പുന്നോലിൽ പഴം-പച്ചക്കറി കട കത്തിനശിച്ചു

ത​ല​ശ്ശേ​രി: മാ​ഹി ദേ​ശീ​യ​പാ​ത​യി​ൽ പു​ന്നോ​ൽ കു​റി​ച്ചി​യി​ൽ പാ​ത​യോ​ര​ത്ത് പ്ര​വ​ർ​ത്തി​ക്കു​ന്ന പ​ഴം -പ​ച്ച​ക്ക​റി​ക്ക​ട ക​ത്തി​ന​ശി​ച്ചു. ബു​ധ​നാ​ഴ്ച പു​ല​ർ​ച്ച ര​ണ്ട​ര​ക്കാ​ണ് സം​ഭ​വം. കു​റി​ച്ചി​യി​ൽ റെ​യി​ൽ​വേ ഗേ​റ്റി​ന് സ​മീ​പ​ത്ത് പ്ര​ദേ​ശ​വാ​സി​യാ​യ മു​രി​ക്കോ​ളി കു​ന്നോ​ത്ത് അ​സീ​സ് ന​ട​ത്തി​വ​രു​ന്ന കു​ടും​ബ​ശ്രീ പ​ഴം -പ​ച്ച​ക്ക​റി ക​ട​യാ​ണ് അ​ഗ്നി​ക്കി​ര​യാ​യ​ത്.

ക​ട​യി​ലെ സാ​ധ​ന സാ​മ​ഗ്രി​ക​ള​ട​ക്കം ക​ത്തി​ന​ശി​ച്ചു. ഇ​രു​മ്പ് ഷീ​റ്റു​ക​ളും ഇ​രു​മ്പ് പൈ​പ്പു​ക​ളും താ​ർ​പാ​യ​ക​ളും ഉ​പ​യോ​ഗി​ച്ച് നി​ർ​മി​ച്ച വ​ലി​യ ഷെ​ഡി​ലാ​ണ് സ്ഥാ​പ​നം പ്ര​വ​ർ​ത്തി​ച്ചി​രു​ന്ന​ത്. ത​ല​ശ്ശേ​രി അ​ഗ്നി​ര​ക്ഷാ​നി​ല​യ​ത്തി​ലെ ര​ണ്ട് യൂ​നി​റ്റ് എ​ത്തി​യാ​ണ് തീ​യ​ണ​ച്ച​ത്. റ​ഫ്രി​ജ​റേ​റ്റ​റു​ക​ൾ, സാ​ധ​ന​ങ്ങ​ൾ തൂ​ക്കു​ന്ന മെ​ഷീ​നു​ക​ൾ, ഫ്രീ​സ​റു​ക​ൾ, ഫ​ർ​ണി​ച്ച​റു​ക​ൾ ഉ​ൾ​പ്പെ​ടെ മു​ഴു​വ​ൻ സാ​ധ​ന​ങ്ങ​ളും പ​ച്ച​ക്ക​റി​ക​ളും പ​ഴ​ങ്ങ​ളും ന​ശി​ച്ചു. ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മാ​ണു​ണ്ടാ​യ​ത്.

