ഇനിയെങ്കിലും വരുമോ? ശ്രീകണ്ഠപുരം മുൻസിഫ് മജിസ്ട്രേറ്റ് കോടതി

ശ്രീ​ക​ണ്ഠ​പു​രം: ത​ളി​പ്പ​റ​മ്പ് കോ​ട​തി​യു​ടെ പ​രി​ധി​യി​ൽ​നി​ന്ന്​ ശ്രീ​ക​ണ്ഠ​പു​രം പൊ​ലീ​സ് സ്‌​റ്റേ​ഷ​നെ മാ​റ്റി​യ​തോ​ടെ ശ്രീ​ക​ണ്ഠ​പു​ര​ത്ത് മു​ൻ​സി​ഫ് മ​ജി​സ്ട്രേ​റ്റ് കോ​ട​തി സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. വ​ർ​ഷ​ങ്ങ​ളാ​യി ശ്രീ​ക​ണ്ഠ​പു​രം പൊ​ലീ​സ് സ്റ്റേ​ഷ​ൻ ത​ളി​പ്പ​റ​മ്പ് ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി​യു​ടെ അ​ധി​കാ​ര പ​രി​ധി​യി​ലാ​ണ് പ്ര​വ​ർ​ത്തി​ച്ചു​വ​രു​ന്ന​ത്. ശ്രീ​ക​ണ്ഠ​പു​ര​ത്തു​നി​ന്ന് ത​ളി​പ്പ​റ​മ്പ് കോ​ട​തി​യി​ൽ എ​ത്തി​ച്ചേ​രാ​ൻ 20 കി.​മീ​റ്റ​ർ ദൂ​രം മാ​ത്ര​മേ​യു​ള്ളൂ.

പു​തി​യ തീ​രു​മാ​ന പ്ര​കാ​രം ആ​ളു​ക​ൾ​ക്ക് 40 കി.​മീ​റ്റ​ർ സ​ഞ്ച​രി​ച്ച് വേ​ണം ക​ണ്ണൂ​ർ കോ​ട​തി​യി​ൽ എ​ത്താ​ൻ. ക​ഴി​ഞ്ഞ ന​വം​ബ​റി​ലാ​ണ് ശ്രീ​ക​ണ്ഠ​പു​രം പൊ​ലീ​സ് സ്റ്റേ​ഷ​നെ ക​ണ്ണൂ​ർ ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി​യു​ടെ പ​രി​ധി​യി​ലേ​ക്ക് മാ​റ്റി​യു​ള്ള ഹൈ​കോ​ട​തി ഉ​ത്ത​ര​വ് വ​ന്ന​ത്.

ഇ​തു​പ്ര​കാ​രം ശ്രീ​ക​ണ്ഠ​പു​രം, ക​ണ്ണ​പു​രം, മ​യ്യി​ൽ സ്റ്റേ​ഷ​നു​ക​ൾ ക​ണ്ണൂ​ർ ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി മൂ​ന്നി​ലേ​ക്കും ക​ണ്ണൂ​ർ ടൗ​ൺ, ക​ണ്ണൂ​ർ ട്രാ​ഫി​ക് സ്റ്റേ​ഷ​നു​ക​ൾ ക​ണ്ണൂ​ർ ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി ഒ​ന്നി​ലേ​ക്കും ക​ണ്ണൂ​ർ സി​റ്റി, വ​ള​പ​ട്ട​ണം, ക​ണ്ണൂ​ർ റെ​യി​ൽ​വേ, ഇ​രി​ക്കൂ​ർ സ്‌​റ്റേ​ഷ​നു​ക​ൾ ക​ണ്ണൂ​ർ ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി ര​ണ്ടി​ലേ​ക്കു​മാ​ണ് മാ​റ്റി​യ​ത്.

