ക്ഷേത്ര കവർച്ച: അന്വേഷണം ഊർജിതമാക്കി

പ​ഴ​യ​ങ്ങാ​ടി: ഏ​ഴോം കു​റു​വാ​ട്ടെ കൂ​ർ​മ്പ ഭ​ഗ​വ​തി ക്ഷേ​ത്ര​ത്തി​ൽ നി​ന്ന് തി​രു​വാ​ഭ​ര​ണ​ങ്ങ​ൾ ക​വ​ർ​ന്ന കേ​സി​ലെ പ്ര​തി​ക​ളെ ക​ണ്ടെ​ത്തു​ന്ന​തി​ന്​ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. 15 പ​വ​ൻ പൊ​ന്നും പൂ​വും തി​രു​വാ​ഭ​ര​ണ​വു​മാ​ണ് ശ്രീ​കോ​വി​ൽ കു​ത്തി​ത്തു​റ​ന്ന് മോ​ഷ്​​ടി​ച്ച​ത്.

വ്യാ​ഴാ​ഴ്ച രാ​ത്രി ഏ​ഴ​ര​യോ​ടെ അ​ട​ച്ച ക്ഷേ​ത്രം വെ​ള്ളി​യാ​ഴ്ച പു​ല​ർ​െ​ച്ച അ​ഞ്ച​ര​യോ​ടെ തു​റ​ന്ന​പ്പോ​ഴാ​ണ് തി​ട​മ്പി​ൽ ചാ​ർ​ത്തു​ന്ന തി​രു​വാ​ഭ​ര​ണ​ങ്ങ​ൾ പെ​ട്ടി​യി​ൽ നി​ന്നും മോ​ഷ​ണം​േ​പാ​യ​താ​യി ക​ണ്ടെ​ത്തി​യ​ത്. ശ്രീ ​കോ​വി​ൽ കു​ത്തി​ത്തു​റ​ക്കാ​ൻ ഉ​പ​യോ​ഗി​ച്ച ഇ​രു​മ്പു​പാ​ര​യും മ​റ്റും ക്ഷേ​ത്ര​ത്തി​ൽ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു.

ക്ഷേ​ത്ര​ത്തി​നു സ​മീ​പ​ത്തെ നി​ർ​മാ​ണം ന​ട​ക്കു​ന്ന വീ​ട്ടി​ൽ നി​ന്ന് കോ​ൺ​ക്രീ​റ്റ് പ​ണി​യാ​യു​ധ​ങ്ങ​ളെ​ടു​ത്താ​ണ് ക​വ​ർ​ച്ച​ക്കു​പ​യോ​ഗി​ച്ച​തെ​ന്ന് പൊ​ലീ​സി​ന് ബോ​ധ്യ​മാ​യി​ട്ടു​ണ്ട്.നെ​രു​വ​മ്പ്രം ടൗ​ണി​ലെ നി​രീ​ക്ഷ​ണ കാ​മ​റ​ക​ളി​ലെ ദൃ​ശ്യം പൊ​ലീ​സ് ശേ​ഖ​രി​ച്ചി​ട്ടു​ണ്ട്.

മ​യ​ക്കു​മ​രു​ന്നു​പ​യോ​ഗി​ക്കു​ന്ന​വ​രെ​ന്ന് സം​ശ​യ​മു​ള്ള ചി​ല​രെ പ​രി​സ​ര​ങ്ങ​ളി​ൽ ക​ണ്ടി​രു​ന്ന​താ​യി പൊ​ലീ​സി​ന് വി​വ​രം ല​ഭി​ച്ച​തി​നാ​ൽ ഇ​ത്ത​ര​ക്കാ​രെ കേ​ന്ദ്രീ​ക​രി​ച്ചും അ​ന്വേ​ഷ​ണം ന​ട​ത്തു​ന്നു​ണ്ട്.ക്ഷേ​ത്ര​ത്തി​ലു​ണ്ടാ​യി​രു​ന്ന വെ​ള്ളി ആ​ഭ​ര​ണ​ങ്ങ​ൾ ന​ഷ്​​ട​പ്പെ​ട്ടി​ട്ടി​ല്ല. ക്ഷേ​ത്ര​ത്തെ കു​റി​ച്ചും പ്ര​ദേ​ശ​ത്തെ കു​റി​ച്ചും വ്യ​ക്ത​ത​യു​ള്ള​വ​രാ​ണ് മോ​ഷ്​​ടാ​ക്ക​ളെ​ന്നാ​ണ് പൊ​ലീ​സ് നി​ഗ​മ​നം.അ​ന്വേ​ഷ​ണ​ത്തി​ന് ഡോ​ഗ് സ്​​ക്വാ​ഡും എ​ത്തി​യി​രു​ന്നു. നാ​ലു​പേ​രു​ടെ വി​ര​ല​ട​യാ​ള​മാ​ണ് ല​ഭി​ച്ചി​ട്ടു​ള്ള​ത്.

നേ​ര​ത്തെ വി​വി​ധ ക്ഷേ​ത്ര​ങ്ങ​ളി​ൽ ക​വ​ർ​ച്ച ന​ട​ത്തി​യ​വ​രു​ടെ വി​ര​ല​ട​യാ​ള​ങ്ങ​ളു​മാ​യി ഇ​വ താ​ര​ത​മ്യ​പ്പെ​ടു​ത്തി​യും അ​ന്വേ​ഷ​ണം ന​ട​ത്താ​നാ​ണ് പൊ​ലീ​സി​ന്‍റെ നീ​ക്കം.