പുഴ കവർന്ന് തീരുന്നു; തേർലായി ദ്വീപ്

ശ്രീ​ക​ണ്ഠ​പു​രം: വീ​ണ്ടും കാ​ല​വ​ർ​ഷം എ​ത്തു​മ്പോ​ൾ ചെ​ങ്ങ​ളാ​യി തേ​ർ​ളാ​യി ദ്വീ​പു​കാ​ർ​ക്ക് ആ​ധി​യാ​ണ്. ക​ര​യെ പു​ഴ ക​വ​രാ​നെ​ത്തു​ന്ന​താ​ണ് ഇ​വി​ടു​ത്തു​കാ​രെ സ​ങ്ക​ട​ത്തി​ലാ​ക്കു​ന്ന​ത്. മു​ൻ കാ​ല​ങ്ങ​ളി​ലേ​തി​നെ​ക്കാ​ൾ വേ​ഗ​ത്തി​ലാ​ണ് നി​ല​വി​ൽ ക​ര​യി​ടി​യു​ന്ന​ത്.

സം​ര​ക്ഷ​ണ ഭി​ത്തി ഒ​രു​ക്കാ​ത്ത ദ്വീ​പി​ന്റെ ഭാ​ഗ​ങ്ങ​ളി​ലാ​ണ് ക​ര​യി​ടി​യു​ന്ന​ത്. ഇ​വി​ടത്തെ മ​ണ്ണും തെ​ങ്ങും മ​റ്റ് മ​ര​ങ്ങ​ളു​മെ​ല്ലാം പു​ഴ​യെ​ടു​ത്തു. ക​ര​യി​ടി​ഞ്ഞ് പു​ഴ​യോ​ര​ത്തെ വീ​ടു​ക​ള​ട​ക്കം അ​പ​ക​ടാ​വ​സ്ഥ​യി​ലാ​ണ്.