ത​ളി​പ്പ​റ​മ്പ് കോ​ട​തി​യു​ടെ പ​രി​ധി​യി​ൽ ത​ളി​പ്പ​റ​മ്പ്, ആ​ല​ക്കോ​ട്, കു​ടി​യാ​ൻ​മ​ല, പ​യ്യാ​വൂ​ർ സ്റ്റേ​ഷ​നു​ക​ളാ​ണ് ഉ​ള്ള​ത്. ന​ട​പ​ടി പു​നഃ​പ​രി​ശോ​ധി​ക്ക​ണ​മെ​ന്ന​വ​ശ്യ​പ്പെ​ട്ട് സ​ജീ​വ് ജോ​സ​ഫ് എം.​എ​ൽ.​എ ജി​ല്ല​യു​ടെ ചു​മ​ത​ല​യു​ള്ള ഹൈ​കോ​ട​തി ജ​ഡ്ജി വി.​ജി. അ​രു​ണി​നെ ക​ണ്ട് ക​ത്ത് ന​ൽ​കി​യി​രു​ന്നു. ശ്രീ​ക​ണ്ഠ​പു​രം ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ന്റ് അ​ഡ്വ. ഇ.​വി. രാ​മ​കൃ​ഷ്ണ​നും ആ​വ​ശ്യ​മു​ന്ന​യി​ച്ച് നി​വേ​ദ​നം ന​ൽ​കി​യി​രു​ന്നു.

സി.​പി.​എം ശ്രീ​ക​ണ്ഠ​പു​രം ഏ​രി​യ ക​മ്മി​റ്റി ഹൈ​കോ​ട​തി ചീ​ഫ് ജ​സ്റ്റി​സി​നും മു​ഖ്യ​മ​ന്ത്രി​ക്കും പ്ര​മേ​യ​മ​ട​ങ്ങി​യ നി​വേ​ദ​ന​വും കൈ​മാ​റി. എ​ന്നാ​ൽ, മാ​സ​ങ്ങ​ൾ ക​ഴി​ഞ്ഞി​ട്ടും പ​ഴ​യ പ​ടി​യാ​ക്കി ഉ​ത്ത​ര​വി​റ​ക്കി​യി​ട്ടി​ല്ല. ശ്രീ​ക​ണ്ഠ​പു​ര​ത്ത് ഒ​രു മു​ൻ​സി​ഫ് മ​ജി​സ്‌​ട്രേ​റ്റ് കോ​ട​തി സ്ഥാ​പി​ച്ച് ശ്രീ​ക​ണ്ഠ​പു​രം, പ​യ്യാ​വൂ​ർ, ഇ​രി​ക്കൂ​ർ, ഉ​ളി​ക്ക​ൽ, കു​ടി​യാ​ന്മ​ല, ആ​ല​ക്കോ​ട് പൊ​ലീ​സ് സ്റ്റേ​ഷ​നു​ക​ളെ ഈ ​കോ​ട​തി​യു​ടെ പ​രി​ധി​യി​ൽ കൊ​ണ്ടു​വ​ന്നാ​ൽ നി​ല​വി​ലെ പ്ര​ശ്‌​ന​ങ്ങ​ൾ​ക്ക് പ​രി​ഹാ​രം കാ​ണാ​ൻ സാ​ധി​ക്കും. അ​തി​ന് സ​ർ​ക്കാ​റാ​ണ് താൽപ​ര്യ​മെ​ടു​ക്കേ​ണ്ട​ത്.

1981ൽ ​അ​നു​വ​ദി​ച്ച കോ​ട​തി​യെ​വി​ടെ?

ശ്രീ​ക​ണ്ഠ​പു​ര​ത്ത് 1981ൽ ​മു​ൻ​സി​ഫ് മ​ജി​സ്ട്രേ​റ്റ് കോ​ട​തി അ​നു​വ​ദി​ച്ചി​രു​ന്നു. മു​ൻ​ഗ​ണ​ന​ക്ര​മം അ​നു​സ​രി​ച്ച് കോ​ട​തി ആ​രം​ഭി​ക്കാ​മെ​ന്നാ​ണ് സ​ർ​ക്കാ​ർ പ​റ​ഞ്ഞി​രു​ന്ന​ത്. ഇ​തു​പ്ര​കാ​രം 1981ൽ ​പ​ട്ടി​ക​യി​ൽ 21ാം സ്ഥാ​ന​ത്താ​യി​രു​ന്നു ശ്രീ​ക​ണ്ഠ​പു​രം.

