പ​രി​പ്പാ​യി പ്ര​ദേ​ശ​വു​മെ​ല്ലാം വെ​ള്ള​ത്തി​ന​ടി​യി​ലാ​യി ദി​വ​സ​ങ്ങ​ളോ​ളം ഗ​താ​ഗ​തം മു​ട​ങ്ങു​ന്ന​ത് പ​തി​വാ​ണ്.

പാ​ലം യാ​ഥാ​ർ​ഥ്യമാ​യാ​ൽ ചെ​ങ്ങ​ളാ​യി ഭാ​ഗ​ത്തെ​ത്തു​ന്ന​വ​ർ​ക്ക് മ​ല​പ്പ​ട്ടം, ക​ണി​യാ​ർ വ​യ​ൽ, ഇ​രി​ക്കൂ​ർ ഭാ​ഗ​ങ്ങ​ളി​ലേ​ക്ക് എ​ളു​പ്പ​ത്തി​ലെ​ത്താ​നും സാ​ധി​ക്കും. നി​ല​വി​ൽ ഇ​വി​ടത്തെ തൂ​ക്കു​പാ​ലം തു​രു​മ്പെ​ടു​ത്ത് അ​പ​ക​ട ഭീ​തി​യി​ലാ​ണ്. ച​വി​ട്ടു​പ​ടി​ക​ളും കൈ​വ​രി​ഭാ​ഗ​വും തു​രു​മ്പി​ച്ചി​ട്ടു​ണ്ട്.​ഇ​ത് ഏ​റെ അ​പ​ക​ട​ക്കെ​ണി​യാ​ണൊ​രു​ക്കു​ന്ന​ത്. യാ​ത്ര​ക്കാ​രു​ടെ കാ​ലി​ലും കൈ​യി​ലും തു​രു​മ്പി​ച്ച ഷീ​റ്റും ക​മ്പി​യും കൊ​ള്ളു​ന്ന​തും പ​തി​വാ​ണ്. പാ​ലം യാ​ഥാ​ര്‍ഥ്യ​മാ​യാ​ൽ ഏ​റെ​ക്കാ​ല​മാ​യി മ​ല​പ്പ​ട്ടം, ചെ​ങ്ങ​ളാ​യി നി​വാ​സി​ക​ള്‍ അ​നു​ഭ​വി​ക്കു​ന്ന യാ​ത്രാ​ദു​രി​ത​ത്തി​ന് പ​രി​ഹാ​ര​മാ​കും. പാ​ലം യാ​ഥാ​ർ​ഥ്യമാ​ക്കാ​ൻ അ​ടി​യ​ന്ത​ര ഇ​ട​പെ​ട​ൽ ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് ചെ​ങ്ങ​ളാ​യി പ​ഞ്ചാ​യ​ത്ത് ഒ​മ്പ​താം വാ​ർ​ഡം​ഗം ആ​ഷി​ഖ് ചെ​ങ്ങ​ളാ​യി വ​കു​പ്പു മ​ന്ത്രി​ക്ക​ട​ക്കം നി​വേ​ദ​നം അ​യ​ച്ചി​ട്ടു​ണ്ട്.