വീ​ട്ടു​കാ​ർ അ​ന്തി​യു​റ​ങ്ങു​ന്ന​ത് ഭീ​തി​യോ​ടെ​യാ​ണ്. വീ​ടു​ക​ളും പു​ഴ​യെ​ടു​ക്കാ​നൊ​രു​ങ്ങു​മ്പോ​ൾ ഇ​നി​യെ​ന്ത് ചെ​യ്യു​മെ​ന്ന് ദ്വീ​പ് നി​വാ​സി​ക​ൾ ചോ​ദി​ക്കു​ന്നു. ചെ​ങ്ങ​ളാ​യി പ​ഞ്ചാ​യ​ത്തി​ലെ 198 ഹെ​ക്ട​ർ വി​സ്തീ​ർ​ണ്ണ​മു​ള്ള പ്ര​കൃ​തി ര​മ​ണീ​യ​മാ​യ തേ​ർ​ലാ​യി ദ്വീ​പി​നെ നാ​ലു ഭാ​ഗ​വും ചു​റ്റി നി​ൽ​ക്കു​ന്ന​ത് വ​ള​പ​ട്ട​ണം പു​ഴ​യാ​ണ്. ഈ ​പു​ഴ​യ​റി​യാ​തെ തേ​ർ​ലാ​യി നി​വാ​സി​ക​ൾ പു​റ​ത്തി​റ​ങ്ങി​ല്ല. സ​ങ്ക​ട​വും സ​ന്തോ​ഷ​വു​മെ​ല്ലാം പ​ങ്കു​വെ​ക്കാ​ൻ ഈ ​ദ്വീ​പു​കാ​ർ പു​ഴ​യെ ആ​ശ്ര​യി​ക്കും. മാ​ലി​ന്യം വ​ലി​ച്ചെ​റി​യാ​തെ സം​ര​ക്ഷി​ച്ചി​ട്ടും വ​ള​പ​ട്ട​ണം പു​ഴ മ​ഴ​ക്കാ​ല​ത്ത് ക​ര​ക​വി​ഞ്ഞ് മാ​ലി​ന്യ​ങ്ങ​ളു​മാ​യി ദ്വീ​പി​ലെ​ത്തു​ന്നു​വെ​ന്ന് ഇ​വി​ടു​ത്തു​കാ​ർ സ​ങ്ക​ട​ത്തോ​ടെ പ​റ​യു​ന്നു. 130 ഓ​ളം കു​ടും​ബ​ങ്ങ​ൾ ക​ഴി​യു​ന്ന തേ​ർ​ലാ​യി ദ്വീ​പ് ക​ര​യി​ടി​ച്ചി​ലി​ലും വെ​ള്ള​പ്പൊ​ക്ക​ത്തി​ലും​പെ​ട്ട് നാ​ശ​ത്തി​ന്റെ വ​ക്കി​ലാ​യ​തോ​ടെ​യാ​ണ് പു​ഴ ഭി​ത്തി​യെ​ന്ന ആ​വ​ശ്യം ശ​ക്ത​മാ​യ​ത്. നാ​ലു​ഭാ​ഗ​വും ഒ​രു​പോ​ലെ ക​ര​യി​ടി​ഞ്ഞു​കൊ​ണ്ടി​രി​ക്കു​ന്ന ഏ​ക ദ്വീ​പ് ഇ​താ​ണ്. ക​ഴി​ഞ്ഞ പ്ര​ള​യ​ക്കെ​ടു​തി​യി​ൽ എ​ല്ലാം പു​ഴ ക​വ​ർ​ന്ന​പ്പോ​ൾ സ​ങ്ക​ട​വും ആ​ശ​ങ്ക​യു​മാ​യി ക​ഴി​യു​ക​യാ​യി​രു​ന്നു ദ്വീ​പ് നി​വാ​സി​ക​ൾ. ഇ​നി​യും പ്ര​ള​യ​മു​ണ്ടാ​യാ​ൽ ദ്വീ​പ് ര​ണ്ടാ​യി വി​ഭ​ജി​ക്ക​പ്പെ​ടു​മെ​ന്ന സ്ഥി​തി​യാ​ണു​ള്ള​ത്. പു​റ​മ്പോ​ക്കു ഭൂ​മി​യും സ്വ​കാ​ര്യ വ്യ​ക്തി​ക​ളു​ടെ പ​റ​മ്പും ഉ​ൾ​പ്പെ​ടെ ഇ​വി​ടെ പു​ഴ ക​വ​ർ​ന്നി​രി​ക്ക​യാ​ണ്. 2005ൽ ​തേ​ർ​ത്ത​ല ഭാ​ഗ​ത്തു നി​ന്നും തേ​ർ​ളാ​യി ദ്വീ​പി​ലേ​ക്ക് പാ​ലം വ​ന്ന​തോ​ടെ തോ​ണി​യാ​ത്ര മൂ​ന്ന് ഭാ​ഗ​ത്തു മാ​ത്ര​മാ​യി. നി​ല​വി​ൽ മ​യ്യി​ൽ ക​ണ്ട​ക്കൈ ഭാ​ഗ​ത്തും കു​റു​മാ​ത്തൂ​രി​ലും പെ​രി​ന്ത​ലേ​രി ബോ​ട്ടു​ക​ട​വ് ഭാ​ഗ​ത്തും എ​ത്തേ​ണ്ട​വ​ർ തോ​ണി​യാ​ണ് ആ​ശ്ര​യി​ക്കു​ന്ന​ത്. 2019ലെ ​പ്ര​ള​യ​ത്തി​ൽ ദ്വീ​പ് ര​ണ്ട് ദി​വ​സ​ത്തോ​ളം പൂ​ർ​ണ​മാ​യും വെ​ള്ള​ത്തി​ൽ മു​ങ്ങി​ക്കി​ട​ന്നി​രു​ന്നു. കു​ടും​ബ​ങ്ങ​ളെ കു​റു​മാ​ത്തൂ​രി​ലും ബ​ന്ധു​വീ​ടു​ക​ളി​ലു​മാ​ണ് അ​ന്ന് മാ​റ്റി​പ്പാ​ർ​പ്പി​ച്ചി​രു​ന്ന​ത്.

