തലശ്ശേരി റെയിൽവേ സ്റ്റേഷനിൽ ടിക്കറ്റെടുക്കാൻ പെടാപ്പാട്

ത​ല​ശ്ശേ​രി: റെ​യി​ൽ​വേ സ്റ്റേ​ഷ​നി​ൽ 24 മ​ണി​ക്കൂ​റും തു​ട​ർ​ച്ച​യാ​യി പ്ര​വ​ർ​ത്തി​ച്ചു​കൊ​ണ്ടി​രു​ന്ന ര​ണ്ടാം ന​മ്പ​ർ പ്ലാ​റ്റ്ഫോ​മി​ലെ ടി​ക്ക​റ്റ് കൗ​ണ്ട​ർ യാ​തൊ​രു മു​ന്ന​റി​പ്പു​മി​ല്ലാ​തെ രാ​ത്രി ഒ​മ്പ​തി​ന് അ​ട​ച്ചു പൂ​ട്ടു​ന്ന​ത് യാ​ത്ര​ക്കാ​ർ​ക്ക് വി​ന​യാ​യി. കി​ഴ​ക്ക​ൻ മ​ല​യോ​ര പ്ര​ദേ​ശ​ങ്ങ​ളി​ൽ നി​ന്ന് രാ​ത്രി​കാ​ല​ത്ത് യാ​ത്ര ചെ​യ്യാ​ൻ എ​ത്തു​ന്ന​വ​ർ​ക്ക് ഏ​റെ പ്ര​യോ​ജ​ന​പ്പെ​ട്ടി​രു​ന്നു ഈ ​കൗ​ണ്ട​ർ. റെ​യി​ൽ​വേ​യു​ടെ ഈ ​ന​ട​പ​ടി യാ​ത്ര​ക്കാ​രെ ദു​രി​ത​ത്തി​ലാ​ക്കി​യി​രി​ക്കു​ന്നു.

ഓ​ൺ​ലൈ​നി​ൽ ആ​പ്പ് ഉ​പ​യോ​ഗി​ച്ച് റി​സ​ർ​വേ​ഷ​നി​ല്ലാ​ത്ത ടി​ക്ക​റ്റു​ക​ൾ എ​ടു​ക്കാ​ൻ സൗ​ക​ര്യ​മേ​ർ​പ്പെ​ടു​ത്തി​യി​ട്ടു​ണ്ടെ​ന്നും വെ​ൻ​ഡി​ങ്ങ് മെ​ഷീ​നു​ക​ൾ സ്ഥാ​പി​ച്ചി​ട്ടു​ണ്ടെ​ന്നു​ള്ള റെ​യി​ൽ​വേ​യു​ടെ വാ​ദം ബാ​ലി​ശ​മാ​ണ്. പ​ല​ർ​ക്കും ആ​ധു​നി​ക സാ​ങ്കേ​തി​ക വി​ദ്യ​ക​ൾ ഉ​ൾ​ക്കൊ​ള്ളാ​നു​ള്ള ക​ഴി​വി​ല്ലെ​ന്നു മാ​ത്ര​മ​ല്ല അ​ത് പ്ര​യോ​ജ​ന​പ്പെ​ടു​ത്താ​നു​ള്ള ശേ​ഷി​യി​ല്ലാ​ത്ത​തി​നാ​ൽ ഭൂ​രി​പ​ക്ഷം യാ​ത്ര​ക്കാ​രും കൗ​ണ്ട​റു​ക​ളെ​യാ​ണ് ആ​ശ്ര​യി​ക്കു​ന്ന​ത്. കൗ​ണ്ട​ർ ഒ​മ്പ​തി​ന് അ​ട​ക്കു​ന്ന​തി​നാ​ൽ അ​ന്വേ​ഷ​ണ​ത്തി​നു​ള്ള സൗ​ക​ര്യ​വും ഇ​ല്ലാ​താ​യി​രി​ക്കു​ന്നു.

ടി​ക്ക​റ്റ് കൗ​ണ്ട​ർ നേ​ര​ത്തെ പ്ര​വ​ർ​ത്തി​ച്ച​ത് പോ​ലെ 24 മ​ണി​ക്കൂ​റും തു​ട​ർ​ച്ച​യാ​യി പ്ര​വ​ർ​ത്തി​പ്പി​ക്ക​ണ​മെ​ന്ന് ത​ല​ശ്ശേ​രി റെ​യി​ൽ​വേ പാ​സ​ഞ്ച​ർ അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു. ഇ​ത് സം​ബ​ന്ധി​ച്ച് ദ​ക്ഷി​ണ റെ​യി​ൽ​വേ ഡി​വി​ഷ​ന​ൽ മാ​നേ​ജ​ർ അ​രു​ൺ കു​മാ​ർ ച​തു​ർ​വേ​ദി​ക്കും അ​ഡീ​ഷ​ണ​ൽ ഡി​വി​ഷ​ന​ൽ റെ​യി​ൽ​വേ മാ​നേ​ജ​ർ ജ​യ​കൃ​ഷ്ണ​നും ഇ​തു സം​ബ​ന്ധി​ച്ച് നി​വേ​ദ​നം ന​ൽ​കി.