ക​ത്തി​ന​ശി​ച്ച സ്ഥാ​പ​ന​ത്തി​ന് സ​മീ​പ​ത്തെ താ​മ​സ​ക്കാ​ര​നാ​യസ​ജ്ജാ​ദ് അ​ഹ​മ്മ​ദി​ന്റെ ഉ​ട​മ​സ്ഥ​ത​യി​ലു​ള്ള​താ​ണ് സ്ഥാ​പ​നം. അ​സീ​സി​ന് ക​ട ന​ട​ത്താ​ൻ ഏ​ൽ​പി​ച്ചെ​ന്നാ​ണ് ല​ഭ്യ​മാ​യ വി​വ​രം. തീ​പി​ടി​ത്ത​മു​ണ്ടാ​യ കാ​ര​ണം വ്യ​ക്ത​മ​ല്ല. പു​ല​ർ​ച്ച​യു​ണ്ടാ​യ സം​ഭ​വ​ത്തി​ന് പി​ന്നി​ൽ ദു​രൂ​ഹ​ത ഉ​യ​ർ​ന്നി​ട്ടു​ണ്ട്. ത​ക്ക​സ​മ​യ​ത്ത് തീ​യു​യ​രു​ന്ന​ത് വ​ഴി​യാ​ത്ര​ക്കാ​ർ ക​ണ്ട​തി​നാ​ലാ​ണ് വ​ൻ​ദു​ര​ന്ത​മൊ​ഴി​വാ​യ​ത്. ക​ട​യു​ടെ ചു​റ്റു​മാ​യി നി​ര​വ​ധി വീ​ടു​ക​ളും വ്യാ​പാ​ര സ്ഥാ​പ​ന​ങ്ങ​ളും സ്ഥി​തി​ചെ​യ്യു​ന്നു​ണ്ട്. ക​ട​ക്ക് തീ​വെ​ച്ച​താ​ണെ​ന്ന ആ​രോ​പ​ണ​മു​യ​ർ​ന്ന സാ​ഹ​ച​ര്യ​ത്തി​ൽ ന്യൂ ​മാ​ഹി പൊ​ലീ​സ് അ​ന്വേ​ഷ​ണം തു​ട​ങ്ങി.

ക​ട​യി​ലെ നി​രീ​ക്ഷ​ണ കാ​മ​റ​ക​ളും മ​റ്റും ക​ത്തി​ന​ശി​ച്ചെ​ങ്കി​ലും തീ ​പി​ടി​ക്കു​ന്ന​തി​ന് മു​മ്പു​ള്ള ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ക്കു​ന്നു​ണ്ട്. ത​ല​ശ്ശേ​രി​യി​ൽ​നി​ന്ന്​ കോ​ഴി​ക്കോ​ട് പു​തി​യാ​പ്പ​യി​ൽ മ​ത്സ്യ​മെ​ടു​ക്കാ​ൻ പോ​വു​ക​യാ​യി​രു​ന്ന ത​ല​ശ്ശേ​രി ക​സ്റ്റം​സ് റോ​ഡി​ലെ പു​തി​യ​പു​ര​യി​ൽ ഫൈ​സ​ലാ​ണ് തീ​യു​യ​രു​ന്ന​ത് ആ​ദ്യ​മാ​യി ക​ണ്ട​ത്. ത​ല​ശ്ശേ​രി അ​ഗ്നി​ര​ക്ഷാ​നി​ല​യ​ത്തി​ലും ന്യൂ​മാ​ഹി പൊ​ലീ​സ് സ്റ്റേ​ഷ​നി​ലും ഇ​യാ​ളാ​ണ് വി​വ​ര​മ​റി​യി​ച്ച​ത്. ന്യൂ​മാ​ഹി പൊ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

ഗ്രേ​ഡ് അ​സി. സ്റ്റേ​ഷ​ൻ ഓ​ഫി​സ​ർ വി.​കെ. സ​ന്ദീ​പി​ന്റെ നേ​തൃ​ത്വ​ത്തി​ൽ നി​രൂ​പ്, റെ​നീ​ഷ്, ശ​ര​ത്ത്, ബി​നീ​ഷ്, ഗോ​കു​ൽ, നോ​ബി​ൾ, പ്രേം​ലാ​ൽ, സു​ബീ​ഷ് പ്രേം ​എ​ന്നി​വ​ര​ട​ങ്ങു​ന്ന സം​ഘ​മാ​ണ് തീ​യ​ണ​ച്ച​ത്. പു​ന്നോ​ൽ ദേ​ശീ​യ​പാ​ത​യി​ൽ ഇ​തി​ന് മു​മ്പും ഷെ​ഡി​ൽ പ്ര​വ​ർ​ത്തി​ക്കു​ന്ന സ്ഥാ​പ​നം ഇ​തു​പോ​ലെ ക​ത്തി​ന​ശി​ച്ചി​രു​ന്നു.