ക​ഴി​ഞ്ഞ വ​ർ​ഷ​വും പ​ല​യി​ട​ങ്ങ​ളി​ലും വെ​ള്ളം ക​യ​റി നി​ര​വ​ധി വീ​ടു​ക​ളും കൃ​ഷി​യി​ട​ങ്ങ​ളും ന​ശി​ച്ചി​രു​ന്നു. ക​ര​യി​ടി​ച്ചി​ലി​നെ തു​ട​ർ​ന്ന് നേ​ര​ത്തെ ദ്വീ​പി​ന്റെ കു​റു​മാ​ത്തൂ​ർ ഭാ​ഗ​ത്ത് പു​ൾ​ക്കാ​ടി​ക​ട​വ് മു​ത​ൽ ചി​റ​മ്മ​ൽ ക​ട​വ് വ​രെ 220 മീ​റ്റ​ർ നീ​ള​ത്തി​ൽ ക​ര​ഭി​ത്തി നി​ർ​മി​ച്ചു. പു​ഴ സം​ര​ക്ഷ​ണ പ​ദ്ധ​തി​യി​ൽ അ​നു​വ​ദി​ച്ച 60 ല​ക്ഷം രൂ​പ ഉ​പ​യോ​ഗി​ച്ചാ​ണ് അ​ന്ന് ഇ​വി​ടെ ഭി​ത്തി നി​ർ​മി​ച്ച​ത്. പി​ന്നീ​ട് കെ.​സി. ജോ​സ​ഫ് എം.​എ​ൽ.​എ ഇ​ട​പെ​ട്ട് സം​ര​ക്ഷ​ണ ഭി​ത്തി കെ​ട്ടാ​നാ​യി ജ​ല​സേ​ച​ന വ​കു​പ്പി​ൽ​നി​ന്ന് 1.20 കോ​ടി രൂ​പ ല​ഭ്യ​മാ​ക്കി​യി​രു​ന്നു. ഈ ​തു​ക ഉ​പ​യോ​ഗി​ച്ച് പാ​ലം​ക​ട​വ് മു​ത​ൽ മൊ​യ്തീ​ൻ പ​ള്ളി ക​ട​വ് വ​രെ​യും മാ​ധ​വി ക​ട​വ് ഭാ​ഗ​ത്തും സം​ര​ക്ഷ​ണ ഭി​ത്തി ഒ​രു​ക്കി. ഇ​നി മോ​ല​ത്തും​ക​ട​വ്, കു​നി​മ്മ​ൽ ക​ട​വ്, ഓ​ട്ടു​വ​ള​പ്പ് ക​ട​വ് ഉ​ൾ​പ്പെ​ടെ ക​രി​യി​ടി​ച്ചി​ൽ രൂ​ക്ഷ​മാ​യ ഒ​രു കി​ലോ​മീ​റ്റ​ർ വ​രു​ന്ന അ​ഞ്ച് ഭാ​ഗ​ങ്ങ​ളി​ൽ കൂ​ടി സം​ര​ക്ഷ​ണ ഭി​ത്തി ഒ​രു​ക്കേ​ണ്ട​തു​ണ്ട്. ക​ര​യി​ടി​ഞ്ഞ ഭാ​ഗ​ങ്ങ​ളി​ൽ ഭി​ത്തി നി​ർ​മി​ക്കാ​ൻ ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് വാ​ർ​ഡം​ഗം മൂ​സാ​ൻ കു​ട്ടി തേ​ർ​ളാ​യി മു​ഖ്യ​മ​ന്ത്രി​ക്കും സ​ജീ​വ് ജോ​സ​ഫ് എം.​എ​ൽ.​എ​ക്കും നി​വേ​ദ​നം ന​ൽ​കി​യി​രു​ന്നു.

തു​ട​ർ​ന്ന് ഇ​തി​നെ​ല്ലാം​കൂ​ടി അ​ഞ്ച് കോ​ടി രൂ​പ​യു​ടെ എ​സ്റ്റി​മേ​റ്റും ത​യ്യാ​റാ​ക്കി​യി​രു​ന്നു. എ​ന്നാ​ൽ ഇ​തു​വ​രെ ഭ​ര​ണാ​നു​മ​തി​യാ​യി​ട്ടി​ല്ല. നി​ല​വി​ൽ ദ്വീ​പി​ൽ ഏ​റ്റ​വും കൂ​ടു​ത​ൽ ക​ര​യി​ടി​ഞ്ഞ​ത് തേ​ർ​ലാ​യി ശി​വ​ക്ഷേ​ത്ര​ത്തി​ന് താ​ഴെ മോ​ല​ത്തും​ക​ട​വി​ലാ​ണ്. ക​ര​യി​ട​ച്ച​ലി​നെ തു​ട​ർ​ന്ന് ദ്വീ​പി​ന്റെ വി​സ്തൃ​തി ത​ന്നെ കു​റ​ഞ്ഞു​കൊ​ണ്ടി​രി​ക്കു​ക​യാ​ണ്. ദ്വീ​പി​ന് ചു​റ്റും പു​ഴ​യോ​ര​ത്ത് ക​രി​ങ്ക​ൽ​ഭി​ത്തി പ​ണി​യു​ക​യ​ല്ലാ​തെ ക​ര​യി​ടി​ച്ചി​ലി​ന് മ​റ്റൊ​രു പ​രി​ഹാ​ര​വു​മി​ല്ലെ​ന്ന് വി​ദ​ഗ്ധ​രും സാ​ക്ഷ്യ​പ്പെ​ടു​ത്തു​ന്നു.

