റൂറൽ ജില്ല പൊലീസിലെ ഒഴിവുകൾ നികത്തൽ വൈകുന്നു

ശ്രീ​ക​ണ്ഠ​പു​രം: പൊ​ലീ​സ് റൂ​റ​ൽ ജി​ല്ല​യി​ൽ പൊ​ലീ​സ് ഉ​ദ്യോ​ഗ​സ്ഥ​രു​ടെ 35 ല​ധി​കം ഒ​ഴി​വു​ക​ളു​ണ്ടാ​യി​ട്ടും നി​ക​ത്തു​ന്നി​ല്ലെ​ന്ന് ആ​ക്ഷേ​പം. നി​ല​വി​ൽ ക​ണ്ണൂ​ർ സി​റ്റി​യി​ൽ നി​ന്ന് 31ഓ​ളം ജൂ​നി​യ​ർ പൊ​ലീ​സു​കാ​ർ റൂ​റ​ൽ പൊ​ലീ​സി​ൽ അ​റ്റാ​ച്ച് ഡ്യൂ​ട്ടി ചെ​യ്തു​വ​രു​ന്നു​ണ്ട്. ഇ​വ​രെ തി​രി​കെ വി​ടാ​തെ വ​ച്ചി​രി​ക്കു​ന്ന​താ​ണ് അ​മ​ർ​ഷ​ത്തി​നി​ട​യാ​ക്കു​ന്ന​ത്.

സി​റ്റി​യി​ൽ നി​ന്ന് വ​ന്ന 22 പൊ​ലീ​സു​കാ​ർ ആ​ന്റി ന​ക്സ​ൽ ഫോ​ഴ്‌​സി​ലാ​ണ് ജോ​ലി ചെ​യ്യു​ന്ന​ത്. 2018 മു​ത​ൽ ആ​ൻ​റി ന​ക്സ​ൽ വി​ഭാ​ഗ​ത്തി​ൽ തു​ട​രു​ന്ന ഇ​ത്ര​യും പൊ​ലീ​സു​കാ​രു​ടെ അ​റ്റാ​ച്ച് ഡ്യൂ​ട്ടി കാ​ലാ​വ​ധി 2022 ൽ ​ക​ഴി​ഞ്ഞി​രി​ക്കെ വീ​ണ്ടും 2023 വ​രെ പു​തു​ക്കി ന​ൽ​കു​ക​യാ​യി​രു​ന്നു. ഈ ​മാ​സം അ​വ​സാ​ന​ത്തോ​ടെ അ​ഞ്ച് വ​ർ​ഷ കാ​ലാ​വ​ധി ക​ഴി​യു​ന്ന ഇ​വ​രി​ൽ നി​ന്നും റൂ​റ​ൽ ജി​ല്ല​യി​ൽ ഇ​നി​യും തു​ട​രു​ന്ന​തി​നു വേ​ണ്ട അ​പേ​ക്ഷ​യും നേ​ര​ത്തെ സ്വീ​ക​രി​ച്ചു. തു​ട​ർ​ന്ന് റൂ​റ​ൽ പൊ​ലീ​സ് മേ​ധാ​വി​യു​ടെ അ​നു​മ​തി​യോ​ടെ

ക​ഴി​ഞ്ഞ ആ​ഗ​സ്റ്റ് ഒ​മ്പ​തി​ന് ഇ​വ​ർ​ക്കാ​യി കാ​യി​ക പ​രീ​ക്ഷ​യും ന​ട​ത്തി. നി​ല​വി​ൽ ഇ​വ​രേ​ക്കാ​ളും സീ​നി​യ​ർ ആ​യ പൊ​ലീ​സ് ഉ​ദ്യോ​ഗ​സ്ഥ​ർ ക​ണ്ണൂ​ർ സി​റ്റി​യി​ൽ ജോ​ലി ചെ​യ്തു വ​രു​മ്പോ​ഴാണ് ഒ​രു വ്യ​വ​സ്ഥ​യും പാ​ലി​ക്കാ​തെ ഇ​ത്ത​രം ന​ട​പ​ടി​ക​ൾ സ്വീ​ക​രി​ച്ച​തെ​ന്നാ​ണ് സേ​ന​ക്കുള്ളിലെ സം​സാ​രം.

