ഇവിടെയൊരു പുഴയുണ്ട്​; മാലിന്യം തള്ളാനായി

ശ്രീ​ക​ണ്ഠ​പു​രം: ആ​ർ​ക്കും എ​പ്പോ​ഴും മാ​ലി​ന്യം ത​ള്ളാ​നാ​യി ശ്രീ​ക​ണ്ഠ​പു​രം പു​ഴ. രാ​ത്രി​കാ​ല​ങ്ങ​ളി​ൽ വ്യാ​പ​ക​മാ​യി പു​ഴ​യോ​ര​ങ്ങ​ളി​ലും വെ​ള്ള​ത്തി​ലും ചാ​ക്കി​ൽ കെ​ട്ടി മാ​ലി​ന്യം ത​ള്ളു​ക​യാ​ണ്. കോ​ട്ടൂ​ർ തു​മ്പേ​നി​യി​ലും അ​മ്മ കോ​ട്ടം നീ​രൊ​ലി​പ്പി​ലും ബ​സ്​​സ്​​റ്റാ​ൻ​ഡ്​ പ​രി​സ​ര​ത്തു​മെ​ല്ലാം വ്യാ​പ​ക​മാ​യി മാ​ലി​ന്യം ത​ള്ളി​യി​ട്ടു​ണ്ട്.

ബാ​ർ​ബ​ർ ഷോ​പ്പി​ലെ മു​ടി​യു​ൾ​പ്പെ​ടെ​യു​ള്ള മാ​ലി​ന്യ​വും ക​ട​ക​ളി​ലെ വി​വി​ധ മാ​ലി​ന്യ​വും ത​ള്ളി​യി​ട്ടു​ണ്ട്. പു​ഴ​യോ​ര​ങ്ങ​ളി​ൽ മാ​ലി​ന്യം വ്യാ​പ​ക​മാ​യ​തോ​ടെ തെ​രു​വു​നാ​യ്ക്ക​ളും കു​റു​ക്ക​ന്മാ​രും ഇ​വ ക​ടി​ച്ചെ​ടു​ത്ത് റോ​ഡി​ലും വീ​ട്ടു​പ​രി​സ​ര​ങ്ങ​ളി​ലും കൊ​ണ്ടി​ടു​ന്ന സ്ഥി​തി​യു​മു​ണ്ട്. പ്ര​ദേ​ശ​ത്ത്​ ദു​ർ​ഗ​ന്ധം രൂ​ക്ഷ​മാ​ണ്.

നി​ര​വ​ധി​പേ​ർ കു​ളി​ക്കാ​നും തു​ണി ക​ഴു​കാ​നും ആ​ശ്ര​യി​ക്കു​ന്ന പു​ഴ​യി​ൽ ഇ​ത്ത​രം മാ​ലി​ന്യം ത​ള്ളു​ന്ന​ത് പ​തി​വാ​യ​തോ​ടെ ജ​ന​ങ്ങ​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​ട്ടു​ണ്ട്. പ​യ്യാ​വൂ​ർ, ഏ​രു​വേ​ശ്ശി, ചെ​മ്പേ​രി പു​ഴ​ക​ളി​ലും മാ​ലി​ന്യം പ​ല​യി​ട​ങ്ങ​ളി​ലാ​യി ത​ള്ളി​യി​ട്ടു​ണ്ട്. വ​ള​പ​ട്ട​ണം പു​ഴ​യു​ടെ വി​വി​ധ ഭാ​ഗ​ങ്ങ​ളി​ൽ രാ​ത്രി​കാ​ല​ങ്ങ​ളി​ൽ മാ​ലി​ന്യം ത​ള്ളു​ന്ന​ത് പ​തി​വാ​ണ്.