എ​ന്നാ​ൽ, 42 വ​ർ​ഷ​മാ​യി​ട്ടും ഇ​പ്പോ​ഴും 13ാം സ്ഥാ​ന​ത്തു​നി​ന്ന് താ​ഴേ​ക്ക് നീ​ങ്ങി​യി​ട്ടി​ല്ല. മു​ൻ​ഗ​ണ​ന പ​ട്ടി​ക മ​റി​ക​ട​ന്ന് ദേ​വി​കു​ള​ത്തും ക​രു​നാ​ഗ​പ്പ​ള്ളി​യി​ലും കോ​ട​തി​ക​ൾ ആ​രം​ഭി​ച്ചി​ട്ടും ശ്രീ​ക​ണ്ഠ​പു​രം ത​ഴ​യ​പ്പെ​ടു​ക​യാ​യി​രു​ന്നു. ന​ഗ​ര​സ​ഭ​യാ​യ​തോ​ടെ ശ്രീ​ക​ണ്ഠ​പു​ര​ത്ത് അ​നു​വ​ദി​ക്ക​പ്പെ​ട്ട ഗ്രാ​മീ​ണ കോ​ട​തി ഇ​രി​ക്കൂ​ർ പ​ഞ്ചാ​യ​ത്തി​ലെ പെ​രു​വ​ള​ത്തു​പ​റ​മ്പി​ലും സ്ഥാ​പി​ച്ചു.

മ​ല​യോ​ര പ്ര​ദേ​ശ​ങ്ങ​ൾ കോ​ർ​ത്തി​ണ​ക്കി രൂ​പ​വ​ത്ക​രി​ച്ച ക​ണ്ണൂ​ർ റൂ​റ​ൽ ജി​ല്ല പൊ​ലീ​സ് ആ​സ്ഥാ​നം റൂ​റ​ൽ ജി​ല്ല​യു​ടെ മ​ധ്യ​ഭാ​ഗം വ​രു​ന്ന ശ്രീ​ക​ണ്ഠ​പു​ര​ത്താ​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ന്നു​ണ്ട്. ഇ​രി​ട്ടി മേ​ഖ​ല മു​ത​ൽ ത​ളി​പ്പ​റ​മ്പ്, പ​യ്യ​ന്നൂ​ർ, ചെ​റു​പു​ഴ, പെ​രി​ങ്ങോം, ആ​ല​ക്കോ​ട് പ്ര​ദേ​ശ​ങ്ങ​ളു​ടെ​യെ​ല്ലാം കേ​ന്ദ്ര​മാ​യി ശ്രീ​ക​ണ്ഠ​പു​ര​ത്ത് റൂ​റ​ൽ ജി​ല്ല പൊ​ലീ​സ് ആ​സ്ഥാ​നം സ്ഥാ​പി​ക്കാ​വു​ന്ന​താ​ണ്.

ശ്രീ​ക​ണ്ഠ​പു​രം പൊ​ലീ​സ് സ്റ്റേ​ഷ​നോ​ട് ചേ​ർ​ന്ന് ഏ​ക്ക​റു​ക​ണ​ക്കി​ന് സ്വ​ന്തം ഭൂ​മി​യു​മു​ണ്ട്. എ​ന്നി​ട്ടും അ​ധി​കൃ​ത​ർ ഇ​ത് ഗൗ​നി​ച്ചി​ട്ടി​ല്ല. മു​ൻ​സി​ഫ് മ​ജി​സ്ട്രേ​റ്റ് കോ​ട​തി കൂ​ടി ശ്രീ​ക​ണ്ഠ​പു​ര​ത്ത് സ്ഥാ​പി​ച്ചാ​ൽ ജ​ന​ങ്ങ​ൾ​ക്ക് ക​ണ്ണൂ​ർ​വ​രെ സ​ഞ്ച​രി​ക്കാ​തെ ത​ന്നെ കോ​ട​തി ആ​വ​ശ്യ​ങ്ങ​ൾ നി​റ​വേ​റ്റാ​നാ​കും. അ​ഭി​ഭാ​ഷ​ക​രും രാ​ഷ്ട്രീ​യ സം​ഘ​ട​ന​ക​ളു​മെ​ല്ലാം ആ​വ​ശ്യ​മ​റി​യി​ച്ച് സ​ർ​ക്കാ​രി​നെ സ​മീ​പി​ച്ച സാ​ഹ​ച​ര്യ​ത്തി​ൽ പ്ര​തീ​ക്ഷ​യേ​റെ​യാ​ണു​ള്ള​ത്.