കൂ​ടാ​തെ 2021 ൽ ​ക​ണ്ണൂ​ർ റൂ​റ​ൽ പൊ​ലീ​സ് ജി​ല്ല രൂ​പീ​കൃ​ത​മാ​യ​തു മു​ത​ൽ സീ​നി​യോ​റി​റ്റി മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ ഏ​റ്റ​വും ജൂ​നി​യ​ർ ആ​യ ഒ​മ്പ​ത് പൊ​ലീ​സു​കാ​ർ ക​ണ്ണൂ​ർ സി​റ്റി​യി​ൽ നി​ന്നും റൂ​റ​ൽ ആ​സ്ഥാ​ന​ത്ത് ജോ​ലി ചെ​യ്തു​വ​രു​ന്നു​ണ്ട്. അ​വ​രെ​യും ഇ​തു​വ​രെ തി​രി​ച്ച​യച്ചി​ട്ടി​ല്ല.

ഈ ​ഒ​മ്പ​തു പൊ​ലീ​സു​കാ​രെ​യ​ട​ക്കം സി​റ്റി​യി​ലേ​ക്ക് തി​രി​കെ​യ​യ​ക്ക​ണ​മെ​ന്ന് സി​റ്റി പൊ​ലീ​സ് ക​മീ​ഷ​ണ​ർ തു​ട​ർ​ച്ച​യാ​യി ആ​വ​ശ്യ​പ്പെ​ട്ടി​ട്ടും നാ​ളി​തു​വ​രെ അ​തു​ണ്ടാ​യി​ട്ടി​ല്ല. അ​ത് കാ​ര​ണം സി​റ്റി​യി​ൽ സി​വി​ൽ പൊ​ലീ​സ് ഓ​ഫി​സ​ർ​മാ​രു​ടെ കു​റ​വ് വ​രി​ക​യും ക​ണ്ണൂ​ർ റൂ​റ​ലി​ൽ പ​രി​ഗ​ണി​ക്കാ​ൻ അ​പേ​ക്ഷ ന​ൽ​കി​യ സീ​നി​യോ​റി​റ്റി പ്ര​കാ​ര​മു​ള്ള സ്ഥ​ലംമാ​റ്റം മു​ട​ങ്ങു​ക​യും ചെ​യ്തി​രി​ക്ക​യാ​ണ്.

റൂ​റ​ലി​ൽ പ​ല സ്റ്റേ​ഷ​നു​ക​ളി​ലും ആ​വ​ശ്യ​ത്തി​ന് പൊ​ലീ​സു​കാ​രി​ല്ലാ​ത്ത​തി​നാ​ൽ അ​വി​ടെ​യും നി​ല​വി​ലു​ള്ള​വ​ർ ജോ​ലി​ഭാ​ര​വും ക​ടു​ത്ത മാ​ന​സി​കസ​മ്മ​ർദ​വും അ​നു​ഭ​വി​ക്കേ​ണ്ടിവ​രു​ന്നു​ണ്ട്. റൂ​റ​ലി​ലെ 35 ല​ധി​കം വ​രു​ന്ന ഒ​ഴി​വു​ക​ൾ നി​ക​ത്തി​യാ​ൽ ത​ന്നെ പ്ര​ശ്ന പ​രി​ഹാ​ര​മു​ണ്ടാ​വു​മെ​ങ്കി​ലും അ​ത് നീ​ട്ടി​കൊ​ണ്ടുപോ​കു​ന്ന സ്ഥി​തി​യാ​ണു​ള്ള​ത്.