ദ്വീ​പ് സം​ര​ക്ഷ​ണ​ത്തി​ന് പ്ര​തീ​കാ​ത്മ​ക ഭി​ത്തി​യു​മാ​യി വി​ദ്യാ​ർഥി​ക​ൾ....

ചെ​ങ്ങ​ളാ​യി പ​ഞ്ചാ​യ​ത്തി​ലെ പ്ര​കൃ​തി ര​മ​ണീ​യ​മാ​യ തേ​ർ​ലാ​യി ദ്വീ​പി​ന് ക​രി​ങ്ക​ൽ ഭി​ത്തി​യൊ​രു​ക്കി സം​ര​ക്ഷ​ണ​മൊ​രു​ക്ക​ണ​മെ​ന്നാ​വ​ശ്യ​പ്പെ​ട്ട് വി​ദ്യാ​ർ​ഥി കൂ​ട്ടാ​യ്മ രം​ഗ​ത്തു​വ​ന്നു. ത​ളി​പ്പ​റ​മ്പ ക​രി​മ്പം കേ​യി സാ​ഹി​ബ് ട്രെ​യി​നി​ങ് കോ​ള​ജ് എ​ൻ.​എ​സ്.​എ​സ് വ​ള​ന്റിയ​ർ​മാ​രാ​ണ് തേ​ർ​ലാ​യി​ലെ​ത്തി പ്ര​തീ​കാ​ത്മ​ക മ​നു​ഷ്യ മ​തി​ൽ തീ​ർ​ത്ത​ത്. ദ്വീ​പി​ന​ടു​ത്ത് കു​റു​മാ​ത്തൂ​രി​ൽ എ​ൻ.​എ​സ്.​എ​സ് സ​പ്ത​ദി​ന ക്യാ​മ്പ് ന​ട​ക്കു​ന്നു​ണ്ട്.

അ​വി​ടെ​യെ​ത്തി​യ​പ്പോ​ഴാ​ണ് ദ്വീ​പി​ന്റെ വ​ശ്യ​സൗ​ന്ദ​ര്യ​വും അ​വി​ടു​ത്തു​കാ​ർ അ​നു​ഭ​വി​ക്കു​ന്ന ക​ര​യി​ടി​ച്ചി​ലി​ന്റെ ദു​രി​ത​വും വി​ദ്യാ​ർ​ത്ഥി​ക​ൾ കേ​ട്ട​റി​ഞ്ഞ​ത്. തു​ട​ർ​ന്നാ​ണ് ദ്വീ​പി​ലെ​ത്തി കാ​ര്യ​ങ്ങ​ൾ മ​ന​സി​ലാ​ക്കി അ​വ​ർ​ക്ക് പി​ന്തു​ണ​യ​റി​യി​ച്ച​ത്. വി​ഷ​യം ബ​ന്ധ​പ്പെ​ട്ട അ​ധി​കാ​രി​ക​ളു​ടെ ശ്ര​ദ്ധ​യി​ൽ​കൊ​ണ്ടു​വ​രു​ന്ന​തി​ന് വേ​ണ്ടി​യാ​ണ് വ​ള​ന്റി​യ​ർ​മാ​ർ പ്ര​തീ​കാ​ത്മ​ക മ​നു​ഷ്യ മ​തി​ൽ പ​ണി​ത​ത്. എ​ൻ.​എ​സ്.​എ​സ് പ്രോ​ഗ്രാം ഓ​ഫീ​സ​ർ ടി.​പി കാ​സിം, ഡോ.​ഷ​രീ​ഫ നൗ​ഫി​ന, സി.​പി ആ​ലി​പ്പി, ചെ​ങ്ങ​ളാ​യി പ​ഞ്ചാ​യ​ത്തം​ഗം മൂ​സാ​ൻ​കു​ട്ടി തേ​ർ​ലാ​യി, എ​ൻ.​എ​സ്.​എ​സ് അം​ഗ​ങ്ങ​ളാ​യ ശ്രീ​തു രാ​ജ്, വി​ഷ്ണു, പ്ര​ണ​വ്, അ​ർ​ജു​ൻ, മി​ർ​സ​ബ്, ഫാ​ത്തി​മ ഷ​ദ, ന​യി​മ പ​ർ​വീ​ൻ, ജി​ഷ്ണു എ​ന്നി​വ​ർ നേ​തൃ​ത്വം ന​ൽ​കി.