തീ​രാ​ത്ത ചോ​ർ​ച്ച...

ത​ല​ശ്ശേ​രി: നി​ര​വ​ധി വ്യാ​പാ​ര സ്ഥാ​പ​ന​ങ്ങ​ളും സ​ർ​ക്കാ​ർ - സ്വ​കാ​ര്യ സ്ഥാ​പ​ന​ങ്ങ​ളും പ്ര​വ​ർ​ത്തി​ക്കു​ന്ന പ​ഴ​യ ബ​സ് സ്റ്റാ​ൻ​ഡ് ജൂ​ബി​ലി ഷോ​പ്പി​ങ് കോം​പ്ല​ക്സി​ൽ ചോ​ർ​ച്ച രൂ​ക്ഷം. ത​ല​ശ്ശേ​രി ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള​താ​ണ് മൂ​ന്ന​ര പ​തി​റ്റാ​ണ്ട് പ​ഴ​ക്ക​മു​ള്ള കെ​ട്ടി​ടം.

കാ​ല​വ​ർ​ഷം ശ​ക്തി​പ്പെ​ട്ട​തോ​ടെ കെ​ട്ടി​ട​ത്തി​ന്റെ മു​ക​ളി​ലും താ​ഴെ നി​ല​യി​ലു​മാ​യി വെ​ള്ളം ത​ളം കെ​ട്ടു​ക​യാ​ണ്. മ​ഴ​യും കാ​റ്റും ശ​ക്തി​യു​ള്ള സ​മ​യ​ങ്ങ​ളി​ൽ കെ​ട്ടി​ട​ത്തി​ൽ ചോ​ർ​ച്ച രൂ​ക്ഷ​മാ​ണ്. മു​ക​ളി​ൽ നി​ന്നൊ​ലി​ച്ചി​റ​ങ്ങു​ന്ന വെ​ള്ളം കോ​വ​ണി​യി​ലാ​കെ ത​ളം കെ​ട്ടു​ന്നു. താ​ഴെ നി​ല​യി​ലും ഇ​താ​ണ് സ്ഥി​തി. ബാ​ങ്കി​ലും മ​റ്റ് ഓ​ഫി​സു​ക​ളി​ലും വ്യ​ത്യ​സ്ത ആ​വ​ശ്യ​ങ്ങ​ൾ​ക്കാ​യെ​ത്തു​ന്ന പ്രാ​യ​മേ​റി​യ​വ​രാ​ണ് വെ​ള്ള​ക്കെ​ട്ട് കാ​ര​ണം ദു​രി​ത​മ​നു​ഭ​വി​ക്കു​ന്ന​ത്.

സ​ർ​ക്കാ​ർ, അ​ർ​ധ സ​ർ​ക്കാ​ർ സ്ഥാ​പ​ന​ങ്ങ​ൾ, ബാ​ങ്കു​ക​ൾ, മാ​ധ്യ​മ​സ്ഥാ​പ​ന​ങ്ങ​ൾ, സ​ഹ​ക​ര​ണ പ്ര​സ്, ത​ല​ശ്ശേ​രി താ​ലൂ​ക്ക് ലൈ​ബ്ര​റി കൗ​ൺ​സി​ൽ ഓ​ഫി​സ്, ചാ​ർ​ട്ടേ​ഡ് അ​ക്കൗ​ണ്ട​ൻ​റ് ഓ​ഫി​സു​ക​ൾ, ട്യൂ​ഷ​ൻ സെൻറ​ർ, ട്രാ​വ​ൽ ഏ​ജ​ൻ​സി, തു​ന്ന​ൽ ക​ട​ക​ൾ, പ​ഴം പ​ച്ച​ക്ക​റി സ​ഹ​ക​ര​ണ സം​ഘം ഓ​ഫി​സ്, കൂ​ടാ​തെ നി​ര​വ​ധി വ്യാ​പാ​ര സ്ഥാ​പ​ന​ങ്ങ​ളും ഈ ​ബ​ഹു​നി​ല കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്നു​ണ്ട്.

മ​ഴ​ക്കാ​ല​ത്ത് കെ​ട്ടി​ട​ത്തി​ൽ ചോ​ർ​ച്ച പ​തി​വാ​ണ്. ഏ​താ​നും വ​ർ​ഷം മു​മ്പ് ല​ക്ഷ​ങ്ങ​ൾ ചെ​ല​വ​ഴി​ച്ച് കെ​ട്ടി​ട​ത്തി​ന്റെ മു​ക​ളി​ൽ ആ​സ്ബ​സ്റ്റോ​സ് ഷീ​റ്റു​ക​ൾ പാ​കി​യി​രു​ന്നു. തൊ​ട്ട​ടു​ത്ത വ​ർ​ഷ​ത്തെ മ​ഴ​യി​ൽ തൊ​ട്ടു​താ​ഴെ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ളി​ൽ ചോ​ർ​ച്ച തു​ട​ങ്ങി. പ്ര​ശ്നം പ​രി​ഹ​രി​ക്കു​ന്ന​തി​ന് ന​ഗ​ര​സ​ഭ അ​ധി​കൃ​ത​രു​ടെ ഭാ​ഗ​ത്ത് നി​ന്ന് കാ​ര്യ​മാ​യ ന​ട​പ​ടി​ക​ൾ ഉ​ണ്ടാ​കാ​ത്ത​തി​നാ​ൽ വ്യാ​പാ​രി​ക​ൾ​ക്കി​ട​യി​ൽ പ്ര​തി​ഷേ​ധം ക​ന​ക്കു​ക​യാ​ണ്.